傳統咖喱羊肉

帶完海姐去睇醫生，係附近搵間餐廳醫肚🤭成日都經過，今次就試吓呢間泰菜，有室內同室外位置，今次帶着海姐，所以我哋就坐室外，環境都好chill架🤩泰式蝦餅🦐蝦餅超鬆軟！好少會用鬆軟去形容蝦餅😂但的確係彈牙得黎鬆軟🤤又重蝦味🤤係老母食過最好食既蝦餅🤤🤤馬拉盞通菜🥬通菜正正常常，菜既軟硬程度剛剛好，而且調味唔會死咸，不錯！仲要超級大碟！三四個人一齊食都夠晒😋傳統咖哩羊肉🐑咖哩微辣惹味😋最欣賞既係羊肉有少少膻味🤤咁先有食羊肉既感覺架嘛！羊肉仲煮得好腍，一咬就咬得開👍🏻😋酥油薄餅薄餅好夠酥！用特登叫黎點咖哩一齊食！咖哩除左配白飯，薄餅之類都係一絕👍🏻😋芒果糯米飯🥭擺盤擺得好靚，糯米飯軟糯煙靭😋而且仲要三色好特別🤩一啖糯米飯一啖芒果係最佳配搭😋😋Mojito、Fresh Thai Colada🥥酒味都有點重，係戶外飲住酒吹下風好鬼chill😌特別欣賞Feash Thai Colada，用返原個椰青承載cocktail，飲落好有椰青味，中意既仲可以食埋入埋啲椰青肉🥥好特別🤩🤑 人均消費：～$350🤩 推薦指數：8 / 10📍 餐廳資料：Chilli Lime (MONTEREY Place) (將軍澳)將軍澳澳南海岸唐俊街23號MONTEREY Place地下G07號舖☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodielife #foodiehk #hkfood #hkfoodie #hkrestaurant #香港美食 #香港好去處 #香港打卡 #香港探店 #香港必吃 #香港美食攻略 #將軍澳美食 #泰菜 #印度菜 #越南菜 #ChiliLime #Cocktail…查看更多

心情鬱悶，特意到將軍澳南海濱走走，順道來一個休閒午餐選了一家悠閒渡假感滿滿的泛亞料理多國菜餐廳設有露天戶外座位，適合寵物主人跟毛孩散步後前往裝修以木為主，牆上掛滿油畫，充滿異國風情湯類蟹肉魚肚羹熱辣辣超暖胃，份量挺多又足料涼前菜泰式生蝦新鮮爽口，配蒜片及泰式酸辣汁更加惹味傳統咖喱羊肉咖喱香濃，不會有太強烈羊羶味正宗烤餅沾上咖喱口感豐富！有嚼勁，外脆內軟蔬菜馬拉盞通菜微辣有鑊氣，蝦醬味濃，重口味人仕至愛原個新鮮椰青清新醒神，椰肉鮮甜，輕輕一刮已可享用 冰美式咖啡不加糖、不加奶，甘香濃郁 ，口感清爽…查看更多

位於將軍澳海旁，周圍彌漫relax既氛圍。有室外同室內位置。室內天花掛滿月球燈，好有情調，座位多而且闊，適合聚會🤘🏻Happy Hour啤酒好抵飲，$88兩大杯，可選Asaki/1661🍻🔸泰式焗黃咖喱釀蟹肉普利球 Yellow Curry Craab Meat in Gol Gappa $118 !!推薦!!Gol Gappa 係印度傳統街邊小食，香港常見既名係Puri-Puri。Gol Gappa即叫即炸，一口一個，上枱仲熱辣辣，同平時食開既Puri唔同，並非薄脆既米餅，反而有種厚度，咁先可以裝得著啲咖喱汁。蟹肉份量十足，除每粒Gol Gappa上既大塊蟹肉，咖喱入面都混入絲絲蟹肉。醬汁加入大量洋蔥、蒜頭調香，入口creamy黏稠，有種食緊疏乎厘既感覺，好特別。🔸串燒沙爹 Sate Ruam Mit $118雞肉、牛肉各3串，留意因為宗教關係，餐廳係冇豬肉提供架! 雞牛混入少許黑椒調味，雞肉帶少許咖喱香味。串燒燒得剛好，牛肉咬開仲呈粉紅色，啖啖肉，唔鞋口。沙爹汁係食串燒既精粹，加入粗花生粒，增加口感，但醬汁偏甜。🔸傳統咖喱羊肉 Lamb Rogan Josh $148睇佢細細盤咁，羊肉起碼有十幾粒。選用山羊肉，冇咁羶，配埋印度咖喱Kashmiri Sauce，比泰式叻喱甜，加入薑同茴香，甜中滲出淡淡辛辣味，別具風味。🔸Naan 烤餅 $28只係烤餅/煎餅已有十款選擇，簡左最普通既Garlic味烤餅，上台蒜香味濃，有種麥香味，配咖喱一流。🔸越式生蝦紙米卷 Por Pia Sod Goong $98有4大卷，包入熟蝦、粉絲、生菜、炸乾蒽...入口清新，配搭鮮酸酸地既青檸魚露汁，好開胃。…查看更多

天氣涼爽下，食有得坐室外的餐廳chill下，仲要近海邊，真爽！今晚Chilli Lime 就可以滿足到我😜泰式柚子鮮蝦沙律($78)前菜開胃之選，柚子酸得來帶少少甜，幾隻鮮蝦絕對新鮮，沙律配有脆脆的花生，香料十足，味道剛好。飛天通菜（$78）大大碟的通菜，通菜嫩，炒得好好味😋傳統咖哩羊肉（$138）咖哩有少少辣，有印度感覺，多香料，味道惹味，羊肉唔So又冧身，好正呀！同個Naan一齊食，絕配！Naan ($38) 即叫即正，好有口感，面又有少少脆，讚…查看更多

兩個半星期前的七一回歸公眾假期已經想幫襯，但當日香港疫情已具全面緩和之勢，連續十多日本地零確診；所以，香港市民的心情也放鬆下來，餐廳的午餐時段也滿座。只有望門興嘆，改去附近另一間餐廳。今日再臨「Chilli Lime」，此一時彼一時，隨著第三波疫情殺到埋身，本地確診個案日日創新高，大部份香港市民再次隱居、足不出戶，餐廳附近人流再次變得稀疏；為了增加生意額，外賣仲有八折。還記得兩個半星期前，餐廳人流𣈱旺；因為毗鄰海濱及單車徑，附近居民到來散步及踏單車。即使今日天氣放晴，難得見到藍天白雲，偏偏人影都唔多隻，有點唏噓！室內裝修簡約，採用深色木皮、深色木地板作為主要裝修材料，再加上遠處一幅充滿印度風情的簡單線條仿油畫；很明顯是一間以印度菜為主題的餐廳。矚目所見，餐廳服務員及廚師，也是南亞裔人士⋯⋯但就不懂區別是否印度人。疫情重臨關係，餐廳內大把吉枱！雖然香港有不少印度裔人士，但只單純供應正宗印度菜的餐廳數量就不太多，大部份同時供應其他東南亞菜式，始終做生意要計算客源及成本。「Chilli Lime」沒有例外，除了主打印度菜式之外，亦有相當多款式的泰國菜及少量越南菜；所以餐牌表明餐廳定位為Pan Asian Cuisine。但一翻到餐牌內關於煎餅及麵包一頁，見到款式之多及口味的多元化，就肯定主打印度菜。揀了兩款冇任何餡料的烤餅，由於不想食太過乾身的印度餅，放棄了烤麥餅 Tandoori Roti，揀了牛油烤餅 Butter Naan及印度酥油薄餅 Roti Canai。Naan 有三款口味：原味、牛油及蒜蓉，揀了牛油烤餅Butter Naan ($28)。質感軟身得來有點挺身；咬下去表層帶有酥皮的香脆，內層就鬆軟中帶點結實口感。可能因為揀了Butter Naan，同時又帶點油潤；如果揀原味的話，應該會更接近傳統的西方麵包口味。驟眼望過去，印度酥油薄餅Roti Canai ($32) 好似同牛油烤餅Butter Naan 差不多，其實質感及味道皆有所不同，不過就同樣好味道。Roti Canai 表面較 naan 更加油潤；撕開薄餅，質感更煙韌，也可以感受到酥油滲入薄餅內層。一層層的質感有點似酥皮，但口感就介乎麵包及薄餅之間，煙靱、鬆軟、充滿油香。無論是 naan或者Roti Canai，蘸一點咖喱就是最佳配搭，簡單又好味的美食。串燒沙嗲（$118）一客六串，雞、牛各三串。望落去好似好吸引，但原來味道麻麻地。醃料味道唔夠香濃，失去了預期中的星馬沙嗲濃郁惹味；雞肉及牛肉的肉味一般。幸好沙嗲醬調味相當好，彌補不足。傳統咖喱羊肉（$138）份量只有一個特大飯碗，又用了最簡單的金屬器皿上碟，望落去似乎只有濃稠的醬汁，完全見不到任何羊肉 ⋯⋯ 根據之前食過印度菜的經驗（雖然只有寥寥幾次），賣相相當正宗。搯起啡橙紅色的醬汁。唔想用「咖喱」兩個字去形容，因為正宗印度菜有很多款不同口味、不同特色的醬汁，分別採用不同的香料調劑，每款味道皆非常濃郁、充滿香料味道，但辣度不一。細味品嚐的話，味道完全不同，但一個非印度人實在很難說得出具體分別，只可以肯定講同星馬或泰式咖喱完全不同；很難說是否好食，只可以講同傳統的泰式咖喱不同。羊肉份量也很少，只有四五塊；但醬汁味道實在太過濃烈，很難食得出羊肉味道，只勉強從肉質纖維分辨出並非雞肉或者牛腩。馬拉盞通菜（$78）並非採用泰國菜館常用的旱通菜，而用了粗莖的空心通菜；雖然選材唔正宗，但最緊要還是味道。可能始終是主打印度菜的餐廳，馬拉盞醬料的味道唔夠香濃惹味。飲品就偏貴了，一個椰青也要$58。價錢算合理，出品以印度菜式較佳，令筆者回想起多年前在印度所吃的正宗印度菜口味。至於其他東南亞及馬拉菜式，雖然只是試了馬拉盞通菜及沙嗲，未必可以作準，但兩款菜餚的質素皆一般而已。值得下次再來幫襯，但一定要食多一些印度菜式。…查看更多