Holam Bakery

營業中

休息中

好耐之前食過Holam Bakery嘅千層蛋糕，印象中係性價比超高😻！最近有兩次同朋友喺駱駝漆食飯，當然要留返個肚嚟呢度食返件蛋糕啦🤭🧇#港式奶醬千層蛋糕：好濃郁嘅奶醬多味～真係食到停唔到口🤤 啱晒鍾意食奶醬多嘅朋友！🧋#伯爵茶千層蛋糕：我本身唔太鍾意Earl grey，而蛋糕嘅伯爵茶味我係接受到嘅～🍵#抹茶雪糕：加10蚊可以換一小杯抹茶雪糕，有3種濃度，抹茶控我揀咗最濃嗰款。濃度算係夠，但佢似cream多過次雪糕，不過都幾好食😋🍰#抹茶巴斯克芝士蛋糕：因為呢次去到已經冇乜味可以揀，於是就試吓巴斯克蛋糕。味道同質感都夠，而入面就正正係抹茶雪糕嗰隻cream😹 但我又幾鍾意😆咁啱兩次都係差唔多閂門先嚟到，已經得返好少味，如果想有多啲選擇，可以早少少嚟～😉

雖然男朋友唔係食家，但他知我鍾意食千層蛋糕，他就馬上去OPENRICE搜尋一下，真係好感動。他今次揀了這間賣千層蛋糕賣出名的工廈CAFE買了兩件給我，仲要兩件都係茶味，簡直想得周到。兩件SIZE相若，清楚見到一層一層，都好靚，而每層餅皮厚薄適中，柔軟而不乾身，忌廉亦好香滑。伯爵茶千層蛋糕($38)頂層有一層甜忌廉，灑上伯爵茶茶葉碎，令伯爵茶香更突出。啖啖伯爵茶幽香，濃郁的茶味，味道唔甜，好吃!抺茶流心千層蛋糕($38)頂層用了抹茶忌廉唧花，而中間就有一堆更濃的抹茶忌廉，雖好香滑，但略為挺身，不夠流心狀。啖啖抹茶的甘香，茶味香濃，最喜歡當然是中間的抹茶忌廉，茶味久久留在口中。這間的千層蛋糕雖然好食但個人覺得位於旺角嗰間更好食，哈!

一直風聞有間千層蛋糕黃店好好食之前食過同事散水餅 抹茶流心 一試難忘❤️男朋友生日party要訂蛋糕 🎂即刻決定揀佢！💛 揀邊間蛋糕店就易揀邊隻味先最難🤣皆因太多選擇成個menu望落去 款款都好食咁真係選擇困難症😂最後睇完大家食評揀左伯爵茶味千層蛋糕🍰果然冇揀錯！茶味香濃 忌廉幼滑 食落完全唔會覺膩當日party出席一半以上都係男生本來怕太甜d男仔會唔鐘意但結果甜度完美💛值得一讚$480 十吋 （生日牌另加$10）兩日前透過whatsapp就可以預訂到本來係現金到付 上門市拎先比錢但我係拜托朋友幫手拎蛋糕唔想佢地幫手拎仲要比埋錢所以就問店家可否提早比定錢先結果好爽快地回覆我可以轉數快/過數服務態度非常好👍🏻

📍Holam Bakery💛觀塘開源道60號駱駝漆大廈3座4樓I室-呢間係蛋糕界一直都好出名🤤🤟🏽 之前夜晚去過買 點知想食嘅味都賣嗮😢 所以今次早咗去就終於買到lu🥳-🍰伯爵茶千層蛋糕($230 六寸) 個蛋糕嘅外表咁靚已經加晒分，每層都好薄，伯爵茶味好出，Cream軟滑順口唔會膩，性價比超高，好過去食某個藍名牌店啦😚-呢間店每日都會係ig講當日嘅口味，如果唔想好似我咁要撞彩先買到就可以預先wts佢哋預留🙆🏻‍♀️

#先食後減 千層蛋糕🍰 💛店系列 😍Holam Bakery真係超人氣店，上次去已經全部售罄，失望而回😐，今次終於俾我買到啦!😍伯爵茶千層蛋糕 🍰（$35）幾香伯爵茶味☕，甜度剛剛好，餅皮厚薄適中，忌廉幾香滑，分佈平均，如果忌廉再打得挺身少少，囗感會再好啲😉 份量細件過Lady _ 少少，但呢個價錢食到咁高質嘅千層蛋糕都唔錯了! 😍P.S. 每日12點開始發售，售完即止，要買趁早! 😈 佢地仲有其他味道都好正架!😛

觀塘駱駝漆都有幾多間出名嘅食肆，呢間Holam Bakery都算係長期都有人排隊，去過幾次都好多人，難得今次經過得一兩個排隊，就即刻去買返件黎試下。當時賣剩幾隻味，記得有海鹽檸檬、伯爵茶同烏龍茶等等，我就揀左伯爵茶千層蛋糕（$35），外賣有膠盒包裝，相對比較衛生。返屋企之後雪一雪之後再食，有淡淡嘅伯爵茶味，鍾意濃茶嘅我有少少失望，不過奶味幾香，Cream算幾滑，成塊食完都唔覺得太膩。下次有機會都可以試下其他味，不過就應該唔會再試伯爵茶味啦。

朋友生日買左個伯爵茶千層蛋糕...食落去有濃濃嘅伯爵茶味道... 本身諗佢咁多cream應該好甜啦.. 點知又唔會喎... 個個本身食飽哂都話要再食😆下次買要買大個啲先得喇

今次介紹係一間主打千層蛋糕既小店，由網上累積左四年既人氣再變成實體，坐落於觀塘工廈區。店員推介流心系列同伯爵茶，海鹽檸檬都係比較多人叫。-1️⃣ 伯爵茶千層蛋糕💰38（👅: 9/10）奶香味重，食到小小伯爵茶味，甜道唔算濃唔算太甜，所以唔會食到好膩，個人覺得夠味恰到好處。無數錯應該係有十七層既千層蛋糕，餅皮薄得好出色，成個質感軟熟，唔會係DONKI個D石頭質感，CREAM又香又滑好夠好飽滿，入口即溶。-2️⃣ 抹茶流心千層蛋糕💰38（👅: 9/10）呢家唔多千層蛋糕有流心食(暫時好似得holam同lamlamli)，流心餡抹茶味道濃，唔會太甜仲有茶香味，小小回甘。-🌟暫時係我TOP3既千層蛋糕，無論質感上，味道上。係香港要食唔難食既千層蛋糕其實已經好難，中伏太易，好食既加埋網店我既LIST應該得3間。味道每日基本有18款選擇，有特別味道例如榴槤(榴槤味唔算重)，仲可以訂購生日蛋糕，呢間好處係WALKIN都可以買到食到，而且唔駛排長龍，缺點係無堂食區。另外一提千層蛋糕外賣都可以全部獨立分開裝，非常貼心。-👅味道: 9/10🍴環境: 6/10💰消費: $38 (服務費: NA)

|傳說中嘅千層蛋糕🍰|終於！終於食到你啦！好評一直排山倒海咁冚埋嚟🌊呢間bakery 可以係話係千層蛋糕界有崇高嘅地位🤩，小JunJun都懷住感恩嘅心去品嚐佢地嘅千層蛋糕😋 不過結果有少少意料之外.....🍰 榴連千層蛋糕 $36 (6.8/10)外形比其他味矮細，層次感就扣咗啲分榴連飄香洋溢，味道亦冇令人失望但未必滿足到追求濃郁榴連味嘅朋友榴連忌廉似榴連蓉，質感綿滑，甜味適中🍰伯爵茶千層蛋糕 $38 (6.3/10)屬清香茶味口感輕盈唔甜個人覺得茶味香濃啲會更好忌廉偏稀薄總結係現實追唔上幻想😂 可能有神級嘅期望，自然標準都高咗😭 整體皮偏薄偏冧，容易濕透破懷層次感，性價比唔算高🥺 不過整體口味輕盈，榴槤味值得一試!📍 Holam bakery觀塘開源道60號駱駝漆大廈3座4樓I室

之前買了中伏的千層蛋糕 QAQ 這次再接再厲挑戰另一間別人推薦的！位於觀塘駱駝漆大廈的 - Holam_bakery 是主打千層蛋糕。每天會公佈當日出售什麼口味，可以透過whatsapp查詢和下單預留。（要注意： 4件或以上切件才可以預留）確認訂單後，在當日關店前去付錢取貨就可以囉我選了四款口味 - 海鹽檸檬、香芋牛乳、伯爵茶和抹茶流心因為沒冰袋的話Keep到1.5小時左右，所以取蛋糕時我有自備冰袋。當中覺得最不錯的是海鹽檸檬十足的檸檬味，每一口吃落都很醒神呢另一件的香芋牛乳是雙層顏色，上層的牛乳頗濃郁，但是香芋的部份就一般而已～吃落不像真的芋頭製成那樣子。伯爵茶其實也不錯，但由於味道較為淡身一點~應該要先吃！不然茶味有機會因為前者的太濃以變弱了 ...最後我發現切件的話不應該選「流心」!!! 貌相變得崩壞了 ...但就味道來說，這抹茶很香濃！初嚐有澀味~之後便是回甘！吃過四款口味後，覺得這間的千層蛋糕不會很甜 ...但可能由於能選擇的口味頗多，要再試試其他才能定斷!?口感方面，忌廉質地很滑順～班戟皮薄薄的不會很乾！朋友帶回家放進雪櫃第2日才吃也沒怎樣影響口感的喔四件切件千層蛋糕實收$

星期六有事需要黎觀塘follow 呢間ig 好耐啦今次終於可以試下呢個網紅好耐既千層蛋糕 ，去到差唔多下午三點幾 原本諗住同個fd 一個食黑糖奶蓋一個食伯爵茶點知去到得翻 招牌伯爵茶 不過都要試下 所以要左兩份 食落真係乜得值得曬首先有淡淡地伯爵茶 ➕ 濃濃既奶香味中間啲cream滑而唔膩 而且每一層餅皮都好薄可以咁講 一口即化啊～我一個女仔 認真認真認真可以食兩件咁多！！真心好食 下次真係需要早少少去到 咁先可以試埋其他味 搞到依家好想食啊！

嚟到觀塘就梗係唔可以唔嚟呢間人氣超高嘅千層蛋糕專門店：Holam Bakery啦，位於駱駝大廈三座4樓既Bakery，黎到就有唔少人排隊買緊蛋糕🍰，太遲黎就可能冇曬架啦😂😂伯爵茶千層蛋糕 $38首先蛋皮整得好薄，兩咬落去就有豐富嘅口感，真係少啲功夫都會整唔到😅😅另外伯爵茶味道又唔會太甜，淡淡嘅伯爵茶香，食完之後都仲會喺口中徘徊，令人回味無窮如果黎開觀塘嘅話，一定唔好錯過呢間人氣千層蛋糕店呀！

生日蛋糕，相信人人都食過好多款式， 一般連鎖店， 貴族店， 立體蛋糕等……今時今日在疫情籠罩下，所有東西其實都只需要簡單、樸實，回歸簡約。伯爵茶千層蛋糕味道來得清香， 唔太甜，層層疊疊手工仔細。假如M 姐姐係高貴淑女，那HL 應該係小清新。

訂蛋糕，除了主流的西餅連鎖店外，香港人還有什麼選擇？在網友的大力推介下，今次我就試試在「Holam Bakery」預訂一個千層蛋糕。「Holam Bakery」由90後大男孩經營，whatsapp落訂，觀塘取貨，非常方便。我只須在whatsapp告知他蛋糕款式，然後經恒生/東亞或中銀過數（不接受PayMe和eBanking），再將入賬紙whatsapp給他，落訂成功！小店門前放有Pepe抗爭吉祥物，店內亦設有連儂板給食客寫上訴求。這麼有良心，難怪深得網友支持。6吋伯爵茶千層蛋糕（$230）唔係講笑，千層蛋糕的味道和口感，拍得住港女至愛的大品牌「M女士」！目測蛋糕大約有15層，層與層之間的忌廉份量適中，很香滑，不會太油膩！伯爵茶味道清新，茶香在忌廉裡滲出，非常滋味！同樣味道同樣大小，「M女士」的6吋伯爵茶千層蛋糕要480元，「Holam Bakery」則只需230元，足足平了一半有多，性價比極高，抵！