紙飛機親子空間

營業中

休息中

冇得去旅行，唯有留港遊玩。我第一次黎啟德郵輪碼頭做遊客。我同阿囝首先搭港鐵去九龍灣站，然後行十分鐘去搭22號巴士去到郵輪碼頭。巴士路程短，不過半個鐘先有一班，等死人。去到郵輪碼頭B區搭lift上R層，風景好靚。行去西面盡頭發現有一間親子餐廳。橫掂有d餓，就同阿囝去玩返陣。原來一日分左幾個入場時段，星期六及假期每個時段兩個鐘，小童入場費$198，成人最低消費每人$100。入場細路除鞋先，大人就換拖鞋。入面唔算大，但係遊戲區有好幾個，煮飯仔，BB區，裝扮區，圖書區，小型滑梯區，Lego區，彈床仔，車仔區，木造沙池等等都有得玩。我個囝滿場飛，玩過唔停。中間範圍就係用餐區，唔算空曠，但係都唔覺焗。今日周六下午兩點半時段入場，居然全場滿座咁滯。講下大人concern既食物啦。呢間cafe居然係主打淮揚菜，而唔係西餐。食品選擇有前菜，湯，主菜，飯麫同甜品等。創意牛柳年糕 $128+10％想知佢幾有創意，就叫黎試下先。原來係將牛柳同年糕切粒，再加入粒粒蒜芯一齊炒。牛柳粒都幾嫩同入味，同d煙煙韌韌既年糕粒加上脆脆地既蒜芯粒一齊食，幾特別既口感同味道。如果怕油就可能要留意下，因為炒年糕好難少油。上湯鮮茄

呢日見天氣好(熱)，就去咗啟德郵輪碼頭(偽)郊遊，但毫無準備嘅我哋兩手空空去到，又勁肚餓，所以即刻搵嘢食。依一刻我哋先發覺原來呢到咁大，但都係得一間餐廳有開😅😅😅。餐廳個名一睇就知係親子餐廳，成人收費每位$100都唔平。不過一睇餐牌就知道要消費至呢個金額，係完全無難度哈哈...。比較估唔到嘅係餐廳主打中菜😱，因為始終做小朋友市場嘛，雞翼薯條可能會適合啲(小新講嘅)？餐牌好得意，係可以摺埋嘅，襯返餐廳個名😄。拼盤A($88)有四小碟，包括養生小木耳、甜蜜蜜南瓜、靈隱尋味素鵝同生果盤。味道唔錯嘅，不過好似無肉食🙈。而家寫先發現餐廳係咪畀漏咗份香辣口水雞我哋...，定係換咗做生果盤呢？上湯鮮茄有機豆苗($88)，叫呢個係因為見隔離枱食，好過癮咁。造型幾靚、幾可愛😍，店員仲畀咗把剪刀✂️我哋剪開個蕃茄🍅嚟食。但我唔太鍾意食豆苗，因為草青味比較重。創意牛柳年糕($128)，Wow呢碟個賣相都幾吸引，但如果唔係自己點菜，真係睇唔出呢碟係乜嚟🤣。佢有別於平日嘅炒年糕，因為年糕被切成細細粒，好有創意。呢碟真係幾好食，因為炒得夠香口，又有鑊氣。不過如果🐮牛肉大粒啲會更佳，而家唔係好夠喉。以親子餐廳來説，食

呢間紙飛機親子餐廳初初開張嘅時候個個星期都爆場，完全訂唔到位，所以我一直都未試過。最近因為多咗時間留喺屋企，就帶埋小朋友嚟玩吓。入面嘅玩具都好精緻，有好多唔同款式，無論男孩子定女孩子，一歲定七歲，都有嘢啱玩。加上佢有好多木材嘅元素，感覺好簡約好舒服。餐廳打理得非常乾淨，我肉眼真係睇唔到有污糟嘅位置，在疫情下令我相當之有信心！呢個沙池我尤其欣賞，因為其實佢係一啲細細粒嘅木珠所造成，安全得嚟又唔會整污糟。呢個親子閱讀空間我覺得真係可以坐半日。講返啲食物，自從有小朋友之後，其實我都去過好多唔同嘅親子餐廳，出面親子餐廳嘅食物通常都係一般嘅小食意粉之類，不過見到介紹話呢度係食江浙菜，我就已經好好奇呢度唔知食咩嘅呢！呢個前菜有四小碟，分別係木耳、南瓜、口水雞同埋素鵝，一食就覺得好驚喜，因為冇諗過去到親子餐廳，竟然可以食到好似小X國咁嘅水準！ 另外仲叫咗個牛柳年糕，呢個年糕好得意，唔係平時見開嗰啲年糕，而係好似骰仔咁細粒嘅年糕，加埋佢個醬汁好好味又唔覺溜。然後仲叫咗一個蕃茄豆苗，店員一捧上枱我即刻嘩一聲，因為成個賣相真係好吸睛，首先係有綠色嘅豆苗，加上一個去咗皮嘅蕃茄，中間挖空咗再釀入本菇，雖然係

疫情咁耐小朋友日日都吽係屋企，就嚟悶到生菇。終於今日帶咗女女去親子餐廳放吓電，餐廳乾淨企理，所以都好放心帶阿女去玩！.一入門口就要除鞋探熱消毒手，然後阿女就衝咗去play area頭也不回了。餐廳嘅play area都算大，分咗幾個區，有俾嬰幼兒玩嘅地墊區、有男孩子嘅工具區、亦有女仔最愛嘅煮飯仔區，仲有一堆裝扮服飾去扮鬼扮馬；木粒製成的沙池好適合我個潔癖女女玩。玩具設施種類都算好多。當晚我哋人唔多，有好充足空間去玩。.餐廳特色係食中式私房菜，食品水平都幾高，推介陳皮紅燒獅子頭($138)，外表平平無奇一粒肉丸咁，但一咬開內裡係好香嘅豬肥膏香氣，脂肪同肉的比例調較得剛好。前菜拼盤A($88)每樣細細碟，但都幾開胃，推介個香辣口水雞，調味用料好足，麻辣香味好濃，不過份量只有4小嚿。仲有個靈感尋味素鵝都好味，甜甜地又有少少滷水味，小朋友好鍾意食。上湯鮮茄有機豆苗($88)豆苗煮得剛好唔會太淋，又唔會有草青味，配合埋女女最鍾意嘅香菇，原隻蕃茄加埋上湯好適合小朋友食，味道清清哋無味精，好食！.值得一讚係啲餐廳細微做得好好，鮮茄豆苗上檯後侍應會遞上剪刀俾你剪開原個蕃茄；小朋友餐具及high cha