金豪酒家

營業中

休息中

服務員豪爽，食物夠鑊氣好食，地方尚算好坐，會推薦比朋友

一般大排檔俾大家嘅印象都係室外、嘈吵、污糟！ 有咗小朋友，真係冇再去過。不過今次朋友話呢間係室內，乾淨，又有BB凳，咁就去試吓！我哋六個人，叫咗避風塘炒蟹聖子套餐、沙薑豬手、醬烤骨、龍躉兩味、魚腐浸豆苗、事頭婆炒麵！醬烤骨第一次食呢一種做法，成個炆得好軟爛，店員會用鉸剪幫手剪開，做法有點和東坡肉相似，老人家都食得，好有驚喜！沙薑凍豬手豬手係凍食嘅，薑蔥蒜醬油混合得很惹味。豬手偏硬有咬口！避風塘炒蟹，蒜蓉粉絲蒸蟶子孖寶避風塘炒蟹勁多炸蒜粒，非常香口，送飯一流。蟹肉新鮮！蒜蓉粉絲蒸蟶子，聖子很大很肥美，非常滿足。龍躉兩味西芹炒龍躉，有鑊氣，龍躉皮膠原滿滿！清蒸龍躉多數係魚頭位置，好多膠原，蒸魚豉油同樣係送飯一流！魚腐浸豆苗算係其中一款最驚喜嘅菜式，魚腐很好吃，豆苗浪過油，十分推薦！事頭婆炒麵見到台台都食炒麵，跟風都叫咗。幼幼的麵條，配上芝麻辣椒醬，非常港式！

鄰居經常幫襯嘅一間中菜館，今次同咗uncle / auntie去試，每樣菜嘅味道都好好，而且非常抵食。沙薑豬手豬手係凍食既頭盤，口感爽彈帶嚼勁，顏色雪白，配上自家製辣汁，非常惹味。紅燒BB鴿上菜時熱辣辣，鴿皮燒到好脆，肉質juicy嫩滑，超好味😋蘿白清湯腩煲牛腩同牛根份量多，炆得好淋，牛根好滑，充滿骨膠原，湯底清甜，蘿蔔吸收晒牛骨湯底精華。荷葉蒸鴛鴦雞一半係雞一半係田雞，用荷葉蒸，連埋雲耳紅棗等配料，肉質有少許荷葉香，亦好多汁，雞肉質感嫩滑。金沙涼瓜鹹蛋黃碎包住涼瓜炸，超級邪惡之選，蛋黃碎嘅鹹香味中和左涼瓜嘅苦味，很特別的配搭，但又好好食。好味醬烤骨上菜嘅時候係原隻烤骨上，上面放咗一塊大菠蘿，店家會先俾你影張相打卡，然後再幫你切開。烤骨用既係日本毛豬，用料上乘，肉炆得好淋，好味醬亦超級多，由於有菠蘿，味道帶少少酸少少咸，醬汁用嚟送飯一流。事頭婆炒麵即係平時食開嘅豉油王炒麵，老闆特登改咗一個好特別嘅名，成功吸引咗我哋嘅視線。炒麵炒得好有鑊氣，麵身爽彈，仲有好多芽菜，加埋店主提供嘅辣醬食，味道一流。金銀蛋莧菜配料有蛋白、皮蛋、肉碎等等，清湯底，一個比較清淡嘅菜，剛好中和返油膩既肉，完全冇味

舊同事聚餐. 相約酒樓稍覺行貨. 優質小菜館除可大飽口福外, 還可以無拘無束地高談闊論, 實在是上佳之選.椒鹽瀨尿蝦 (去殼 淨肉) -- 訓身推荐, 香口之餘啖啖肉, 必食!豉椒炒蜆 -- 隻隻有肉冇淨殼, 汁香味濃, 1分种冇晒.魚湯 白菜 -- 清, 爽, 甜. 點都要有d蔬菜平衡下.砵酒焗蠔 -- 巨蠔大大隻, boby入味夠creamy.事頭婆炒麵 -- 乾爽, 唔油, 味道剛剛好, 考牌之作.今次8個人, 8個送, 埋單位位$80. 個個嚇左一跳, 又翅又蠔又瀨尿蝦, 諗住舊幾先落到樓架麻. 去金豪, 最抵食係海鮮, 唔食海鮮唔抵去.

相信文章上版之日，阿火同太太已經到步，面對人生新一頁，衷心祝你兩有愉快既生活．從馬來西亞返港，知道阿火仍未上機，急急腳相約來一個踐行飯．地點當然由阿火發辦，而Mabel亦提出此店口碑不俗，就即call成局，四人佔了近門的火鍋檯，倒見闊落．Mabel二話不說，先指明要事頭婆炒麵（乜唔係豉油王炒麵咩？）原來全間店得事頭婆炒得最好．事頭婆炒麵：果然鑊氣夠，麵乾身又香口，唔覺油膩，至少食完隻碟都無乜油．比起東寶更好.啫啫雞雜：熱辣辣上檯，又係香口野，雞雜加左酒一齊炒，帶有絲絲酒味，雞腎又爽口又有咬口，雞肝嫩滑軟糯，再呷啖啤酒，一流．椒鹽鮮魷：真係估唔到漿粉可以做得咁薄，可以講大部份酒樓都做唔到，好野．椒鹽竹腸：有人提過係粉腸，都唔理得咁多，外脆內軟，又係一道好多地方食唔到既菜．椒鹽瀨尿蝦：事頭婆講笑話係懶人瀨尿蝦，因為全部已經起殼，每一條都係淨肉，真係名副其實’啖啖肉’，而且好多都帶膏，好香．梅菜蒸肉餅：阿嫂指定菜色，肉質唔多覺有太多師傅，個人覺得唔夠肥肉，有就仲正．響螺瑤柱燉雞腳瘦肉湯：湯色清澈但味香濃，入口順滑．薑汁炒芥蘭：好少出錯既菜，最重要係菜本身夠鮮嫩，至少呢點做到．埋單一人百五，以