見到餐牌而吸引，樣樣都想食
，不過因為朋友不是很肚餓，所以我們叫了一個小吃拼盤，之前看相片本以為拼盤份量很少，但食物來到後發現，份量也不少。
這片多士拿上手已經感覺到份量十足，於是我大口咬下，多士香脆可口。
我地都叫了一個葡國雞。椰香味濃，配薄餅一流
本來都唔打算食甜品，但見到多士伴雪糕，就試下。多士入面係忌廉軟心，食落去有啲似吉士嘅感覺，但好好味，配上焦糖真是很好的配合最後我飽到捧住個肚回家🤪…查看更多
小食拼盤份量比想像中多，足二人份量，可以每樣試少少。黑醋豬手好爽口，唔會難咬，黑醋汁可以話係畫龍點睛。霹靂魷魚係冷盤，魷魚肉質爽滑，微辣帶酸幾開胃，係我最喜歡嘅一味。辣肉腸芝士脆多士最惹味，加左芝士再烘幾甘香，上菜後最好快D食，放耐左多士會冇咁脆。芝心馬介休球炸得好脆，芝心效果唔係好出，不過相對上芝士唔會蓋過馬介休嘅甘香，幾好味。主角蟹粥出場，除左粥仲有蟹膏、蔥同油炸鬼可以伴粥。煮粥嘅蟹大隻多肉，粥底自然鮮甜，我鍾意加埋蟹黃一齊食，鮮味更加突出。食到咁上下有下午茶，於是又叫多兩個甜品試下。雞蛋布甸口感有驚喜，有彈性又滑，蛋香同焦糖一向都係最佳配合。抹茶黑木糠布甸比想像中更濃郁，抹茶回甘。至於葡撻可以話係澳門美食代表之一，酥皮有牛油香但較硬，蛋漿好好味，有蛋同奶香，口感好滑。下午茶餐跟埋飲品，咖啡幾香濃，熱情果梳打醱甜開胃又唔太甜，兩樣都唔錯。好少係香港食澳門菜，亞蘇爾選擇都多，而且今次一試每款食物味道都唔錯，下次想食澳門菜又多個地方可揀! …查看更多
