年初七人日，人人生日快樂去吃餐豐盛的慶祝一下 ，去咗 Banchan and Cook ，佢哋新年出左個嚐吃套餐，可以係指定餐牌內自選配搭+飲品，非常豐富。🧡龍氣逼人龍蝦蛋包飯🧡龍年豪食龍蝦🦞應下節，賣相好靚，原隻龍蝦肉上好吸睛，龍蝦肉質鮮嫩彈牙好鮮味，蛋包飯的蛋嫩滑軟綿，切開個蛋個下好治愈，將炒飯加埋佢地嘅秘製醬汁一齊食好美味滿足，呢個蛋包飯真係不得了👍🏻👍🏻🧡火辣辣龍蝦年糕🧡龍蝦肉都唔少，肉質一樣好彈牙鮮甜，呢款年糕係比較長條型口感係再煙靭啲，用左秘製玫瑰醬汁煮，每條年糕都超掛汁，食落個汁好香蕃茄味帶少少的微辣香，老公好鍾意佢食到停唔到口😂🧡大笑蝦蝦煎蔥餅🧡蔥餅煎到好香，面層好多隻大蝦肉，蝦肉爽口彈牙，加埋芝士、韭菜等材料，蔥餅飲落好有層次口感，重點要點埋佢地個汁，酸酸辣辣好夾。🧡伯爵茶布丁牛角包窩夫🧡牛角包窩夫焗到好香好酥脆，夾住的忌廉好滑一齊食非常夾，布丁質地做得好軟滑，每一口都食到淡淡的伯爵茶味，仲配埋個伯爵茶醬可以加落去。飲品💚焦糖芝士山咖啡💚💚無花果梳打💚飲品賣相靚，好飲又唔甜，特別喜歡杯芝士山咖啡，飲落好香。…查看更多
