埠

午飯時間同幾個朋友一齊由觀塘碼頭坐船到對面嘅西灣河碼頭，餐廳坐落碼頭旁邊，環境清幽，恍如一次旅行。我哋坐窗口嘅位置，見到旁邊嘅船喺度郁，自己都好似喺船上邊食嘢咁.午餐由百幾蚊至到三百幾嘅套餐，叫咗一個松葉蟹烏冬· 火炙左口群邊丼，烏冬一般，但火炙左口群邊丼好食，火炙完的魚油配上蔥及薑碎，香口滋味，賣相亦靚。朋友叫咗串燒套餐，有驚喜。…查看更多

話說上次嚟食既時候已經訂定今次既對海位置. 帶住愉快既心情嚟享受我既周末午餐雖然間鋪唔大. 而對海既位置亦唔算闊落. 但係呢個疫情灰灰既日子. 已經算係好好既get away.  由於間鋪同小輪碼頭相連.  所以不時會見到D唔好既小輪出現. 算係係呢間餐廳食野既一大特色. 但可能有時你要忍受濃濃既機油味囉. 不過都扺既由於上次嚟食過既串燒唔錯. 所以今日我地兩個都主攻串燒SET. 叫咗一個串燒定食同燒鳥丼.  基本上肉既串燒都無重複. 所以大家可以開心SHARE串燒都係樣樣出色. 好快就比我地掃哂.  而可能對住個海心情都好既關係,  差唔多食完個SET又心絲絲咁再ORDER佢其他野.  個甲羅燒拼松葉蟹飯團唔錯. 燒得好香口.  結果兩個人食咗差唔多成千蚊出嚟. 雖然唔平. 但絶對好食,  重有得對住個海tim, 扺返啦. 一定會再返嚟食過…查看更多

跑步經過呢間鋪 (因為又無窗,  又關哂門, 所以都唔知佢係食乜既).  成日都諗係咩嚟架呢?  咁細間, 又無乜見人出嚟. 點知係OPENRICE 揾下, 都幾多好評架喎. 只係之前佢星期日又唔開, 我星期六又通常唔得閒. 所以一直都未試過. 今日終於有機會試下. 一開門, 就比佢個海境吸引住. 原來入面已經坐咗幾枱人. 由於我地無訂枱 (以為無人架嘛 ). 只係得返BAR枱可以坐. LUNCH價錢唔算平. 見佢出名食串燒. 當然就叫個串定食試下啦. 而老公就揀咗鰻魚釜飯三食由於坐BAR枱. 可以對住師傅睇住佢燒. 見佢件件都好細心去燒. 期待徝即時上升, 而肚就更加餓...先嚟我既串燒定食. 師傅係你面前即燒. 架下面重有熱石幫你暖住D串燒. 好貼心. 介紹返我覺得最好食既三樣, 美國牛肉串,  肉質好好, 好淋, 無渣.  一下就比我食哂日本絹豆腐, 呢個又係驚喜, 豆腐燒到個面脆卜卜. 但入面重係滑嘟嘟. 再加上佢豆腐面搽咗汁去燒. 真係好好食. 點解得一串咁少架. 墨魚香腸, 又係出色之作. 睇到一粒粒墨魚好實在同佢個燒汁亦好夾. 只可惜一串得3小粒. 兩啖既無.  其餘既串燒都OK既. 只係都係見慣既款式就唔特別介紹啦. 到我老公既鰻魚釜飯.  我老公話好食既. 我睇D魚個樣都唔錯(因為我麻麻地鰻魚). 所以就唔多評價啦. 重有跟既茶碗蒸同甜品結論係,  食物真係唔錯. 尤其是串燒, 真係會食到心心眼. 但由於鋪面細, 所以想嚟既最好都係打嚟訂定位安全D. 可以既話記得訂對海嗰2-3張枱. 應該會係假日一個唔錯既放鬆好地方. …查看更多

好耐都無係週末出走啦😢身為港島人嘅我，今日一於近近地去西灣河海旁嘆個brunch啦！鯉景灣soho區其實有好多五花八門嘅餐廳，今日就揀咗呢間係碼頭隔嚟嘅餐廳！我地11點幾就到咗，身為第一枱客，餐廳安排咗窗口位俾我地，真係非常之靠近個海呀！對住個海食飯都梳芙啲☺️呢道嘅雞泡魚乾燒得唔會好硬同乾，而且剪到幼身一條條，我同朋友食完一條又一條，簡直係停唔到口呀😋串燒定食非常豐富，有雞翼、豚肉露荀卷、美國牛肉、冬菇、日本絹豆腐、墨魚香腸、車厘茄、日本蕃薯肉類都唔會燒得太熟，恰到好處👍🏻牛肉半生熟，雞翼攤開嚟燒，兩邊燒得均勻，唔會一邊好熟。另外，最貼心嘅係底下有熱石助熱啲串燒，即使係同朋友傾住計食都唔怕凍曬！左口魚裙邊丼同松葉蟹貴精不貴多，令人食過翻尋味😋最後送上一口泡芙，為呢餐劃上一個美滿句號☺️…查看更多

男朋友有次同個friend食飯黎左呢個埠，之後畀佢力讚，咁我就襯星期六捉佢黎再食，哈哈。呢個Soho East熱鬧得黎又唔會過多人，行得好舒服。😌原來埠係最出最近碼頭既一間餐廳，好特別! 外面睇以為好高級，似係好貴咁，原來價錢都好親民。但佢裝修都一絲不苛，深木色的主調配返深紅/啡色磚，唔知點解令我諗起老人與海😅😂一入到去覺得好舒服，⚓️因為有全海景，仲有個小陽台咁。就咁望以為自己係遊輪上咁，🛳好寫意。男友都大讚個view，話上次晚上黎就浪漫D，白天黎睇得清楚D，有另一番風味。Lunch set都好多選擇，有串燒set 都有海鮮或烏冬set。因為男友上次黎過之後大讚啲串燒好食，所以我諗都唔駛諗就揀左串燒🍢🍡🍢🍡定食。佢就揀左安格斯牛排🥩定食。先黎左個沙津🥗同前菜，沙津既菜凍凍地好感唔錯，不過男友就話汁多左少少，否則會更好。我覺得都唔錯，酸酸地既醋幾開胃。不過個漬物前菜🍢相比下係更出色既：豆腐同蘿蔔既調味好好，材料都新鮮，男友話蘿蔔冇渣冇筋用料好，又唔苦，好食。定食一黎到我都嘩😱😍左一聲，先睇賣相已經滿分💯👏🏼串燒定食入面菜同肉既比例好好，而且佢好有心思去揀唔同顏色既菜，所有串燒一齊放喺個有熱石既架上面保一保溫。串燒蔬菜🥬有蕃茄、蕃薯🍠、冬菇、豆腐同用豬肉包住既筍; 咁就會見到有好多唔同既顏色🍡😍肉方面就有咩豬牛雞🐷🐮🐥，睇得出廚師揀菜揀肉都係有心思地去做。而且燒的時間都安排得好，每樣串燒都串得火候剛剛好，所以佢係刻意排好哂燒既次序。有心思，而且好好食！當中我覺得燒豆腐同燒雞翼最好味，豆腐個汁好香好甜，而個雞翼係乾燒，皮好脆好香但入面既肉仲好鮮🐥🤤男友既安格斯之後都黎埋，又係用一個有鐵板既架上，賣相好一流！👏🏼🤤牛排上面有紅花絲同蔥花，再一次睇到廚師對顏色既用心，希望色香味俱全！但我最欣賞係佢牛排🥩下面放左一埋炸薯絲做底，就好似人地食牛扒配薯菜咁🥳牛扒熱到外脆但個心就好嫩，因為我個串燒set入面都有一串安格斯牛串；但如果叫牛扒的話，牛既口感會更香而有𡁻勁🤤配飯食固然好食，但配埋佢墊底既炸薯絲口應戴係好好👏🏼兩個定食都配飯同味噌湯，湯既味道都好夠味又唔會太重。臨尾再有個小甜品，賣相好精緻既puff，加返一點甜味，呢個weekend lunch我好滿意😌…查看更多

西灣河有唔少景點適合一家大細黎參觀，例如電影資料館同埋滅火輪。今日同屋企人得閒黎到依度，決定喂飽個肚先展開旅程~依間專打日式串燒嘅鋪頭位於西灣河碼頭，有少少隱秘，但係勝在有一份寧靜感。窗外仲有無敵大海景，對住觀塘個邊嘅碼頭，客人仲可以出去露台吹吹風打下卡，非常有情調。午市套餐有9款，價錢大約係$100-200，附送前菜、沙律、味憎湯、甜品。串燒定食($228)，係依度一定要試下佢嘅串燒，依次係安格斯牛肉、雞翼、豚肉露荀卷、日本豆腐、墨魚香腸、冬菇、車里茄、日本蕃薯。每款串燒都燒得剛剛好。一定要贊佢嘅牛肉，非常清甜。第一次食墨魚香腸，煙煙韌韌，墨魚味好香。豚肉露荀卷製作好精緻，香脆嘅豚肉片加埋爽口嘅露荀，令到口感升華。鐵板美國安格斯牛扒10安士($238)，上菜時已經聞到香噴噴嘅牛扒味，肉身有15mm咁厚。牛扒唔會燒得過熟，仲保留到佢嘅鮮甜味，軟得黎又帶點煙韌。上面灑上炸蒜片，下面係炸薯仔絲。講番前菜同沙律先。前菜係關東煮入面嘅3款小食，而沙律非常新鮮開胃。依度嘅味憎湯係我飲過嘅味憎湯入面最好味，用料豐富，見得到有唔少海苔同豆腐，味道濃郁，唔會得個咸字~甜品係泡芙，入面係超凍嘅cream，估唔到連甜品都咁好食，好滿足~…查看更多

星期六下午去海馬公園，所以午餐就過咗去筲箕灣搵食。之前已經搵左呢間埠，見佢啲lunch set同串燒都好好食咁樣，今日終於都有機會試到。經理好好咁安排左我哋坐埋窗邊，可以望住過海景食野，個人嘅心情都特別舒暢。自己本身好鍾意食鰻魚，所以就叫左呢度嘅鰻魚釜飯三食，而女朋友就是叫咗一個串燒定食，貪佢乜都有啲可以試到多啲唔同嘅嘢。鰻魚魚肉細緻，油脂適中，不會太乾身，魚皮微微焦香，入口即溶，美味非常。話明鰻魚三食，除咗配上原有鰻魚燒汁一食外，亦都可以加上芝麻、香蔥同紫菜，配合少少wasabi ，呢個配搭有意想不到嘅清新。第三食就係再加上熱湯，令到你即使慢慢食，食到最尾都可以有熱辣辣嘅感覺。三種食法各有風味，每一種食法都刺激你的味蕾，絕對可以帶到俾你驚喜。最後食埋個忌廉泡芙，咁就完美啦。…查看更多

Wohoo~終於到星期六🙌🏻天色昏暗，今日公司包場去海馬公園，由於3點後先入得場，我就提議先去鯉景灣個邊chill住嘆brunch😺兩口子拍拖梗係要花d心思搵新餐廳食下啦😻餐廳好特別，隱身係西灣河碼頭，侍應好好咁為我地安排左近窗嘅位置，悠閒地望海非常寫意👻隨餐嘅前菜同沙律一啲都唔馬虎，日式醃漬前菜有淡淡嘅海水味，沙律菜好fresh，配埋醋汁同蕃茄仔，十分醒胃經過一輪揀選，我地決定叫唔同嘅set交換食😗因爲每一樣都好吸引🤫 首先介紹左男朋友個份鰻魚釜飯三食先🌟🌟鰻魚入口肥美甘香，外皮略脆，內裡嘅油脂配埋醬汁唔肥膩之餘，更能帶岀食材新鮮同師傅嘅功架👍🏻 上菜時，侍應好細心咁介紹左”三食”嘅食法，當中茶漬係我最like, 茶香滲透每顆飯粒，作為茶控表示很滿足😍我set串燒定食又係無得輸！雖然係個餐預設左無得揀，但偏食嘅我竟然每一串都鍾意食🤗當中最特別岀面食唔到既墨魚香腸真係好有驚喜🤤墨魚粒有咬口，爽脆口感好似食梗雞軟骨咁👍🏻原來個presentation都有玄機，裡面嘅熱石係用黎令串燒保持熱度嘅！日本嘅細心竟然係香港體驗到，天呀~~好掛住日本呀🗻日本絹豆腐，其香脆外皮咬落去竟然係軟滑嘅豆腐，醬汁無蓋過豆香味，Yummy!!👻安格斯牛肉粒燒得火喉啱啱好，好有牛味🤩甜品係日式泡芙，忌廉醬香滑柔軟，唔會過甜，連對甜點一般嘅男朋友都話Like!🌻呢間餐廳無論食物質素、環境舒適度都係零死角🤤平心而論，以呢個價錢可以望住個海，食如此高質素嘅日本菜，真係分分鐘係日本都搵唔到咁高質嘅選擇🔮…查看更多