京林屋 (希慎廣場)

營業中

休息中

京林屋，位於銅鑼灣軒尼詩道500號希慎廣場12樓1203號舖。 餐廳是一間有百年歷史的抹茶老店，以抹茶作賣點， 提供抹茶芭菲、抹茶蕨餅和配茶雪山，一系列的抹茶名物產品。 當晚我們大約九點半入到店內， 落完單叫完甜品之後才知道十點鐘關門😅， 晚餐 ～ 京式鰻魚飯$128、鯖魚定食$78、 玄米茶$20、 玫瑰蘋果煎茶、 特製林屋抹茶餡蜜$98。 ▫️京式鰻魚飯🍱 ～ 飯底偏凍，但係鰻魚幾好食，厚身肉質肥美。 ▫️鯖魚定食🍱 ～ 可能已經九點半 ，所以鯖魚都係凍冰冰的。 ▫️特製林屋抹茶餡蜜🍧 ～ 抹茶味好重幾好食，但係食得太急趕，因為得返五分鐘時間。 ▫️玄米茶 ＆ 玫瑰蘋果煎茶🫖🍵 ～ 兩款茶正常發揮。 當晚經過門口時店員叫我們入去，但如果知道只得番25分鐘可能我們會選擇其他餐廳，因為食得太急趕，加上定食已經凍了。 🏷️溫馨提示～ 整個用餐體驗均屬個人分享意見， 只作參考😊。

一個人食都想對自己好啲，但一個人又食唔得多嘢所以最終選擇左銅鑼灣希慎廣場嘅京林屋叫咗個”京式鰻魚飯”，一般水準啦，係個飯稍嫌乾咗少少。而跟餐配嘅”葡萄煎茶”反而幾有驚喜，葡萄同埋茶味夾得幾好，兩者都唔會搶味。值得讚係職員服務態度係好好嘅

我自己鍾意去京林屋食嘢, 相隔一些日子便會去, 早前趁上完堂後, 係銅鑼灣食嘢. 我先點了京式鰻魚飯. 鰻魚相當肥美. 我本身食得較濃味, 雖然飯已經混入了醬汁, 但我想再多汁一點, 所以叫了店員另外俾醬汁我. 即時美味提升. 另外, 我點了玉露. 店員先奉上教飲茶的程序俾我, 跟着做便可以. 入口茶味幾濃郁, 令人感覺舒服. 這個玉露最特別之處, 係飲完後, 連茶葉也可以食. 只需要加入柚子醬便可, 我也是首次食茶葉. 口感有點似食嫩口的菜葉, 入口帶有甘香, 幾特別. 又到賞櫻花季節，去吾到日本睇花，就食番一個期間限定甜品 - 櫻花抹茶卷蛋. 甜度適中, 忌廉夠滑身. 加上香濃的抹茶雪糕, 與紅豆和白玉非常夾. 這一餐非常豐富.

京林屋銅鑼灣分店係希慎廣場12樓，餐廳面積唔大，劃分為和式座位同普通座位，由於客人眾多，以入座計，和式座位用餐時間有60分鐘，普通座位就有90分鐘。餐廳以木色為主，富有日式裝修風格。🇯🇵京林屋主食選擇唔多，最吸引係鰻魚飯同埋以餐廳抹茶主題製的蕎麥麵，甜品款式就非常多，我同老婆點左鰻魚飯同埋抹茶蕎麥麵share，另外點左玉露， 另外當然唔少得飯後甜品啦。😙京式鰻魚飯 $98鰻魚係老婆最愛食嘅魚，京式鰻魚飯有原條肉質肥美嘅鰻魚係調左味嘅飯上面，配上惹味嘅鰻魚汁，每一啖都可以食到濃濃鰻魚嘅油香 yummy😋抹茶蕎麥麵 $78呢款抹茶蕎麥麵味道比較清新，湯底混有蘿蔔蓉，令味道清甜，蕎麥麵嘅抹茶味唔算太濃，不過口感唔錯。玉露玉艷 $78上一次黎我地飲左杯焙茶朝薰，一試難忘，今次我地決定點另一款比較貴價嘅茶: 玉露玉艷試試，由宇治黎嘅玉露味道甘甜，飲完茶之後仲可以加柚子醬油食埋d茶葉，口感同西洋菜有d相似，不過我個人都係比較喜歡焙茶朝薰。👍特製林屋抹茶餡蜜 $98呢款甜品上次已經食過， 抹茶雪糕茶味甘香， 蕨餅配以混入紅豆蓉同黑糖漿嘅寒天同丸子， 配搭完美，我相信每一次黎都會再點呢款甜品。😍焙茶卷

今日和男朋友說想吃日本菜，二話不說就帶我到京林屋，一次過解決正餐和甜品。*金目鯛定食 ($88)鰻魚飯有點太普通，所以今日點了金目鯛。金目鯛比起鰻魚更加濃魚味；雖然烹調用的醬汁味比較濃，但一點都沒有蓋過魚的鮮味。日本飯香*京式鰻魚飯 ($98)男朋友點的鰻魚飯*焙茶沙冰雪糕 ($58)今日熱到食飯前飲左兩杯飲品都仲好口乾，加上真的很熱的關係，所以點了沙冰。今次點了焙茶沙冰雪糕，焙茶味很香濃，不會太甜；沙冰溶一點，焙茶味就出一點；焙茶雪糕很幼滑。*櫻花抹茶卷蛋配玫瑰蘋果煎茶 ($98)因為櫻花是期間限定，所以就點了一個櫻花抹茶卷蛋；櫻花卷蛋很鬆軟；中間的抹茶忌廉很幼滑，一定一定要吃光光。因為太多甜品的關係，所以點了一個比較清香，沒有糖的茶；玫瑰蘋果味很濃香，煎茶帶點回甘。*林屋抹茶雪山特大 ($108)要吃巨型的甜品，就一定要有男朋友包底！這個巨型的刨冰上，有一球抹茶雪糕；另外有煉奶和抹茶可以倒上去沙冰抹茶啫喱濃濃的抹茶味煙煙UNUN的白玉

今日去咗銅鑼灣行街～行行吓肚餓就去覓食於是去咗出名多嘢食嘅希慎一路上去上到去12樓見到京林屋～係我最愛嘅抹茶啊開頭以為剩係得甜品後尾睇埋餐牌先知原來都有咸食就叫左一個鰻魚飯同一個和食料理飲品就揀左一杯焙茶牛奶開頭嚟㗎鰻魚飯外相非常吸引即時開動呀 鰻魚超厚肉 啲飯又充滿鰻魚汁超級好味而和食料理就一共有四個小菜樣樣都好好味好似真係置身於京都到咁樣而佢個飯都係混入左鰻魚汁 正食完咸食之後飲杯焙茶牛奶 即刻覺得好清新之後我哋叫埋甜品～叫咗個香港限定嘅芭菲杯呢個其實同出邊嗰啲日式嘅甜品店賣相差唔多不過就好好味 食得出啲抹茶味真係同日本嘅一樣食緊甜品之際男朋友竟然覺得唔飽就追加左一個稻庭麵麵比較扁身少少 啱晒佢口味啊而且熱辣辣食完唔怕凍啦第一次係香港食京林屋就喜出望外睇來以後去銅鑼灣都要再食京林屋啦！

今日行完街，太掛住上次食過既京林屋,見時間尚早約夜晚6:00，應該唔洗排隊，所以再ENCORE試吓其他野食。揀野食，好似多左個set ~林屋和食料理$88，上次冇咩印象有，唔通真係新加？個名應該指signature dish ,一定要試啦，唔理三七廿一即刻選定呢個，睇相已好吸引，上枱實在太豐富喇，有麵豉湯，味噌口味剛好，唔會太咸，餸材料好豐富，先試有味飯，用左珍珠米，好煙韌。上蓋有紫菜絲撈飯，再試餸，有鯖魚，醬燒帆立貝，魚干，特別泡製既芝士魚卷同雜菜玉子，味道獨特，尤其芝士軟身夠香溶響口； 食埋八爪魚沙律，好興奮，樣樣都食到。Encore 有京式鰻魚飯$98，鰻魚醬汁香濃，鰻魚燒香，尤其喜愛大量蛋絲，飯粒煙韌醃滿醬汁，撈埋蛋絲非常好餸飯，定食唔少得跟麵豉湯，熱辣辣。食完兩個定食，跟餐加埋個熱茶$20@，叫了玫瑰蘋果茶夠香，淡淡花香味，也有陣陣果香味，綠茶類，較清香。另一個叫了焙茶朝薰，香濃,茶味香濃，飲落口嚨好舒服，焗了三次依然香濃。當然甜品唔少得，急不及待，叫了林屋抹茶芭菲$88，呢款係指定動作之一，芭菲上次叫左限定芭菲，今次要再叫抹茶味！綠茶雪糕好香滑，茶香味清香，還有兩粒煙韌粉圓

京林屋是我其中一間鍾意的日式甜品店， 偶然也會去食一趟. 今次去才發現佢地搬咗去希慎廣場的十二樓. 來這裡我太多數食甜品, 而睇餐牌時見到推出新系列的咸食, 今次我決定一試, 最後選了京式鰻魚飯. 除了單點, 可以加$20配自選茶. 京式鰻魚飯上枱. 賣相夠精緻. 隨飯附有前菜的酸蘿白和味噌湯. 鰻魚的份量不少, 在飯面還放滿了蛋絲. 鰻魚幾肥美，而且切成一粒粒, 容易進食. 我最愛帶點黏性口感的飯, 加上混入了醬汁, 特別美味. 食完咸食, 當然要食甜品. 我試了法式聖馬克抹茶蛋糕. 一層層的蛋糕, 每層也有所不同, 多重口感. 除了蛋糕, 還配上香濃幼滑的抹茶雪糕, 加上紅豆和煙煙韌韌的白玉點綴, 我自己就好鍾意這個配搭. 今次我無飲茶, 改了熱焙茶牛奶忌廉. 忌廉相當滑身, 這是我點這杯飲品重點所在. 而入口有淡淡的焙茶香味, 甜度適中, 好好飲.

上次來京林屋的時候，因為等候內用的人很多，所以就只外賣了一杯雪糕，就是這雪糕的美味讓我們想再來品嚐她其他食物和式裝潢佈置往往都給人舒適寫意的感覺這次我們於晚餐時份來，鹹食和甜食都可嚐到鹹食有蕎麥麵、烏冬和飯可選，甜食有芭菲、蕨餅、蛋卷等我們點了兩個飯、兩個甜食和一道煎茶京式鰻魚飯($98)：賣相有別於一般的鰻魚飯，鰻魚是切粒放於圓碗中，以蛋絲包圍著，賣相又美又特別鰻魚肥瘦適中，肉質又滑又彈牙，加上香濃的醬汁，令人十分回味定食中還附上了豉油和wasabi,沾鰻魚吃又是另一番風味另外，飯也不是一般的白飯，而是焙茶飯，以焙茶代水煮成，有淡淡的茶香金目鯛魚定食($88)：看起來簡單但很精緻的擺盤與鰻魚飯一樣，這定食也用上焙茶飯鯛魚魚肉十分嫩滑，魚皮很有膠質魚肉與魚皮之間的油脂有豐富的油脂，入口很香，加上美味的醬汁，拌飯吃一流煎茶($48)：這茶可沖三次，每次泡30秒便可，店員會附上一個小沙漏，方便計時清新的茶味正好為剛剛的魚飯解膩，為接下來的甜品做準備焙茶芝士蛋糕($88)：芝士蛋糕質地軟熟，口感幼滑，芝士味濃又帶有焙茶香味焙茶雪糕質感輕盈，混著綿密香甜的紅豆和煙靭的白玉吃，十分美味抺茶餡蜜(

講開綠茶甜品大家都會諗起中村藤吉。但原來仲有一間比佢更老之號。就是京林園呀！以曰系簡潔裝裝吸引，最想食一定抹茶甜品！除了大枱外，仲有半開放式卡位，有獨立空間，自成一角。甜品非常精美，睇餐牌已口水流😜首先叫了杯飲品為抹茶牛奶，不太甜及冰塊適中不會沖走內綠茶香及濃郁。香港好小餐廰可以有人記得你。朋友驚我甜品不夠飽，叫了鰻魚飯，饅魚十分足料內有蛋絲，有味增湯及酸蘿蔔，非常滿足！這個套餐樣様有少少，適合心多的我，樣樣少少唔怕肥！這個真的一試難忘，綠茶牛奶軟雪糕幼滑又濃，每一層都不同食材，令你罝身高級亨受。在雪糕底下有士多啤梨，中和甜食，真的一試難忘。仲是香港限定。硬身嘅雪糕帶有小小粗粒冰沙，再加綠茶啫喱、厥餅、小丸子、啫喱、涼粉，配上少量嘅糖漿，真的無得頂。

約朋友上希慎廣場午飯，經過此店看見無人龍，便立即轉軚在此進食。本身打算只吃甜品當午飯，但又怕不夠飽，結果一人一個咸食加一個甜品，滿足地離開。寫這食評時才發覺，原來我在京都也幫襯過此店，立時覺得很正宗。朋友點的京式鰻魚飯很多汁，與平常吃的鰻魚飯有點不同，鰻魚切件上，很彈牙。我則簡單地點了讚岐烏冬，烏冬很彈牙很滑，雖然看來碗仔細細，但原來份量頗大，加上兩件大大的魚餅，結果因為要留肚食甜品而沒有食完！😝重頭戲是抺茶甜品！朋友點了香港限定芭菲，她是被"香港限定"所吸引的，抺綠茶雪糕很多，她說有種像食了很多雪糕還未到下層的感覺。我則點了特製林屋抺茶餡蜜，最欣賞的是其綠茶蕨餅，軟熟得來有點Q彈的口感，加上抺茶粉配合綠茶雪糕及紅豆，超級好味!另外朋友點了的焙茶牛奶也不差，淡淡的焙茶味，是此店抺茶以外的選擇。

早前，若非朋友告知，都不知道銅鑼灣希慎廣場6樓的 <京林屋> 搬往樓上12樓！京林屋最近，走上 6樓，已被 IT集團旗下服裝店佔地一層，另有一間新開的人氣班戟店進駐！經過見到還大排長龍！食客需在門口取籌等候安排入座！除了供應甜品、烏冬、飲品...之外最驚喜的是，新店推出了飯及定食系列！當然不容錯過！京式鰻魚飯 $98鰻魚肥美可口，份量十足！飯的份量大約碗半飯，飯粒粒飽滿！有點乾身看似飯焦，有顏色卻是無味，全靠醬汁提味，對女生來說都夠飽！熱葡萄煎茶 +$20女店員清晰指示第一杯茶已為食客準備，根據餐牌指示要放多久才倒出來及泡第二杯茶的程序。散發果酸清香，茶味清而甘！焙茶芝士蛋糕 $88看起來幾挺身，茶味不算好突出，口感軟滑濕潤，剛剛夠甜！相對焙茶雪糕較為冰凍及甜美！

不知道銅鑼灣有甚麼好吃隨便在openrice 找找就發現了新開張的京林屋而且 好評也很多 所以一定要來試試！我們4個人share吃 以下都是單叫的價錢💁🏻京式鰻魚飯 $98看到餐牌 一定一定要點鰻魚飯吃！😍一向都愛吃鰻魚飯❤️鰻魚切成粒狀 份量亦足夠 吃起來 很新鮮！飯底 珍珠米飯加上醬汁好香好濃😋😋金目鯛定食 $88肉質好嫩 醬汁十分入味雖然都是配上珍珠前米可惜飯底不是熱 所以相對鰻魚飯底較差抺茶蕎麥麵 $78我們叫的是冷麵沒有吃到抹茶的味道份量亦不算太多但是 配上蕎麥麵汁 感覺好清新😋稻庭麵 $68麵身幼細 有口感魚糕 不過不失配上熱辣辣的昆布湯♨️湯底真的做得很好✨👍🏻可惜沒有嘗試甜點🙁下次一定會再來！

創立於1753年的京林屋為京都抹茶百年老店之一。於2015年進軍香港，位於尖沙咀希稹12樓，這家餐廳以木材為主要裝潢的素材，現代和式設計，清麗幽雅。起初以售賣抹茶/焙茶飲品及茶抹茶甜品為主，近期更引入了熱食。今天我和朋友專程來到嚐一下他們的焙茶料理。餐廳至現時為至只供應三款料理，包括京式鰻魚飯、林屋和食料理及金目鯛定食。這三款料理均配有焙茶飯。林屋和食料理：傳統日式家庭料理式強調以當造的食物作為用料，因此不論配菜和主食都會不時有所轉變的。今天這款林屋和食料理內，供有主食四款，包括 (左上)汁煮秋葵、木耳絲及野菜豆腐漢堡，(右上)海鮮沙律，(左下)帆立貝、魚乾及芝士腐皮卷，(右下)燒汁鯖魚。每款主食味道各有濃淡，口感多樣，層次分明。呈淡褐色的焙茶飯其實是由朝薰焙茶煮成，珍珠米吸收了焙茶的烤香，飯身軟綿，味道清香。京式鰻魚飯：淋上秘製鏗魚汁的蒲燒鰻魚粒整齊地放在焙茶飯上，再加上大量蛋絲。鰻魚肉厚實，皮下脂肪多。一口鰻魚粒，一口焙茶飯，烤香泗溢，口感豐富。推﹗餐廳內的飲品皆為茶。熱飲滋潤，凍飲清新。