翡翠拉麵小籠包

翡翠小籠包我食過n次啦，最記得第一次十年前係機場食，果時我覺得佢嘅小籠包真係無敵，係爆好食！隨住越黎越多上海食肆開店，依家嘅翡翠小籠包已經冇以前咁旺場，不過佢咁多分店，有時為求方便唔想諗食咩都會幫襯涼拌海蜇每條都好肥美，爽口，可能因為佢哋推行少鹽少油，略嫌味道淡左d花雕醉雞雞肉好濃酒香味，可惜肉質比較霉炸銀絲卷似炸饅頭多d，沒有絲毫油膩感，但個人比較喜歡外皮炸得再香脆d上海小籠包曾經係我心目中第一位嘅小籠包，雖然而家食都好食，但冇咗以前果種驚艷感，皮應該冇以前做得咁薄，但佢嘅湯汁依然好鮮甜好味雞火炒飯望落平平無奇，食落又幾香口喎，飯粒炒得夠乾身，加上少少鹹雞粒，好食韭王炒鱔糊依碟同行有三個人都覺得麻麻，一個覺得好食。同行三個人包括我都中意稍稍炸過嘅鱔肉，呢碟應該就冇啦，有少許滑潺潺我係唔食皮蛋咖，今次係我首次食呢味菜，冇皮蛋陣怪味，唔知對食皮蛋嘅人是好是壞，對我黎講就好好食，有好多鹹蛋粒，菠菜好夠味，惹味道啱啱好，全晚最好食就係呢碟…查看更多

右上 : 酸辣湯拉麵 ($65)左上 : 四川擔擔拉麵 ($60)下 : 鎮江肴肉 ($63)又想飲酸辣湯，又想食麵，酸辣湯拉麵真係一個非常好嘅選擇，分量好足夠四川擔擔拉麵，聽講都好香第一次食鎮江肴肉，因為無比較，唔知點先叫好好好好食，不過第一次食，都覺得不錯鎮江肴肉 ($63)上海小籠包 ($40)雖然唔算平，但每次都會食，每個小籠包入面都有好多湯，好味豆沙鍋餅 ($50)外皮脆脆，豆沙甜度適中如果大家食得落甜品而又未食過，可以一試…查看更多

每次想食上海菜，想食小籠包都會嚟呢度因為唔洗點等位，價錢又合理花雕醉雞花雕味真係好重，食完感覺到有少少醉意雞肉好嫩滑，可惜食到底時，雞肉有點苦，可能係浸得太耐京蔥爆牛肉食得出好有鑊氣！真係好惹味！最期待既小籠包皮好薄，細細力咁咬，熱辣辣嘅湯汁已經漏緊出黎內餡既肉好新鮮，無雪藏味，好抵讚口水雞撈拉麵一上枱，店員好細心幫我剪斷麵條呢個菜真係好有驚喜，估唔到口水雞嘅麻辣汁同拉麵係咁夾，彈牙嘅拉麵加上麻辣真係令人一啖接一啖停唔到口用HSBC 信用卡有9折，埋單兩人只需$360真係好抵食呀，食到我抱住個肚走…查看更多

啱啱替舊址寫完食評，小籠包癮起，又食過去到發現舊址裝修，即刻問詢問處知唔知搬咗去邊？原來搬咗上Ｐ４，即係入世貿上完電梯行入去，上中間條長電梯就到（店舖後全是食店）新裝修係唔錯，不過我個人比較喜歡舊址嘅感覺而且等位期間企響店門前，果度一啲冷氣或者風都冇，熱到死！而新店門口正正係響廁所門口隔離，我個人就唔多鍾意啦～店內感覺好擠迫，好似勉強用好細嘅空間容納最多嘅枱咁記得食食吓隔離有人入座，佢哋一坐低就即刻移開張枱，可惜地方有限只可以移開少少（店內有多張２人方枱，兩人要面對面坐，但該店係以四人枱嘅形式，兩張兩張咁拍埋佈置的，因此感覺好冇私人空間）俾男友睇吓菜單，佢冇乜意見，只要求鱔糊同烤肉鱔糊基本上係我嘅必點菜，因為我本身好鍾意食魚，基本上咩魚都食但係鱔、鰻、九肚呢幾種可以話係至愛！所以我點會ＭＩＳＳ咗唔叫鱔糊呢～其實我非常偏食，韭黃我一直好抗拒，不過今次決定試吓食，點知一食發覺係又甜又嫩，吸咗啲汁之後連埋鱔肉一齊食真係幾好食喎！百頁烤肉我都係第一次食，比想像中好味，男友勁ＬＩＫＥ，係咁爭住食 XD唔好睇佢啲烤肉好似成大舊豬油咁，其實食起上泥唔會覺得油膩！而且肉質非常嫩滑，又夠哂入味，真係值得一試！不過百頁並非牛栢葉（我自己誤會咗），而係類似硬身腐竹咁嘅嘢？我個人覺得一般醉雞亦係我其中一個必叫菜式！翡翠嘅醉雞酒味好重，我個人比較喜歡，而且雞肉好嫩，即使係雞胸都幾滑、冇渣忘記咗呢度嘅擔擔麵屬「兩隻辣椒」，辣到兩個唔食得辣嘅人冒煙～！！唔食得辣嘅人可以去佢少辣啦～不過唔知點解今次食，淨係得個辣字，唔香…另外，今次個麵連個賣相都差咗，感覺有啲失望…好多香港人都鍾意食小籠包，我自己都唔例外其實佢嘅小籠包有一定水準，不過始終比之前差了少少（但都係好食嘅）非常失敗！！人生真係未試過食「炸、硬、厚皮」嘅豆沙鍋餅！失望到無食哂，因為實在太難食！在我而言，豆沙鍋餅係其中一個食上海嘢叫「甜品」嘅好選擇，亦基本上好難會整得難食偏偏，佢竟然整到好似係一舊麵團，乾咗之後再勉強炸熟佢咁嘅物體…失敗！價錢其實唔貴，只係今次食到啲令人好唔開心嘅嘢，因此無辦法俾笑笑口……查看更多