靚靚 不一樣的車仔麵

好耐都無黎食靚靚啦，最近咁岩喺附近做完野，就過黎醫醫肚。靚靚其實一直都賣得唔平，不過勝在夠大份同好食，今次叫左三餸車仔麵，大腸、蓮藕同生菜，同埋加左五蚊要黑松露湯底；三餸一麵仲附送紅棗雪耳水一杯。- 九轉大腸 （另上的）味道依舊好食，好入味，酸酸甜甜唔過鹹，不過就唔夠軟稔，好有咬口，我就覺得如果再稔d爆汁d就更好食。- 麻芥青蓮藕（另上的）呢個係炸蓮藕再淋上胡麻醬，份量一流，一個人食其實好多。蓮藕係新鮮炸既，炸漿唔厚，熱辣辣，爽口唔粉既；胡麻醬亦好慷慨，夠點有突啦。鮮炸當然好食啦，加埋天下無敵既胡麻醬，呢個值得encore。- 黑松露湯底加五蚊就係加左個一小pat黑松露油囉，撈埋落碗麵度真係唔覺有味。…Read More

因為上次食過平價分子料理，所以就再次去品嘗一次分子料理同未食過嘅餸。俾大家睇睇個餐牌先，都好多選擇嫁。黑魚子醬提子包（$16）賣相依然粉嫩粉嫩的，好吸引！手機食先，甜甜嘅提子汁遇上鹹鹹嘅黑魚子，又甜又鹹！友人同我都覺得好有趣，好有創意，希望餐廳可以推出更多創意菜色。紅燒花膠扒（$18）係有豐富骨膠原嘅花膠喔，十幾廿蚊就有得食啦！味道不錯，又好入味，花膠質感好柔軟。花膠大約有3片到啦黑毛豬叉燒（$26）黑毛豬肉質偏硬較瘦，應該選擇半肥瘦叉燒會更好，不過叉燒的蜜蜂味濃郁，這點要加分！九轉大腸（$16）大腸用了新式醃製方法，味道較特別！凍腐竹薏米豆漿（$11）熱山渣洛神花茶（$8）兩款味道都較淡嘅飲品，相對之下我更喜歡豆漿喔店員好nice好熱情，又會主動同我地推介特色分子料理，充滿人情味！地方雖小，但五臟俱全，十分整潔。店員做事有效率又主動，要讚！…Read More

車仔麵店一定是頹食？此等觀念實在是太落後了。為求格新，草根得知這間位於尖沙咀的「靚靚不一樣的車仔麵」推出了一系列的分子料理食品。於Ig看到其中一款主打新品黑魚子醬提子包外型十分吸引草根姐妹便相約一同前往尋覓平民分子料理。星期六7時到達，餐廳幾乎全部滿座，當中不少是餐廳熟客，亦不乏來自中國大陸的遊客。雖然店員姨姨很快安排入座，但座位較狹窄，即使坐四人卡座都不太舒適。但不要緊，只要可以嚐到美食，這些小事我們都能忍受店員為我們遞上足足有兩頁全滿的點餐紙，選擇多得令人驚訝呢！首先必點的當然是新推出的分子料理系列。初榨魚露雞（$16）這個是新推出的菜式，最上層是泡泡，撥開泡泡後可以看到下層的魚露雞，雞件應該先經油炸後再加上魚露調味。一客有約4件雞，炸雞肉質頗嫰但味道較鹹。分子料理部分應該是指上面的帶鹹味的泡泡，但其實對味道的作用不大，說是分子料理似乎有點牽強呢。黑魚子醬提子包（$16）另一個店員姨姨極力推薦的新菜式賣相的確十分吸睛，可算是當晚的重點$16一件不便宜呢！不過外表的確十分吸引，極像一顆晶瑩的提子。外層的薄膜包著大量提子汁，一口咬破後，提子汁的甜味馬上湧入口腔，接著黑魚子的鹹味亦緊隨其後地湧現，兩鼓味道帶來有趣的衝擊，的確有新意！味道其實也不錯，值得一試！聽說還會推出兩款新口味呢！黑松露阿布素意大利麵（$23）不竟今次到訪的是車仔麵店，還是要點上一碗麵食才不枉此行。發現靚靚這間港式車仔麵店竟然可以揀選意大利麵，有趣！湯底也可以從五款中自選一款，草根選了黑松露湯底。意大利麵煮得剛剛好，麵條不會煮得過火，保持應有的口感，做得比不少西餐廳更好黑松露雖然只有上面一小匙的份量，但味道濃郁，不錯由於餐廳餸菜的選擇實在太多，為了多試幾款餸，所以點了一碗淨餸車仔麵及幾款小食。選擇雖多，但味道與一般車仔麵出品相若，讓我們點評一下比較特色的小食吧!紅燒花膠扒 ($18): 車仔麵店竟然有得選擇花膠份量還算不少，質感滑溜，味道不錯!鹿兒島豬軟骨（$16）:份量不少，豬軟骨有大約6-7件，每件的體積都很大很多肉。幸好肉質煮得軟腍入味，充滿膠質。同時，還伴有紅蘿蔔，醬汁有點像紅酒炆牛尾的味道，好吃無誤！黑毛豬叉燒 ($26/1串): 草根勁中意食叉燒。這碟是2串份量，重蜜糖味，可惜部份叉燒肉質較硬，不知是否一時失手，整體沒有之前大家的評論般好。九轉大腸 ($16): 草根不吃內臟，不過同行的父母說味道還算不錯。金菇菜（$8)紫菜 ($9)牛筋腩 ($17)：份量很多，有筋有肉，肉質軟腍，味道濃郁，好好吃高級墨魚丸 ($12/3粒): 只有3粒感覺貴了點，而且不特別好吃。金蒜肉腸 ($12): 就是平日小食店的台灣腸，重口味之選。鮮蝦雲吞（$14/3粒): 味道一般，餡料太少。:(到最後當然要點上餐飲了，叫一碗麵食送餐飲一杯，草根姐姐選了熱山渣洛神花茶，味道不錯。在場很多食客都點選這款飲料呢，看來是餐廳的得意之作。家人也各自點了一款飲料。凍腐竹薏米豆漿（$22）草根妹妹最愛豆漿，可惜此處的味道豆漿偏淡，失望啊。凍山渣洛神花茶 ($22)凍洛神花茶好淡味，反而叫了杯熱的好飲多了，帶點酸味很開胃。餐廳在旺區尖沙咀，加上附近有不少酒店，故人流不絕。為免有其他食客久侯，草根用完餐後也沖沖離開。食物整體不過不失，不過勝在選擇多，店內同時提供街邊小吃、車仔麵及各式小食。新出的分子料理以黑魚子醬提子包最為驚喜，這一餐我們一行4人吃了$392，想不到吃車仔麵都不便宜呢!…Read More

忙完一輪之後同兩個同事收工一齊去咗尖東行下街傾下偈, 分享下工作上嘅心得, 但其實我哋已經十分之肚餓見到有間車仔麵舖, 我哋一行三人都異口同聲地話要入去食! 其實我唔會覺得奇怪點解我哋一見到車仔麵餐廳好就會想入去, 因為車仔麵係香港嚟講, 係一個十分之典型嘅餐飲模式, 絕大部份嘅香港人都會鍾意食! 同埋我其中一位同事佢係食齋嘅, 我哋要搵返一啲地方可以畀佢食到齋菜, 車仔麵可以講話係恰到好處, 自己點自己想食嘅嘢又可以坐埋一齊傾偈! 當我哋坐低嘅時候, 見到餐廳嘅牆上有個牌寫住靚靚先生的承諾, 其實見到嘅時候都覺得有啲驚訝, 點解車仔麵啲咁地道嘅舖頭可以做到咁專業!佢嘅承諾內容係咁嘅, 第一佢哋依度嘅食物係唔加味精, 第二就係佢哋已經用咗3m過濾器去過濾佢哋用嘅食水, 第三佢哋承諾,佢哋用嘅油係會日日更換嘅而食油係選用加拿大嘅芥花籽油, 而第四就係佢哋係選用一啲冇公害嘅蔬菜! 望到個咁嘅牌, 有啲令我聯想到大公司裏面嗰啲customer service charter! 感覺真係好專業! 因為大家都好肚餓所以叫咗好多嘢食!因為今次我哋叫得太多嘢食, 我想同大家分享我認為今次用餐最精彩嘅部分, 以下呢就係我今次用餐內容嘅 highlight!我叫咗嘅車仔麵!:)我今次點左嘅車仔麵係用左油麵, 加酸麻辣湯底, 佢哋用嘅油麵, 十分之爽口, 而 麻辣湯底唔會太辣或者太麻, 但有少少辣味, 好適合一啲唔係咁食得辣嘅朋友!紫菜 $9我想提一提大家叫車仔麵嘅時候, 可以叫紫菜,紫菜擺落湯底裏面, 紫菜會索咗啲湯, 湯嘅味道會入咗啲紫菜, 口感爽口, 又有味道, 感覺好正!鮮蝦雲吞 $16呢一度嘅鮮蝦雲吞,皮唔會太林亦都唔會太厚, 個雲吞都算係落足料,入口嘅時候可以清楚地感覺得到鮮蝦帶嚟嘅爽口口感! 海南切雞$13佢哋依度嘅海南切雞, 雞肉嘅肉質鮮甜, 雞皮幾厚下, 我好鍾意食佢個雞皮我覺得好滑口!麻辣咖哩魚蛋 $10咖哩魚蛋煙韌彈牙! 食落口唔會有啲好粉嘅感覺, 同埋擺喺湯底都唔會發脹! 但其實佢唔太辣, 我諗大部分嘅人就算唔食辣都食得入口!金蒜肉腸 $12呢一個香腸蒜頭嘅味道都幾明顯下,味道真係有啲似台灣街邊嗰啲香腸! 入口嗰下;個口咁好豐滿, 一條香腸切開一半, 一個份量係啱啱好, 我覺得如果食得太多嘅話會好容易飽!:)九轉大腸 $16呢度嘅豬大腸做得唔錯, 大腸洗得幾乾淨下, 冇大腸嘅臭味, 入口彈牙, 容易咀嚼, 食完之後冇話有啲殘渣要吐返出嚟, 鍾意食大腸嘅朋友可以一試!口水雞中翼 $16佢哋依度嘅口水雞中翼, 唔會太辣, 口味大眾化, 唔食辣嘅朋友都可以食得落! 雞翼本身幾滑口冇雪藏味!九轉茄子肉$13 呢一個茄仔佢哋做得十分之好, 茄子冇做得太淋, 有少少油, 但入口嘅時候唔會覺得佢太油膩, 而且保持到茄子嘅香味!順帶一提, 喺依度食嘢如果你個車仔麵 係叫咗三個餸或者以上, 餐廳係會奉送飲品嘅, 有兩款飲品可以畀你揀,山楂洛神花或冬瓜薏米茶, 我自己就揀咗山楂洛神花, 杯嘢飲感覺唔錯,口感清甜帶有山楂未, 唔會好似飲汽水咁甜或者飲到肚脹, 好適合食車仔麵嘅時候飲!對於素食人士黎講,依間車仔麵仍然有好多選擇。甜酸齋口感脆得黎唔會過甜過酸, 剛剛好, 上面有爆爆珠配搭起來味道好得意。青椒皮蛋青椒味不大, 不過皮蛋軟滑, 所以仍然值得一叫。假如平時食得比較清淡怕太多調味料, 可以叫姬松茸, 香料炒過後, 淡淡菇味但係唔會太油膩.今次用餐經驗十分之唔錯第一次食到咁專業嘅車仔麵, 餐廳嘅地理優越, 係尖東嘅地舖.行過尖東,應該唔會睇唔到, 餐廳嘅人服務有禮貌,出餐速度都十分之快,唔會要啲客喺度等! 我好享受我叫咗嘅油麵同埋麻辣湯底, 小食亦十分之精緻好食, 行開尖東如果想食車仔麵嘅話, 我諗我會再來呢一間舖!今次用餐三個人食咗412蚊…Read More

車仔麵，又稱嗱渣麵，香港地道飲食文化核心之一，相信大部分人都不會反對吧？！車仔麵的由來，應該是以前的熟食小販在街頭推着木頭車，販賣著熱辣辣的湯麵而得名的，當時佐麵的餸菜不外乎牛腩碎、豬皮、豬紅、齋、魚蛋及青菜，任君配搭，價錢亦相宜，所以成為學生或打工仔的日常美食選擇之一。隨着時代的變遷，以前街頭巷尾的熟食小販已被法例所禁止，而大多數已入舖繼續經營，麵食餸菜也變得多元化，汰弱留强下亦有很多已打出名堂，如西灣河的超級無敵多餸，銅鑼灣的勁辣醬，灣仔的原味靚湯等，而最近有一位在尖沙咀一帶搵食的朋友就介紹筆者試了一間不一樣的嗱渣麵。這間車仔麵位處近尖東一帶，是去紅隧口搭隧巴的必經之路，但平時筆者經過多數只是篤串魚蛋，食串燒賣，還記得以前最喜歡食那裡的鹵水生腸，生腸串得密密麻麻份量頗多，放入鹵水汁略略淥一下才端上來，熱熱的爽脆入味！但就從未試過入內食車仔麵，想不到今次反而是由朋友帶路來獻出第一次......店内環境較狹窄，座位亦不算多，但尚算整潔，比起一般的地道街坊車仔檔已好多了，打開餐牌望望，真的讓筆者大開眼界，點餸紙足有四十多款餸菜，除了一般的魚蛋豬皮外，想不到連花膠扒、姬松茸、海南雞、豬軟骨、黑毛豬叉燒和黑松露煎蛋都有得揀，全部十多元有交易，就連麵食也有多達十款選擇，湯底亦有六款之多，不看環境還會以為去了什麼大餐廳用饍，筆者見到這麼多誘惑，價錢又不太高，劃下劃下不知不覺點到成枱都是餸，自己也覺誇張尷尬，唯有盡力吃清不浪費啦。餸菜一一的端上來，筆者很欣賞店家的貼心，車仔餸大部分都是以小碟分開上枱，不會大雜燴般全放在湯麵中，讓客人能嚐到每樣菜式的真味。紅燒花膠扒，花膠扒剪成3件上碟，大大塊很有睇頭，咬落煙韌入味 ，膠質滿滿，$18件實在是超值，食完很有幸福感。 黑松露煎蛋，煎得圓圓半熟的太陽蛋放上黑松露醬，雖然做法簡單，口感卻異常嫩滑，黑松露醬份量頗足，那獨特的香氣撞上蛋黃的濃厚，滿腔馥郁，實在是最佳配搭。黑毛豬叉燒，外觀燒得焦香，雖不是傳統的半肥瘦模樣，望落肉質有點偏瘦，但其實入口肉汁充盈，肉味香濃，口感鬆化，甜蜜入味，很有驚喜。鹿兒島豬軟骨，豬軟骨炆得軟腍入味，咬落感覺入口即溶，醬汁帶點果香很濃郁，少許酸甜的味道幫助減去了點點油膩感，好味。九轉大腸，做法頗複雜的一道功夫菜，大腸一層一層穿起，經水煮熟油炸至乾身，最後調味炆至軟身，而這店做的算是簡化版，口感沒有傳统的煙韌實在，但勝在調味巧手，入口沒有羶味，醬香濃厚， 仍算不錯。墨魚煎餅質感QQ， 墨魚味香濃，脆香可口，但略欠彈牙口感。海南切雞，份量不少，皮爽鮮香，略欠軟滑，但配上酸辣醬汁仍相當惹味，性價比高。串炸豬大腸經滷過炸脆，皮酥香口，唯略欠脂香。口水雞中翼，麻辣醬濃中帶甜，灑上芝麻後入口麻辣爽香，味道不錯。九轉茄子肉，蒸軟了的茄子拌上自家調製醬汁，濃中有清。汁燒姬松茸，鮮味十足，爽脆軟滑。 提到車仔麵，又怎可不介紹一下麵食呢，筆者點了外邊麵檔少有的極品手打烏冬，想不到一點都不是交行貨，烏冬入口軟滑彈牙，配上牛腩汁湯，惹味濃香，確是粗幼麵河粉外的另一好選擇。想不到在這店吃車仔麵，竟帶來如此意想不到的驚喜，在街頭麵食中加入了高檔食材的新元素，收費亦十分合理，而小店更特別地表明絶不使用味精，只求食物原味，作為對食客的承諾，可見店主除了大膽創新外，還有那份對食物質素的執著，如此有誠意的車仔麵小店，難怪能在尖東這競爭激烈的地段屹立這麼多個年頭，朋友仔這次的好介紹，果然真是不一樣啊！…Read More

今天老婆仔下午不用工作天氣不太穩定的星期三我們想到了去科學館遊覽一下就前往了尖東區參觀前先吃個午餐我們都很肚餓但最近支出有點大要選擇經濟的餐廳上網搜尋後發現這間車仔麵獲得不少好評雖然說是不一樣的車仔麵但應該也不會太高消費吧所以就跟老婆仔說讓她任意點菜我們來到時已經剛剛過了繁忙時間所以不是太多人這裡的菜式果然真的經濟價錢所以非常肚餓的我們都放肆地點菜即管試一試有什麼不一樣我們主要是叫兩碗麵另外再加小食分別點了一碗19元的酸辣湯底米線以及一碗24元的清湯手打烏冬老婆仔表示這個酸辣湯底很不錯酸辣度適中不會太辣但又夠味簡簡單單卻很不錯而手打烏冬吃得出是高質素的烏冬非常彈牙又沒有烏冬那種微酸味想不到這小小車仔麵店也用上高級的食材接下來是小食先有15元的鹿兒島豬軟骨大約有3件醬汁很濃味很配合豬軟骨重點是豬軟骨的骨很不錯軟骨真的很軟感受到那種骨膠原感覺再來是15元的九轉大腸在網上看到這個非常值得一試所以我們也特意點來試試這個醬汁也很不錯也很濃味豬大腸感覺也很乾淨果然是值得推介不過略嫌豬大腸不夠香只靠醬汁提味這個22元的燒土匪雞球土匪味很濃燒得很香單靠這香味已經滿分了是我最欣賞的菜式之一15元的口中雞中翼不太能感覺到應有的辣味感覺普通了點但也看得出很貼心的幫我們剪開雞翼不錯的服務再來是15元的墨魚煎餅店員表示這是手製墨魚煎餅是親自用新鮮墨魚打成的吃起來果然真的很彈牙吃到非常新鮮的墨魚味只有四件感覺不太夠真的想另外再點一碟同樣是很值得推介的菜式之後是12元的北海道南瓜同樣製作得不錯很甜的南瓜不太愛吃南瓜的老婆仔不太欣賞但我卻覺得很美味11元的青椒皮蛋皮蛋份量不太多不過也有應有的皮蛋味雖然有點普通不過以這價錢已算是很不錯13元的黑松露煎蛋是很特別的菜式沒想到在這種車仔麵店也吃到黑松露蛋也製作得很滑很有高級西餐廳的水準黑松露份量也毫不吝惜以這價錢來說真的非常超值最後還有11元的熱腐竹薏米豆漿作為飲品腐竹薏米味很濃加上豆漿的豆香和香滑很有幸福的感覺老婆仔很喜歡我們都爭著吃不過這種適合女生的飲品我還是讓給她喝吧沒想到這一間車仔麵店竟有這麼多特別的食物加上在這下午茶時間意外的悠閒果然是很不一樣的車仔麵…Read More