享慢煮泰

享慢煮泰由堅尼地城mtr行過去，大約5分鐘係一間融合慢煮、泰式同法式既fusion餐廳見openrice有promo,預先買定餐飲劵，黎試試佢個＜法式優閒三層下午茶套餐＞*記得要預先1日打電話/ws預約*星期一至日2:30-5:30pm都用得**留意返!佢餐飲劵個詳情，細字有一句:"餐牌內容或會因食材供應而稍作調整，恕不另行通知"的確，當日見佢個afternoon set menu,係同openrice餐飲劵寫既係有唔同架!!我地今次個甜點，有2個唔同，無我想食既泰式奶茶芝士蛋糕既😭所以大家留意下餐廳環境，好舒服、好chill、好relax，推介佢中間嗰d兩排梳化位逐樣點評下:-燒日本扇貝配泰式汁 呢個扇貝都唔算太細粒，味道都算不錯-燒美國生蠔配泰式汁 個生蠔勁細隻，無乜蠔味-芒果蟹肉牛油果多士 太細塊，食唔到咩味，唔講唔知上面pat野原來係芒果蟹肉牛油果😂-西班牙黑毛豬頸肉溫室青瓜刈包正常味道，ok-黑松露野菌脆春卷(素食)無乜黑松露味喎《甜點》佢好得意，芝士蛋糕同芒果糯米飯都有分開2件細既上但個奶凍同燉蛋得一杯其實如果2個人去食，咁樣分，好麻煩喎而且，基於衛生問題，建議分返2杯細既會好好多!–斑蘭意式奶凍呢個算唔錯，都幾好食-鳳梨焦糖燉蛋嘩，呢個太甜，甜到我地完全食唔到-鮮莓芝士蛋糕拿，呢個，個menu係寫鮮莓芝士蛋糕但我食入口嗰件，明明係青檸味XD-芒果糯米飯勁貨不對辦，大家睇下張相um...芒果仲細過隻手指尾既指甲...其實你話我知，佢係椰汁紫米既話，我會易接受d呢個tea set,應該2個女仔都唔會夠飽所以，推介大家要加佢個＜意猶未盡Speciel Treat＞，有3款:1.龍蝦湯流心牛角包 (+$28)2.冬蔭龍蝦湯流心牛角包(+$28) 3.泰式奶茶流心牛角包 (+$28)問過，話可以加幾多件都得!於是我地叫左3個牛角包冬蔭龍蝦湯唔係差既，只係，冬蔭公隻味又唔太冬蔭公咁，又唔夠辣又唔夠酸可能都係就咁龍蝦湯好味danyways,至於佢個泰式奶茶流心牛角包，呢個係勁推介既!!!!應該全港得呢度有得食，係好好味既!tea set係麻麻地，不過，為左呢個泰式奶茶流心牛角包，我覺得都值得再黎食既…查看更多

呢排上網成日都見到唔少人介紹一間位於西環嘅泰式fusion餐廳：享慢煮泰，睇圖見到餐廳裝修得好有格調，食物又十分吸引！🤩🤩 望一望個餐廳名，我先醒起原來佢係我好耐之前喺上環食過一間法國餐廳，享慢煮意嘅姊妹店！😮 嗰時都食到舔舔脷，令我非常回味！我諗呢間姊妹店都應該唔錯，於是今日就book咗檯夜晚過嚟試下！😝.餐廳可能因為太受歡迎，即使已經book咗檯，都要喺門口排一排隊，大概等咗半小時～我實在太肚餓了，一入座櫈都未坐暖就即刻瘋狂咁嗌嘢食！🤣 首先上菜嘅係餐廳最出名嘅fusion料理：冬蔭龍蝦湯流心牛角包！西式嘅牛角包、泰式嘅冬蔭功、法式嘅龍蝦湯，三樣嘢夾埋一齊到底係點嘅呢？🤔.第一件事一定係相機食先！😎 喺牛角包嘅中間切開，等龍蝦湯爆晒漿流出嚟，再影相打卡！金黃色嘅牛角包同奶黃色嘅龍蝦湯真係好夾又好靚！影完相就即刻嚟試下，牛角包外層非常酥脆香口，仲食到好香牛油味！牛角包即叫即整，即使上檯之後影咗一陣相，湯汁都唔會被個包索晒～😋😋.龍蝦湯係幾重冬蔭功味，只係微微辣，而且龍蝦味亦都好鮮好突出～🤩 我最鍾意個湯嘅質感，佢絕對唔係稀溜溜好似水咁嚟hea你，個湯非常creamy又濃郁，係極之惹味！揸住個包，再點下碟上嘅湯，味道好豐富好有層次，亦都感到非常邪惡！🤤🤤.食泰菜點可以唔叫串燒？😝 我嗌咗一份花生醬沙嗲雞串，雞串燒到又香又脆，面頭仲有少少焦焦～雞肉肉質好扎實又嫩滑仲要有點juicy，最正係點埋個秘製花生沙嗲醬，成嚿雞肉微辣又甜甜哋，仲咬到花生粒，真係忍唔住食完一嚿又一嚿！😆😆.叫咗兩個主食，首先出場嘅係真空慢煮挪威三文魚配冬陰燴飯～佢個擺盤有啲似法國菜，相當精緻～平時好少喺出面食熟三文魚，怕嚿魚會煮到乾噌噌，而今次見佢係fusion嘢好似幾得意先叫嚟試試，估唔到有驚喜！😮.三文魚係用慢煮方式炮製，所以魚肉肉質好嫩滑軟綿，仲要好juicy㗎！冬陰燴飯嘅冬陰功味道幾香濃，少酸微辣，不過我覺得就無牛角包嘅冬陰功味咁突出，但咁就唔會蓋過三文魚嘅味道～燴飯亦都相當煙韌，而且粒粒分明！🤤.第二個主食就叫咗泰式燒西班牙黑毛豬頸肉配白飯～食泰國嘢除咗必叫串燒，仲會必叫豬頸肉！😎 呢度嘅豬頸肉燒到夠晒火喉，邊皮少少焦脆，肉唔乾之餘仲有啲油脂，肉質嫩滑又爽口彈牙，點埋自家調製嘅泰式酸汁真係無得頂！🤩.食咗幾樣嘢發現好似無乜點食菜，於是就嗌咗個馬拉盞炒椰菜花（通菜賣晒改做椰菜花）～成碟菜非常香濃惹味！但可能因為係炒椰菜花，馬拉盞醬同調味料炒得有少少唔均勻，所以食個時一啖好鹹、一啖好淡，但我諗如果係炒通菜嘅話就應該唔錯！😋.食咗好多鹹食，最後就來個甜品！呢個甜品名堂好勁，叫椰子雪糕配風乾鳳梨及紫糯米！椰子雪糕係餐廳自家製的，椰子味道好香濃，唔會泰甜，紫糯米軟綿綿好煙韌！風乾鳳梨就係鳳梨乾，甜甜哋又脆卜卜～配埋紫糯米、少少椰絲、少少椰果，成個雪糕嘅口感非常豐富，冰冰涼涼好清爽！😝😝.今次喺享慢煮泰食咗好多嘢，食到好飽好滿足呀！🤤 香港雖然有好多大大小小唔同嘅泰國餐廳，但如果你食到可能有啲厭，覺得泰國嘢好似食嚟食去都係嗰啲，不妨過嚟西環享慢煮泰試下佢嘅特色泰式fusion菜吖！🙈…查看更多

朋友約係堅尼地城食飯介紹咗依間fusion泰式料理餐廳，餐廳裝修帶點古典味好有氣氛。晚餐可以隨自己喜歡選擇2/3/4 個course嘅set dinner，非常有彈性。法式龍蝦湯流心牛角包牛角包外面酥脆香口，一切開龍蝦湯隨隨流出，龍蝦湯鮮味香濃。冬蔭龍蝦湯流心牛角包冬蔭湯較稠身，牛角包吸收曬所有湯汁。龍蝦鳳梨沙律沙律菜及菠蘿新鮮，龍蝦肉爽口，蟹籽粒粒口感特別，整體酸酸甜甜非常醒胃。真空慢煮挪威三文魚配冬蔭燴飯慢煮三文魚出色，三文魚外面微微煎香，內裡肉質嫩滑，冬蔭燴飯冬蔭味會香濃，燴飯煙韌。龍蝦汁龍蝦蟹肉伊麵蟹肉及蟹籽份量足，龍蝦汁掛滿條條伊麵。真空慢煮法式焦糖燉蛋甜度適中，蛋味香濃，口感綿滑。…查看更多

難得來堅尼地城，經過門口見到餐廳的菜式挺特別，做來吃個午飯。餐廳裝潢具泰式風情，而且設有沙發座位，坐得很舒適。我和朋友點了兩個3 course meal。 Wow牛角包真的很流心！龍蝦湯十分澎湃，加上冬蔭醬料，辣辣的十分惹味。龍蝦鳳梨沙律 龍蝦肉加上芥末沙律醬拌勻，很醒神，配上菠蘿及沙律菜，十分開胃。龍蝦汁蟹肉伊麵 滿滿的蟹肉配上濃郁的龍蝦汁伊麵，很好吃啊！招牌西班牙黑毛豬腩配黑毛豬頸較少在西餐廳看到豬頸肉的菜式，這裏把豬腩及豬頸肉煎得香脆， 配上醬汁酸酸的沙律菜，不錯。甜品則點了泰式奶茶流心牛角包及椰子雪糕。泰式奶茶流心牛角包這裏的牛角包真的十分分出色，餡料泰式奶茶茶味濃，夠澀，亦有一定的甜度，想必他們這裏的泰式奶茶也很出色。椰子雪糕配風乾鳳梨及紫糯米椰子雪糕裏有椰子肉，面頭灑上椰子絲，口感十足，很好吃呢。這餐廳給我意想不到的高水準，下次一於來吃2人下午茶～…查看更多

PMQ附近間享慢煮意我食過好幾次，早前得悉佢喺西環尾開咗間姊妹店🇹🇭「享慢泰煮」。我想幫襯好耐㗎喇😛，呢日終於約到朋友一齊去食。幸好我哋收得早，七點鐘就到達餐廳，嗰刻都已經有人食緊，之後一直有人入座，未到八點經已全場爆滿，人氣超高👏！我哋用App訂位，如果單點菜式可享折扣優惠，但睇落好似都係晚餐抵食啲🍽。呢度嘅晚餐幾好，彈性高，可以自行揀選食幾多道菜，而每道菜之間就相差$50。冬蔭龍蝦湯流心牛角包，🥐我對流心牛角包並唔陌生，而今次流心嘅餡係富有泰國風味嘅冬蔭功湯，辣辣哋幾惹味🤤。由於夠熱同即刻食，所以湯汁係可以做到流心嘅效果，並唔會索晒落個包度。我個人鍾意佢仲多過法式龍蝦湯，搞到我有啲衝動想追加個湯添。龍蝦鳳梨沙律，🥗沙律菜新鮮，口味獨特，估計加咗啲蜜糖芥茉醬，配合埋菠蘿粒，甜甜的味道令人忘記係食緊草，講笑啫🤣。菜名所指嘅龍蝦其實係小龍蝦肉🦞，當中混入咗蟹籽同沙律醬，無論口感定味道都令人回味。龍蝦汁蟹肉伊麵(+$28)，我非常鍾意呢道Fusion菜式，皆因佢用上中式伊麵做麵底，伊麵比起意粉更為掛汁🍝！蟹籽龍蝦汁鹹香濃郁，但並唔會重口味，仲同餸料夾到不得了。🦀蟹肉海量咁多，我真係未見過一碟麵上面有咁多囉，就算假蟹柳都冇啦，而且餐廳將蟹肉處理得好好，一啲蟹殼都冇留低😉。另一邊廂，客人可以選擇加$68要半邊龍蝦，不過我認為唔加都已經好正，但價錢唔貴，都可以考慮吓。招牌西班牙黑毛豬腩配黑毛豬頸，🐷豬，全部都係豬，一次過有齊豬腩肉同豬頸肉，滿足兩個願望。豬腩好邪惡😈，瘦肉連埋肥膏一齊食，口感層次豐富，軟綿嘅脂肪入口即溶，令人又愛又恨；唯一略嫌豬皮唔夠脆。豬頸肉則好大塊，唔乾身，仲好重香茅味添。配菜方面，🎃南瓜蓉香甜不膩，份量又夠多；另外仲有紫椰菜沙律、粟米筍同秋葵，色彩繽紛，好睇又好食。官燕椰子燉蛋白伴北海道紅豆(+$18)，雖然我唔鍾意食紅豆，但都覺得個組合幾夾。甜品用上官燕同金箔裝飾，要加錢都好合理吖。🥚而主角燉蛋白自身亦都好出色，因為蛋味醇厚，質感實在，無溝太多水，還原度極高。椰子雪糕配風乾鳳梨及紫糯米，🍨自家製嘅椰子雪糕絕不欺場，而且並不單調，加咗其他配料，以進一步提升泰滋味。🥥雪糕椰香爆滿，搭配埋椰絲同椰果，稱得上係錦上添花；而底部嘅紫糯米唔會過甜，帶點軟糯，同雪糕相映成趣。夏天食呢個冇得輸。飲品方面🥤，除咗水之外，全部項目都要加錢，但定價都算合理，而且選擇繁多，有特飲同酒等。我哋就嗌咗果汁(+$10)，分別係蘋果薑汁同有氣紅提子汁，估唔到連飲品都好有誠意。🍎蘋果汁加咗薑，飲落真係會辣喉；而提子汁就並唔係用巨峰糖漿沖嗰啲，反而有啲似紅酒，但冇酒精🍇。題外話，呢度嘅環境同服務都能為餐廳加分👍。店員們態度和藹有禮，服務積極，並會留意客人用餐嘅速度，從而合時地上菜同收碟。環境方面，裝修幾靚，用上唔少植物同吊燈作擺設🪴，而且仲有個大玻璃窗添。即使餐枱密度幾高，但仍留有一定空間，客人坐得舒服。總括嚟講，我對呢餐晚餐超滿意，基本上搵唔到任何一個扣分位💯。食嘅時候，我會覺得份量好似爭少少，特別係豬嗰碟，但食完成餐又OK喎，到瞓時都唔餓。綜合上述各點，😋再加上帶有泰式風味嘅食物更啱我胃口，下次幫襯我會想嚟西環店多啲呢😛。推介🌟！…查看更多

想找個環境好有一點的地方跟好姊妹談心事，朋友介紹了堅尼地城一家新派泰國餐廳，果然沒介紹錯餐廳挺有格調，有很多檸檬草，感覺十分舒服分別點了$298的晚餐及$258的四道菜套餐晚餐加$48可選冬蔭龍蝦湯，色澤全紅，湯味馥郁可口，辣度十足冬蔭龍蝦湯流心牛角包切開後湯汁澎湃湧出，可一邊食一邊蘸湯汁龍蝦鳳梨沙律酸咸度剛好燒日本扇貝及美國生蠔配泰式汁，味道鮮甜並帶有酸辣的感覺主菜招牌西班牙黑毛豬腩配黑毛豬頸入口嫩而彈牙，更有豐富油脂甘香龍蝦汁龍蝦伊麵配飛魚籽可以歎大大口龍蝦肉之餘，又有充滿龍蝦汁鮮味的伊麵真空慢煮焦糖燉蛋伴椰子雪糕賣相精緻，焦糖燒至金黃香脆，燉蛋質感細滑椰子雪糕配風乾鳳梨及紫糯米，椰子味道突出，脆口的鳳梨配上煙韌的紫糯米，口感很夾…查看更多

上個星期Blue Monday去了一間浪漫的泰國餐廳 - 享慢煮泰 @lemongrassbyfastgourmet 🌺 享受了一餐美食，瞬間變Chill Monday了！..來到堅尼地城的這間餐廳門面，就看到裡面環境很有情調呢！💕 這裡的dinner set有分two-courses, three-courses同four-courses, 方便客人搭配出不同組合，總之主菜一定是其中一樣就可以。我們當然要點4-courses dinner set食多點美食呢..🥐冬蔭龍蝦湯流心牛肉包一切開就流哂湯汁出來，很香啊！冬蔭味好重但又唔會辣，配埋龍蝦湯勁惹味🤤..🥗 龍蝦鳳梨沙律 及 泰式大蝦柚子沙律龍蝦肉沙律搭配鳳梨好fresh呢，加上大量沙律菜鋪在底，好清新好開胃🤩 泰式大蝦真係成隻大大隻鋪係面，勁吸晴！加上柚子同少許花生碎及大量沙律菜，勁爽勁有口感！..🌶冬蔭龍蝦汁燴海鮮呢個好正，成碗湯連海鮮，再配白飯另上，真係好適合撈飯😻 冬蔭龍蝦湯係出色既，湯頭濃郁惹味，而且好足料，有大蝦、青口、帶子，好好味😋..🥘瑪莎曼咖哩和牛面頰同上都會有白飯另上，又係撈飯一流啊！和牛面頰燉得好軟腍，吸收哂惹味咖哩，好入味！..🦞蟹肉流心蛋龍蝦汁燴飯一見到燴飯，就知一定勁重龍蝦味🤤加上有蟹籽蟹肉係面，督穿埋面頭既流心蛋，將蛋液撈勻，好juicy好濃郁既龍蝦味，好得！..🍗泰式燒西班牙黑毛豬頸肉每次去食泰菜都必點豬頸肉，因為泰式豬頸肉燒得夠火喉，好有口感！採用西班牙黑毛豬頸肉，肉質肉味無得頂👍🏻..甜品分別點左 真空慢煮法式焦糖燉蛋🍮泰式奶茶流心牛角包🥐椰子雪糕配風乾鳳梨及紫糯米🥥官燕椰汁燉蛋白伴北海道紅豆🥛 焦糖燉蛋好香好滑好好味～泰式奶茶流心好正啊，完全食到泰式奶茶既濃，好正宗！椰子雪糕好香但又唔會好甜好漏，撈埋紫糯米好特別，增加左口感😋 官燕燉蛋白真係見到一大pat官燕係面😍啱哂女仔養顏！燉蛋白好滑好香，配紅豆剛剛好！..🍅蘋果薑汁 同 🍇有氣紅提子汁蘋果薑汁呢個配搭好新奇，未試過😆蘋果既香甜與薑汁的辣互相交融，反而中和了兩者的極端，帶來更清新既味道，亦都好潤咁～ 有氣紅提子味，簡直係fresh，勁解渴！..好滿足既一餐啊☺️ 好高質既泰菜，環境加分，食得舒服又滿意！…查看更多

西環幾時都係我最鐘意既區域！今個週末有機會返黎行下，揀左間bookmark左好耐既餐廳。Openrice訂座都要再等位，可見人氣幾旺。Set Menu有分Two/Three/Four-Course （$158/$198/$238）。以上三款都可以揀招牌菜流心牛角包/Starter。見份量都幾多，Order左Two Course  + Four-Course Share黎食。＊－。－。－。－。－。－。－。－。－。－＊老實講我唔係鐘意食包既人，總覺得好似好乾咁。最多都係飲餐湯時邊濕下咀邊食餐包😂「流心」牛頭角打破左我覺得乾既概念🙈仲要聽到係Crossover我最鐘意既龍蝦湯，即刻心心眼！【SIGNATURE LAVA CROISSANT】🔸冬蔭龍蝦湯流心牛角包 / 🔸法式龍蝦湯流心牛角包法式 x 泰式CROSSOVER做法好創新！牛角包金黃酥脆，輕身得黎又盛載到好澎湃既流心湯2款龍蝦湯都好Creamy，味道好濃郁。冬蔭版會更惹味！一切開中間就爆漿，相機要準備好！＊－。－。－。－。－。－。－。－。－。－＊【STARTER】🔸泰式大蝦柚子沙律份量超大，大蝦好巨型，爽口彈牙。配上大量柚子肉，微酸輕型又開胃。＊－。－。－。－。－。－。－。－。－。－＊【MAIN】🔸真空慢煮挪威三文魚配冬蔭燴飯慢煮同一般香煎出黎既效果真係差好遠不但保存到食物本身原汁原味，肉質近乎入口即溶，十分軟綿冬蔭燴飯味道未算好濃，剛好唔會蓋過主角三文魚既味道🔸泰式燒西班牙黑毛豬頸肉相比起以上幾樣食材，未見有太驚喜同一般泰式餐廳食到既差不多肉質爽而不膩，可加沾泰式酸汁食更佳＊－。－。－。－。－。－。－。－。－。－＊【DESSERT】🔸真空慢煮法式焦糖燉蛋面層焦糖燒至金黃色，一按即脆燉蛋蛋味好香好滑，甜度適中＊－。－。－。－。－。－。－。－。－。－＊【DRINK】🔸Tiramisu Chessy 提拉米蘇芝味特飲，店員提醒可以大大啖飲。令上層Tiramisu可以與下層咖啡一齊入口。(大概係想做到芝士奶蓋效果)但Tiramisu層密度有點過厚，入口時兩層未能好融為一體。直到冰塊融化時，味道變得更淡，略為有點失望。＊－。－。－。－。－。－。－。－。－。－＊…查看更多

前排和朋友去了西環，被這間新餐廳的門口吸引了，原來是泰式fusion菜，而且價錢定位算幾抵，二百多元就可以在高級餐廳格調下食到4 course menu。menu選擇都多，還有後頁比較精緻的main，店員還說可以以4 course menu價錢加錢就可以揀到後面menu的menu，即刻雙眼發光🤩別以為這只是一個普通的牛角包，其實這間餐廳特色之一！🥐法式龍蝦湯流心牛角包：一切開牛角包內的湯流曬出來，改變湯和包要分開食的傳統（所以大家要小心點切開）。龍蝦湯好濃香，配上香脆的牛角包，每一口都好滿足。🥐冬蔭龍蝦湯流心牛角包：冬蔭公湯喝下去好有泰國的味道，少少辣配上牛角包上的椰絲甜味，帶來多重味覺享受。🦪燒美國生蠔配泰式辣汁：靚蠔配美酒，感覺很chill。蠔好肥美，而且是半生熟的，更能帶出蠔的鮮甜味，夾上少少辣的泰國醬，頗特別的。🌟冬蔭龍蝦汁繪海鮮：這裡的冬蔭功好出色，湯底非常惹味，而且不會太辣，撈飯一起吃格外滋味。除鮮蝦外，還有帶子、蜆、青口 ，可以逐一品嚐。🌟真空慢煮挪威三文魚配冬蔭意大利飯：如果喜歡比較thick texture的冬蔭辣味，可以吃這個。將一口的risotto放在口中一會慢慢品嚐，會吃到先是椰香味，然後是冬蔭功的辣味，而且risotto比一般西餐廳更入味。慢煮三文魚肉質亦好嫩滑，非常高質。此外，還點了杯賣相好吸引的Birdie Martini，好易入口，會想一喝再喝。 甜品是Crème brûlée，焦糖皮脆得來不會太甜，還有好滑的燉蛋，製作用心。整題來說，這裡是間非常有心思，高級餐廳格局平民價泰式fusion菜，下次再來😋…查看更多

西環堅尼地城蘇豪區開了一間新的泰國餐廳，它們主要賣牛角包，把牛角包演繹得維肖維妙，連不是太喜歡牛角包的卡米拉也十分讚！Lemon Grass餐廳位於加多近山，在堅尼地城蘇豪區中帶著一份寧靜。Soft Opening Menu 可選兩道菜至四道菜，價錢由$148至$228加一。我們選擇了四道菜的餐，有牛角包、前菜、主菜及甜品。跟餐的飲品需要另外加$10，也沒有什麼特色，我們就沒有點。另外也可單點。龍蝦湯流心牛角包及冬蔭龍蝦湯流心牛角包各有特色，牛角包的酥皮鬆香。兩者一切開，湯汁就湧出來。龍蝦湯流心牛角包比較西式，適合喜歡傳統料理的食客。冬蔭功龍蝦湯的口味比較新穎，牛角包吸收了兩款湯的湯頭也很有驚喜。前菜我們選了燒美國生蠔及龍蝦鳳梨沙律。生蠔看起來很肥美，蠔輕輕燒過保留了海水味，呈半濕潤狀態，配上泰式辣汁很清新。龍蝦鳳梨沙律入口清新，龍蝦也很鮮美。主菜我們選了冬蔭龍蝦汁燴海鮮及泰式燒西班牙黑毛豬頸肉。這個龍蝦汁的味道和牛角包內的龍蝦湯，似乎選咖哩入饌的主菜會有較多變化。海鮮份量也不少，有青口、帶子、蝦等，全部也很鮮甜。泰式燒西班牙黑毛豬頸肉相對而言沒有太大特色，不過肉汁也能好好鎖住。最後以甜品作結。法式焦糖燉蛋入口嫩滑，甜度不高。椰子雪糕配鳳梨及紫糯米中雪糕椰汁味很香，黑糯米米香味十足。…查看更多

今晚趁最後一晚有晚市堂食，拉男朋友陪我黎食流心牛角包。我地都揀左$228既Four Course。冬蔭龍蝦湯流心牛角包法式龍蝦湯流心牛角包平時牛角包比我既感覺係屬於甜品類，估唔到鹹食既牛角包別有一番風味。兩個牛角包都係一切啲湯就流晒出黎，而且牛角包麵保持到鬆脆，無變到腍晒，好食。花生醬沙嗲雞串大大串，啖啖嫩肉，花生醬沙嗲有花生粒係入面架。燒美國生蠔配泰式辣汁超正，生蠔鮮甜，個汁同生蠔好夾，好出色。鍋炒帕能咖哩雞幾惹味，我第一次食炒到乾身既咖哩，令雞肉好入味，份量又足，撈飯食一流。冬蔭龍蝦汁燴海鮮有青口、蜆、蝦、小元貝，好豐富。個汁飲落係冬蔭功湯，飲晒成碗。真空慢煮法式焦糖燉蛋口感順滑，甜度適中。泰式奶茶流心牛角包熱辣辣，真材實料，甜既流心牛角包都好食，流心程度一樣甘澎湃。…查看更多

11月時的2人聚餐，友人上網見到西環尾開了一間餐廳，主打泰法fusion菜，當中的名物是冬蔭龍蝦湯流心牛角包，十分吸引，見個價錢又唔貴，一於試下，thank友人book位。店子裝潢似西餐廳，周圍佈置了不少泰國裝飾品及盆栽，有小清新之感，不失泰國風情，樓底高有空間感，坐位尚算闊絡，晚上時段甚有氣氛。Menu:two course $148three course $188four course $228據聞是試業優惠價，用$228可試到4道菜，都真係幾抵，本想試牛面頰，可惜當日售罄呢。Tiramisu Cheesy，跟餐特飲+$28，友人的。Storm Rider(笑看風雲)，跟餐特飲+$28。人氣咖啡特飲，混合橙、活性炭及奶泡，圓杯盛載，黑白色的組合似雲石呢，有藝術的美感，入口順滑。冬蔭龍蝦湯流心牛角包，主打必食。，切開牛角包，澎湃的湯餡湧出，牛角包口感酥脆，冬蔭龍蝦湯少許辣，湯汁浸軟了牛角包入口更美味，似酥皮龍蝦湯之感，同時估唔到味道都幾夾。燒美國生蠔配泰式辣汁，生蠔新鮮，配上生蝦辣汁，甚有特色，少許辣，味道清新可口。冬蔭龍蝦汁燴海鮮，配白飯，冬蔭龍蝦汁，味道酸酸辣辣(幸好唔算太辣)，下飯一流，海鮮有蝦、蜆肉及青口等，份量豐富，鮮味十足。泰式燒西班牙黑毛豬頸肉，配白飯，豬頸肉，口感爽脆，香口惹味，味道不俗。椰子雪糕配風乾鳳梨及紫糯米，泰式的甜品，以雞尾酒杯盛載，賣相精緻，椰子雪糕軟滑，紫糯米香甜，口感豐富。真空慢煮法式焦糖燉蛋，面層的焦糖薄脆味道香甜，燉蛋口感軟滑。食物有水準，賣相靚有創意，而且好抵食呢。…查看更多

西環近年有咗地鐵後已經今非昔比，可幸既係帶嚟嘅社區重建造就咗好多新餐廳進駐，而家已經演變到一個小soho，各式各樣嘅餐廳都可以搵到。今次試嘅呢間fusion菜啱啱開幕冇耐，而家仲係Soft opening，見價錢都幾適中。——————流心牛角包都算係餐廳嘅招牌，喺其他地方都冇見過，嚟到一定要試！一切開裏面嘅龍蝦湯汁流晒出嚟，湯汁好濃好鮮味，好特別😝淨係睇賣相都已經好吸睛好有睇頭，生蠔隻隻都好飽滿，燒到啱啱好唔會太熟，所以保留到大量既鮮蠔汁，配上泰式辣汁入口特別惹味🤩一望落去已經見到大大隻大蝦，相當具份量，配上一絲絲嘅柚子肉以及泰式酸辣汁，特別開胃講到泰國特色又點可以唔提冬陰功呢，而夾埋龍蝦汁做湯底簡直係犯罪，整碟都係大蜆，帶子，以及大蝦，大量既海鮮將個鮮味推上另一個層次，送飯一流😋呢個帕能咖喱雞分量驚人，干炒嘅煮法處理咖喱雞相當罕見，每一啖都食到咖喱嘅香料包圍着整舊雞件🥰燉蛋相當精緻，一個小樽仔裝住唔同嘅層次，又最底嘅菠蘿汁，香滑口感嘅焦糖燉蛋，以及用菠蘿干做既裝飾，都顯得出廚師對甜品既想法又係用咗餐廳嘅招牌流心牛角包黎處理甜品，泰式奶茶制成既流心醬食落有滿滿嘅茶香，香甜嘅味道配上牛角包出奇地夾，為呢一餐畫上圓滿嘅句號😉…查看更多

成日都好鍾意試唔同國家菜式fusion嘅餐廳，今次聽講有間新開嘅泰式fusion菜，仲要喺堅尼地城咁近我，就搵埋一位同我一樣咁鍾意泰式風情嘅朋友一齊去食啦。餐廳有份soft opening menu，有得揀two/ three/ four courses，為食嘅我地就揀左four courses，每set都只需$228，有一份流心牛角包、一份starter，一個main同埋一個dessert。唔知係因為soft opening先咁抵，定之後都會係呢個價錢咁抵食啦。🦞冬蔭龍蝦湯流心牛角包喺中間一刀切落去，啲冬蔭功龍蝦湯流曬出黎，成個畫面好靚。冬蔭功味比較重，稍微有啲掩蓋左龍蝦湯嘅味，所以似係比較creamy嘅冬蔭功湯，但都好好食。🥐法式龍蝦湯流心牛角包呢個嘅龍蝦湯味濃好多，我個人比較鍾意呢個。牛角包中間浸滿龍蝦湯好正。🦪燒美國生蠔配泰式辣汁（Starter）每份有兩隻生蠔。每隻生蠔都好大隻，差唔多有手掌咁大隻，上面滿佈泰式辣汁，個汁有啲似明爐烏頭個汁嘅味，好正。我地叫左兩份。🥩瑪莎曼咖哩和牛尾（Main）咖哩好香濃，味道係甜甜地，唔辣但好食。和牛尾有三大舊，肉質好嫩滑。仲有啲煮得好軟淋嘅紅蘿蔔，配白飯一流。🍣真空慢煮挪威三文魚 配冬蔭意大利飯（Main，+$18）店員推介話呢道菜係呢幾日新出嘅，佢話呢個risotto唔係用意大利飯嗰隻米，係用泰國米。聽落覺得幾特別，所以揀左呢個。慢煮嘅三文魚特別嫩滑，同埋佢表面燒過，燒得有啲日式嘅炙燒三文魚咁，幾香幾好食。泰國米煮risotto幾特別，冇平時嘅risotto咁硬身，冬蔭功味濃而又唔會太酸，好食。🥥椰子雪糕 配風乾鳳梨 及紫糯米 用cocktail杯裝住好靚，勁啱打卡用。椰子雪糕嘅椰子味好濃，會食到中間有椰絲。配上風乾鳳梨同埋紫糯米，充滿泰國風情。🍮真空慢煮法式焦糖燉蛋呢個好好食！好彩有叫！焦糖燉蛋上面有一塊燒過嘅風乾鳳梨，燉蛋底下又有啲菠蘿蓉，好特別。個燉蛋係慢煮嘅，問過店員，佢話要煮兩個鐘。比起平時嘅焦糖燉蛋，呢個慢煮嘅燉蛋更加creamy更加滑，食落個口感好似食緊mousse咁，但又充滿蛋香，好食。我覺得自己會再黎食！…查看更多

愛吃泰菜又是牛角包迷請注意，有餐廳介紹!!!西環的「Lemongrass by Fast Gourmet」融合泰式料理，更有一次過滿足兩個願望的招牌絕招~究竟用牛角包可以有什麼玩法？就是以熱湯注入熱辣辣酥脆的牛角包酥內，招牌菜必點「冬蔭龍蝦湯流心牛角包」及「法式龍蝦湯流心牛角包」。外表只是一個平平無奇的牛角包，但內裡是滿載香濃的熱湯，很新奇，兩款湯都必定要大推。先講一下「冬蔭龍蝦湯流心牛角包」，牛角包面上灑了椰絲，用餐刀切開後，熱辣辣香濃的湯流出，不算澎湃但很壯觀，香味撲鼻，好香呀~好冬蔭味呀～再加上牛角包浸透濃湯，一口麵包已吃了所有精華，而椰絲十分配整個牛角包湯，不禁一邊吃一邊大叫好好味呀。「法式龍蝦湯流心牛角包」，牛角包面上灑了芝士，法式龍蝦湯混合了牛角包裡的牛油香以及芝士的鹹香味，簡直是三重滋味享受，超邪惡極好味。「燒美國生蠔配泰式辣汁」，生蠔肥美，有海水味，配上有驚喜的泰式辣汁，有微刺激你的味蕾，有一樣似在海水中帶一點激浪的感覺。「瑪莎曼咖哩和牛面頰 」，牛面頰超嫩腍，配上瑪莎曼咖哩醬汁及花生配料，有點像吃羊腩煲，很搞笑，哈哈哈哈。「泰式燒西班牙黑毛豬頸肉」，黑毛豬頸肉烤得很香口，點上泰式酸辣醬汁，很不錯，送飯吃一流，仲有餐廳是白飯任添，愛吃飯的你很合適。「椰子雪糕配風乾鳳梨及紫糯米」，雪糕很有椰子香，紫糯米煙煙韌韌，再啖一口風乾脆口的鳳梨乾，可說是大滿足。…查看更多