Ice Puff

營業中

休息中

每次經過呢一間舖頭，除咗有好香濃嘅雞蛋仔味之外，都一定有人排隊。今次見到等嘅人唔算多，所以就即刻排隊買🤤掙扎咗好耐到底揀朱古力味定伯爵茶味好，咁啱見到出爐嘅係伯爵茶味，而且隔住個口罩都聞到好香濃嘅茶味，所以就決定揀佢！大概等咗15分鐘☺️ 就有一底熱辣辣嘅伯爵茶雞蛋仔！佢真係外脆內軟，仲有濃郁嘅伯爵茶味，真係好食同大大推薦🤪🤪 如果唔係仲想試埋其他旺中嘅嘢食，應該會直接買埋朱古力雞蛋仔嚟食🤣🤣

Ice Puff -係新之城1樓行過去就唔洗怕要兜泥兜去～伯爵茶雞蛋仔 好香伯爵茶味 同埋雞蛋仔個質地整得好好 外脆內軟架！仲要冇一粒係空心架啲口味選擇仲多到你唔信 叫得出好似佢都會整到俾你咁😂人均消費：$30～——————————————————————————————價錢：🎖🎖🎖🎖食物：🎖🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其食

係我好想食雞蛋仔嘅時候，就遇到呢間舖頭。梗係要幫一幫襯，見到伯爵茶味雞蛋仔係新出品，而且係用twinnings茶葉。伯爵茶雞蛋仔$25，落單之後即叫即整，只係等咗大約4分鐘，就有熱辣辣嘅雞蛋仔食。舖頭前面有一張細枱仔，可以比客人企喺度食，新鮮出爐嘅雞蛋仔，咬一粒，外皮好脆，裡面好飽滿，伯爵茶味算濃，但未至於跌咗落伯爵茶海裏面咁濃😂呢間舖頭嘅雞蛋仔屬於輕盈清新，兩個女仔食晒一底都唔會覺得太膩，下次會想試吓其他味。

雞蛋仔是香港非常地道的小吃，小時候母親接放學，回家途中，偶爾會買上一個原味雞蛋仔，然後我倆邊走邊吃。雞蛋仔於我來說，代表了童年回憶。差不多接近十年沒再吃過，這一天下班後忽然想吃雞蛋仔，友人於是帶我到這家，我想要點原味的，不過友人堅持要其他味道，說原味無趣，拗不過他，於是買了伯爵雞蛋仔。味道不過不失，伯爵茶的味道不突出，盛惠二十五塊。我就在想，所有東西還原基本看似簡單，其實最簡單的東西是最難做的好，花多只會眼亂，新派還是不及平實。

次次行過呢間小店我都處於想試但從來無試gei階段,個個都話好食.但我真係唔鐘意雪糕+雞蛋仔同埋朱古力類的口味,無奈佢95%都係T.T前排經過見到佢出新口味,係栗子同我最最最最最愛gei伯爵茶!!我終於都搵到機會試,立刻買伯爵茶味!由於佢即叫即整,所以就算無人都要等大約10分鐘~~終於!!我見到佢啦~~開頭我以為係用傳統紙袋袋住,原來係用面油紙D friend包住,咁都好,無咁容易林一到手我已經聞到好香伯爵茶味,每粒雞蛋仔都好脆.咬落去有更濃gei茶香,而且空心位較少,所以口感好扎實,而且佢真係用伯爵茶葉,因為我食到某一粒o個陣,D茶葉真係攝左牙XDD雖然茶香同口感都係前所未有咁好咁正,我敢話係食過最好味gei雞蛋仔,但有一點我覺得美中不足,就係雞蛋仔交到我手gei時候係微溫,唔夠5分鐘仲開始凍,唔知係咪因為等佢凍D脆D先比我gei關係,希望下次可以熱D啦~~