OPPA Coffee Bar Restaurant

營業中

休息中

位置尖沙咀韓國街成間店都係由Oppa打理佢哋有啲仲係講韓文架啱晒思鄉又愛煲韓劇嘅妹子呀！（不過其實都有好多男仔嚟食😝）🔸人蔘雞湯（$220）（推介👍🏻👍🏻）大大煲人蔘雞湯，用爐熱住嚟食。湯底雪白味、道好濃厚，帶有人蔘嘅香，仲有紅棗、糯米，雞肉煲到軟綿綿，好好食！！🔸醬油炸雞（$178）（推介👍🏻）炸雞又大件又脆卜卜，食到尾凍左都仲係好脆，雞肉嫩滑，外層醬汁有醬油香，帶點甜味。雞嘅底下仲有香脆炸薯條，好食！難怪枱枱都叫。🔸蟹膏蟹肉紫菜包飯（$108）蟹膏味好濃，有啲咸鮮味，而且唔腥，飯卷內仲有啲蛋絲、紅蘿蔔絲，口感爽脆，唔錯。

喜歡韓國旅遊既我，疫情期間，好想念韓國美食，前日就去左尖沙咀金巴利街俗稱香港嘅韓國街，這間 OPPA 是韓國人開，所以我可吃到正宗的韓國菜，很不錯呢 ~韓國餐廳設計簡約時尚，帶有韓式風格，牆壁擺放多款酒類飲品，電視播放著韓國MV，真是好想飛去韓國，可惜疫情期間不可以，為有等待通關，疫情完結先再去吧！餐牌上有多款韓國特色美食，推介 - 芝士熔岩炒飯、無骨/有骨炸雞、韓式小菜、紫菜包飯、韓式拉麵烏冬、湯類、米酒、果汁等，款式好吸引。醬油無骨炸雞     $228這個我是點全份炸雞，餐牌有半份選擇。炸雞大大件，外皮香脆，肉質鮮嫩，有肉汁，不會炸到乾身，味道好鮮美，吃到濃濃的醬油香，少少鹹，味道適中，不會過鹹，做得實在太好味啦！人蔘雞湯     $220每次去韓國旅行我都會飲人蔘雞湯，正直現時進入寒冬，飲碗韓國人蔘雞湯補吓身，身體暖笠笠。湯頭濃濃的人蔘香，飲起來亦好濃的人蔘味，我記得是在韓國時飲到的味道，令人懷念。湯裡是原隻雞肉，雞肉鮮美，好嫩好滑，啖啖雞肉，湯味香濃，好完美，讃！

食左個oppa 火山溶岩飯，鐘意辣既一定要試呀！有雞肉，泡菜，蛋，芝士，炒飯。有啲辣，怕辣既會覺得好辣。但好好味，芝士同蛋都好香！即場幫你燒溶啲芝士，同煮熟蛋，再炒埋。$178定$176蚊一個，一人份量黎，有啲貴，share 不錯。食左人蔘雞湯，好有蔘味，有夠多蔘！份糧多，兩人食好飽！一定要食人蔘雞湯呀！裡面全部要講英文，因為全是oppa😂我book jor 7pm, but late jor, 7.30pm 先到，佢都好快比返個位我，開心😬😬

今晚約了好友到呢間韓國餐廳慶生食飯。只是平日晚的晚上，但店子都充滿著客人，每檯限時75分鐘用餐。其實時間是足夠的，因為食物上菜都很快。餐廳十分有韓風，播著韓歌，店員都是只懂韓文跟少量英文的店員，感覺真是置身於韓國當地用餐的。點了不同的食物，十分有特色而且味道又好吃。點了一份韓式煎餅，共有三款口味，每款共有三塊。每塊煎餅都厚厚的，好有份量，所以吃起來都飽飽的。口味分別有泡菜、南瓜、香蔥口味。每款都很特別。紫菜包飯，大大舊，入面好多餡，以菜、蘿蔔等為主，吃起來會吃到飯的軟綿綿跟餡料的爽脆。十分飽肚。人蔘雞湯，會以火鍋爐加熱著，熱呼呼。成鍋份量不少，我們三人每人都飲到幾碗，入面很足料，原隻雞，雞肉嫩滑好味，雞湯濃濃，好濃的雞味，仲有人蔘清香。十分滋補。韓式餃子，每一隻都好大粒，餃子皮好有咬口，入面包著超多餡料，菜跟豬肉。吃起來啖啖滋味，好正，沾上汁醬更為滋味。是晚我們跟朋友慶生，在別的蛋糕店買了蛋糕到來慶生。需要加上80蚊切餅費，但可以慶祝埋，十分方便，店員會幫手點上蠟燭，付上乾淨碟子。服務很好。是晚用餐過得好開心，氣氛又好，食物質素又好，就算飛不到去韓國，可以食到韓國小食，感覺好美好。

$228食韓國野又點少得炸雞呢，所以店內提供6種口味炸雞任君選擇。點左比較邪惡嘅蜜糖牛油炸雞🙊牛油味好香，而且雞件好嫩滑多汁，不過甜味會令你好快食滯，所以建議叫半份就夠喇🤣 $108呢到嘅Kimbap都算唔錯，米飯帶點點麻油味，加埋鋪面的芝麻，入口有陣陣的芝麻香味。蟹膏味唔算突出，因為蟹肉少、蟹膏更少🥺如果多返多d配料就更正喇。算不過不失啦🤔 $220睇餐牌諗住叫碗人參雞湯補補佢😌點知，原來係成個爐咁樣上，心諗今次大煲喇，因為真係好大煲，實飲唔曬😣個湯一直滾緊，所以記得幫另一半吹下先，如果唔係就盪親個嘴仔架喇🤭個湯十分足料，原條人參帶有回甘味，原隻雞令個湯好濃郁，飲下飲下竟然比我飲曬成煲😱

一直都有留意這間餐廳的火焰芝士飯，好似好正，今晚就相約朋友同我一齊黎試下。餐廳位於尖沙咀的韓國街，餐廳裝修簡潔，星期四的晚上都座無虛席。因為是為了熔岩炒飯而黎，當然要點一個，另外也點了炸雞和人蔘雞湯試試。泡菜蛋漿熔岩炒飯($158)，因為想食普通少少，所以就點了泡菜飯試試。上枱時，店員會在你面前把蛋漿及芝士碎倒到飯邊，然後會在你面前用火槍燒飯，等蛋熟了，便會開始在你面前炒飯。泡菜炒飯雖然很普通，但食落有點點辣和泡菜的酸味，芝士唔會太漏，非常惹味!甜辣無骨炸雞($198)，這裡的炸雞還會配有薯條，炸雞炸得剛剛好，唔會過燶，醬汁甜甜辣辣，再加上點了無骨，食落啖啖肉!薯條是用上粗薯條，粉粉地!人蔘雞湯($220)，朋友喜歡飲人蔘雞湯，眼見價錢好似有點貴，但上枱時就知唔算貴啦!這裡的人蔘雞湯跟坊間的不同，坊間的是用一碗咁上的，但這裡是一窩咁上的，還用上GAS爐熱住，這個窩非常大，雞是用上中size的，內裡有糯米。湯有淡淡的人蔘味，非常清甜。而隻雞煲到D骨好淋，可以食埋!總括黎講，這裡環境舒適，食物上菜幅度都好快，有機會會再黎食!

野食：叫左四樣野食炸雞、雞湯、炸醬麵、海鮮芝士飯甜辣炸雞難食到夜晚瞓覺都想嘔返出黎🤢人蔘雞湯係隔離買55蚊包，再加d胡椒粉、黑椒落去。個炸醬麵苦過deedee 😵芝士飯好似食緊納豆咁，癡過麥芽糖服務：Oppa唔聽人講野，坐係門口附近，凍到byebye，問oppa可唔可以閂門，好似當我地冇到。價錢：價錢偏貴唔再講，一罐可樂22蚊，唔叫野飲，水都冇杯，問左幾次先俾一杯飲兩啖飲完既水，真係多謝晒🤡環境：唯一一讚係環境衛生，冇曱甴囉！