翡翠拉麵小籠包

廿幾年前, 老友 “傻肥” 推介時代廣場嘅 “翡翠拉麵小籠包”, 年少無知, 慳慳地食小籠包同埋四川擔擔麵, 已經非常滿足. 過去廿年, 每當諗起食上海菜, 一定考慮 “翡翠拉麵小籠包”. “翡翠” 留住我好多回憶, 包括朋友離港前道別嘅一餐, 包括同老友 “吉吉” 去睇香港小姐前嘅一餐.📖 翻查資料, “翡翠” 喺1991年於新加坡成立, 1992年被香港商人收購, 集團股權輾轉落係LV旗下基金.🍽 今日嚟將軍澳店食晚餐, 餐廳以四人方枱為主. 以往 “翡翠拉麵小籠包” 品牌做上海菜, 近年加入 “翡翠潮州小廚” 做埋潮州菜. 今餐主攻鎮店上海菜式.🥢 自選三色拼盤: (1) 燒椒小皮蛋. 只係用皮蛋心, 同椒味非常配合, 發揮不俗. (2) 醉豬手. 豬手算腍, 唔夠酒味. (3) 鎮江肴肉. 唔夠凍, 肉質散散地, 出咗事. 我鍾意呢個拼盤, 可以試多幾樣野, 可惜今日綜合分數般般.🥣 四川酸辣湯. 唔會 “稀溜溜”, 或者 “渴撻撻”, 啱啱好, 味道調教不俗, 湯料包括肉絲豆腐等. 諗起酸辣湯, 首選一定係 “翡翠”.🤗 上海小籠包. 皮薄, 又唔會薄到穿, 豬肉餡料實淨, 夠肉汁, 一流.🥟 上海生煎包. 皮唔算厚, 鎖到肉汁, 唔會太油. 讚!🥐 炸銀絲卷. 外脆內軟, 加埋屈機煉奶, 好食.🍜 四川擔擔拉麵. 唔肯定係咪正宗, 但一定好食. 我唔鍾意粒粒花生, 又唔鍾意超重花生醬味, “翡翠” 呢個版本只有中度麻醬味, 加咗少少芝麻, 香蔥, 微辣. 麵質OK. 鎮店推介!🥛 凍豆漿. 正常喎.🤗 總結: 餐廳座位闊落, 服務 “集團化”, Ok冇投訴. 論食物, 水準穩定, 當然, 要點啱嘅食物, 上海點心同埋拉麵比較出色. 推介擔擔麵, 小籠包, 酸辣湯. 整體性價比有吸引力.…查看更多

今日同媽咪喺將軍澳行完街，老人家鍾意食上海野，咁啱Popcorn有間翡翠拉麵小籠包，就一定要去試試。我哋叫咗五個餸，有椒麻酸菜魚、不是雞火炒飯、雞火炒飯、上海小籠包、香煎素鵝。椒麻酸菜魚 - 我哋叫咗小辣，酸酸辣辣好好味，裏面仲有酸菜同粉皮，魚仲係脆肉鯇非常爽口。不是雞火炒飯 - 第一次食椰菜花炒嘅所謂飯，非常健康仲好飽肚，有雞肉火腿加椰菜花，唔使另外再叫一碟菜。雞火炒飯 - 呢碟就真係用雞肉火腿炒飯，味道都非常好。上海小籠包 - 小籠包非常多肉汁，皮薄非常有水準香煎素鵝 - 煎到好香脆，裏面包着有冬菇粒，配埋醋食一流。總括嚟講媽媽非常滿意呢餐飯…查看更多

見到平時排晒長龍，今次就試吓啦瑤柱賽螃蟹🦀️蛋花味～～冇乜特別，冇咩味道😅😅😅清清淡淡咁。燒椒小皮蛋口感好怪，唔係平時爽口嘅皮蛋！味道有啲九唔搭八，口感同埋辣味唔夾⋯中間嗰舊凍豆腐反而OK幾滑；配合辣油幾好食😋椒麻酸菜魚人哋色香味俱全，佢就臭膠味啲魚都好膠，食落去個口感都係膠，咩事情？酸菜魚入邊嘅紅薯粉由於個湯底太膠，成碗野都係臭膠味。上海小籠包湯多皮薄餡靚！👍🏻👍🏻👍🏻上海粗炒難食，冇鑊氣，仲衰過自己煮。凍檸檬薏米水唔好飲，甜得濟…查看更多

上海菜久唔久就會想食，所以又走黎翡翠食喇，諗住水準穩定同有品質保證～～～今次叫左鎮江肴肉、鮮肉鍋貼、小籠包同櫻花蝦炒飯，滿足左想食上海菜，但又滿足唔到個胃，叫做不過不失咋～～～鎮江肴肉：幾乎每次都叫～～開胃既前菜鮮肉鍋貼：脆卜卜既外表，包住濕潤既肉～～鎖住哂d肉汁，足足有一匙羹～～好味～～上海小籠包：反而呢個失色左，好似未熟哂就急住拎出黎咁⋯⋯而且又乾、冇乜肉汁櫻花蝦炒飯：好似係期間限定～～炒得好香，好乾身～～…查看更多

平日晚上七點，雖然已經有幾檯客人在等位，但等候時間不到十五分鐘便能進去用餐。雖然店面空間很大，不過每檯客人都坐的比較近，很容易聽到隔壁桌的對話，私隱度不是很高。前菜我們選擇了雞絲粉皮，味道相當出色，青瓜和雞絲切成幼細狀，粉皮厚身但滑溜，配上濃烈花生醬汁，簡直一口接一口停不了，個人十分推薦。前菜我們還點了涼拌青瓜，新鮮清爽，不過這道菜也沒什麼技術含量，很難會失手吧。吃完開胃前菜，就來試試小籠包，小籠包價格算便宜，餡料味道沒有做得非常出色，但皮薄，而筷子夾起來不會穿，輕輕咬開包皮，吸一下湯汁，一口一顆剛剛好。炒飯粒粒分明，而且做法相當豪爽，加入大量櫻花蝦，但櫻花蝦不是實身而只有蝦殼，其實沒有蝦味，只能吃到蝦乾的口感，炒飯吃到最後會有乾的感覺。雖然如此但整體味道不錯。（照片看起來份量很小，但實物大概夠三個人吃。）拉麵有嚼勁，不過由於湯和麵餅分開呈上，而麵餅本身非常乾身，就算上菜時已經剪開麵餅，要夾散麵餅也是有一定難度。主角清燉雞湯裡面有三塊雞肉，雞肉肉質嫩滑，輕輕夾開便能把骨肉分離，配上的雞湯有雞味（對，沒錯就是有雞味），不太味精，所以忍不住多喝了幾口。這裡的上海菜水準不錯，可惜定價偏貴，另外亦收茶錢每位$12。除此之外，店內看似人手充足，但每個店員總是很忙，要點菜或者結帳也需要等店員有空時才能處理，當晚鄰桌亦因為結帳等太久，最後選擇直接出去付錢，所以來這裡吃飯要有等候的心理準備，不過上菜速度我覺得倒在可以接受的範圍，店員也會主動不斷添加茶水，至於其他食評說的服務態度問題，當晚則沒有遇到，可能看運氣。…查看更多

今日公司有事要去將軍澳做野，又到三點三當然要搵地方食下午茶！忽然間好想食小籠包，於是就一個人都照去幫襯《翡翠拉麵小籠包》。首先當然二話不說要叫小籠包啦！皮很薄而且柔韌有彈性，內裡的肉亦鮮甜多汁。趁著熱辣辣的時候不知不覺就把四隻吃完。無理由淨係要一籠小籠包，所以另外點了兩個小食。甜酸青瓜簾外型幾得意，把青瓜的表皮片了出來後卷成一卷卷，再配上甜甜酸酸的清爽醬汁非常好吃！陳醋西芹黑木耳，就有很濃郁的陳醋香味。西芹切成薄薄的一片所以口感不會過硬，再配上爽脆的黑木耳感覺非常清新。店內採用了大玻璃設計感覺非常光猛而且座位舒適令人有好舒服的感覺，下次一定會再來！…查看更多