京都勝牛x TOKYO DOLCI

營業中

休息中

之前開業冇耐已經食過京都勝牛，今次再黎encore！估唔到咁耐人氣依然冇減🤩果然過江龍係有啲料💮M9後腰脊$318極上和牛肉質厚嫩，外層披上薄薄嘅炸衣，內半生，脆得黎咬落去口感柔軟。呢個餐附送一隻溫泉蛋，蘸上溫泉蛋🥚食更滑。如果覺得太生仲可以問店員拎鐵板燒多陣👍🏻💮京都勝牛三味套餐$228 另外叫左一個人氣之選牛三味，有翼板、菲力及醬味薄牛。翼板同菲力都好軟腍，醬味薄牛口感偏濕潤。每個餐都已經包括麥飯🍚、椰菜沙律🥗及味噌湯🥣，而且附上數種調味料，個人最鍾意都係蘸上牛扒醬同玫瑰鹽，味道更濃💮元祖牛扒炸串（三串） $52 牛扒串一粒粒串好再炸，配上酸酸甜甜嘅汁，食落感覺唔膩💮棉花糖雪糕🍨$58 外層全部都係燒過嘅棉花糖，中芯雪糕部分唔多，如果棉花糖再熱啲就perfect，味道偏甜💮軟雪糕抹茶牛奶🍵$42抹茶味道濃郁，加上雪糕係面同食左個甜品差唔多，口感creamy💮白桃蒟蒻冰茶🍑$32桃味清新自然，紅茶味道亦唔會搶左桃味，冰涼解渴

幾年前喺京都食過一次覺得冇乜特別個人覺得荃廣附近另一間香港人開嘅吉列牛更加好味不過嗰間長期都大排長龍今晚就黎試下開咗過黎香港好唔好食先~~喺openrice book咗位閒日嘅夜晚餐廳唔算多人walk in都有位坐食吉列牛當然叫最貴嘅和牛會好食啲但又貪心想試多幾樣所以都係叫番最多人叫嘅 京都勝牛三味套餐 ($228)三味包括菲力牛 翼板牛 同 醬味薄牛連9款唔同調味料上 本身菲力牛同翼板牛都係3成熟可以自己煎熟少少呢兩款牛食落去都好淋身同香牛味好食嘅牛點鹽已經好好味👍🏻最鍾意玫瑰鹽醬力薄牛就真係唔洗試🙈可能因為太薄同實 我同朋友都覺得好似食緊平時茶記啲薄牛呢個口感配咖哩醬好夾😂另外仲想試下非吉列牛以外嘅炸物竟然有驚喜鮮嫩脆炸豬柳伴鰻魚套餐 ($158)第一次食炸鰻魚 估唔到又幾好食配嘅醬酸酸地配蘿蔔蓉好開胃炸豬扒個炸粉做到好過吉列牛嗰款係典型日式餐廳炸物好鬆嘅嗰種口感點嘅醬係平時吉列豬扒醬加自己即磨嘅芝麻個人鍾意個吉利豬多過吉列牛👍🏻睇圖見到隻蝦咁大隻心動叫埋單叫要$52一隻+$10有杯飲品所以加埋 (單點飲品都要$30架)隻蝦真係好大隻個炸粉同吉列豬一樣口感所以食完好滿足~~~麥飯

《#Japanese_taltal |#TsuenWan_taltal 》🇭🇰 京都勝牛𝕂𝕪𝕠𝕥𝕠 𝕂𝕒𝕥𝕤𝕦𝕘𝕪𝕦 𝕩 𝕋𝕆𝕂𝕐𝕆 𝔻𝕆𝕃ℂ𝕀 @ 𝕋𝕤𝕦𝕖𝕟 𝕎𝕒𝕟由佢未開業已經好想試，試過夜晚經過勁多人排緊隊！感覺上好似永遠都試唔到，點知有日黃昏經過冇人就立刻衝左過去😂抱住滿滿期待同興奮嘅心情。❥ 名物 𝐂𝐥𝐚𝐬𝐬𝐢𝐜 - 京都勝牛三味套餐 𝐁𝐞𝐞𝐟 𝐂𝐡𝐮𝐜𝐤 𝐅𝐥𝐨𝐩, 𝐅𝐢𝐥𝐥𝐞𝐭 & 𝐒𝐥𝐢𝐜𝐞𝐝 𝐁𝐞𝐞𝐟 𝐒𝐞𝐭 | $𝟐𝟐𝟖 必點✨一個套餐試哂3款牛😋3款牛包括翼板、菲力及醬味薄牛。多達9款醬料可以沾，好多選擇！🥩翼板牛食落多筋而且較油，一咬落去就成口油。而菲力牛係我嘅最愛，咬落去好軟熟，油脂較少。醬味薄牛真係好薄😂食落去實身啲，醬料唔會太多，但冇其他兩款咁滿足。❥ 華膳 𝐊𝐚𝐭𝐬𝐮𝐠𝐲𝐮 𝐏𝐥𝐚𝐭𝐞 鮮嫩脆炸豬柳伴大海老套餐 𝐏𝐨𝐫𝐤 𝐅𝐢𝐥𝐥𝐞𝐭 & 𝐃𝐞𝐞𝐩 𝐅𝐫𝐢𝐞𝐝 𝐊𝐢𝐧𝐠 𝐏𝐫𝐚𝐰𝐧 𝐒𝐞𝐭 | $𝟏𝟓𝟖必點✨除咗牛肉，我認為第二吸引嘅係吉列豬🐷外層炸皮金黃勁吸引！配埋大海老，真係急不及待想快啲放入口😋豬肉鮮嫩唔乾，炸皮分明得嚟又夠香口唔油膩。而海老嘅肉

當日紅日中午12點3黎到，好好彩，坐到最後一張四人枱。雖然我地四個人，但我妹好細食，所以只係叫三個餐，包麥飯、味噌湯、椰菜絲，呢三款都可以無限添加。首先點左好多人都讚嘅------京都勝牛三味套餐 $228牛三味包括吉列菲力、吉列翼板、醬味薄牛。每款SIZE唔大，大概係1 - 1.5倍紙巾嘅面積；除薄牛外，其餘兩款都有1吋厚。每個牛SET都跟5款鹽、4款醬，雖然職員送上枱果陣有逐一介紹，但佢唔純正嘅廣東話加上快嘅語速，恕我未能接收message😂。牛肉本身無落任何調味，所以一定要沾醬提味。而我最中意嘅食法，就係WASABI加燒肉汁，佢個WASABI唔會好刺激但又夠香、有顆粒😋。牛肉中間位幾生，加上上枱果陣唔熱，食牛緊係熱食先好味架啦😏，所以要求加個爐。三款牛牛味偏淡，最弱係薄牛；口感最差係翼板，好韌又有筋；菲力牛口感最柔軟。名物翼板伴大海老套餐 $198雖然同上面個餐一樣有翼板，但口感完全唔同😯，呢個軟淋好多，而且又無筋，如果唔係有塊牌寫住，我地直頭以為係兩個唔同嘅部位🙄。隻海老真係好大隻，好有蝦味、肉質彈牙，炸衣酥脆，但厚左少少😅。炸廣島蠔拼大海老套餐 $198兩隻海老擺到好生猛，質