為食火鍋公司

營業中

休息中

Round 1: 餐前小食有6款選擇，可以簡每樣要d，或者點自己想食既。食完覺得好食，可以再點。🔸炸瘋薯條：正常水準🔸蟹籽沙律：幾清新，做開胃菜一流🔸酸甜炸大腸：外皮夠脆👍🔸鮑汁雞腳：夠入味Round 2: 三點刺身盛合刺身就一次性，有三文魚，大蝦同北寄貝，三文魚切得厚身😍。Round 3: 頭盤有酸菜魚同雞煲，我地簡左雞煲小辣，雞煲可以任食，不過第一次上既時候都好夠份量，所以我地都冇添食。鐘意食辣既朋友可以叫中辣，會仲正😃Round 4: 火鍋一開頭會送上一次性既海鮮拼盤同牛肉拼盤。海鮮有🦐、🦪、蜆、半殼元貝同脆肉鯇，都幾新鮮，蜆無沙。牛肉有潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯。另外仲可以QR落單，有幾款牛、豬、羊肉都可以任食，加埋一大堆火鍋配料，絕對夠飽肚。出面自助吧都有菜盤拎。除左汽水之外，仲有d鴻福堂同道地既茶任飲。

這間餐廳位於牛頭角以毛孩作為主題，店內裝修寬敞舒適，環境乾淨衛生，牆身印有不同狗狗的壁畫和裝飾，充滿著可愛氣氛，主打無限時火鍋任飲任食。冇限時火鍋盛宴 - $288/位星期五、六、日、公眾假期及前夕+$10/位餐前小食酥而不膩的甜蕃薯條帶天然香甜好軟糯；唐揚脆炸雞外脆內嫩好多汁；蟹籽沙律一絲絲青瓜好清爽；還有炸瘋薯條、酸甜炸大腸及鮑汁雞腳，可任點任吃。前菜三點刺身盛合(一次性)肥美的三文魚富魚脂，入口爽滑鮮美；爽脆的北寄貝好甘甜；甘甜黏糯的甜蝦有著濃厚風味。頭盤(一次性)為食酸菜魚，奶白色的湯頭好鮮甜，加上酸甜爽口的酸菜，帶微微麻辣感，鮮魚片有厚度又有彈性，更有晶瑩剔透的薯粉吸飽湯汁，辣度可低至走辣，或可轉任食寵寵雞煲。火鍋盛宴湯底方面，櫻桃鮮茄薯仔富清甜的鮮蕃茄香，加上綿密的薯仔好有口感，感覺健康又養生，還有黃金皮蛋芫茜、高湯牛尾及麻辣鍋，鴛鴦鍋需另加$30。為食海鮮拼盤(一次性)鮮蝦、蠔、蜆、半殼元貝、脆肉鯇、白鱔片為食牛肉拼盤(一次性)包括：潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯，一共五款不同部位的貴價牛肉，特別喜歡吊龍伴，鮮得帶有肌紅蛋白，軟嫩細膩，

今晚見有d時間，一於收工約朋友打個邊爐吹吓水聯誼吓先，平時收工經過見到呢間店座無虛席但一直冇時間試，見今日有時間就一於入呢間睇吓值唔值得推介先環境都幾寬敞乾淨，而且牆身設計已狗仔哥基為主，主打冇限時任食火鍋放題，有兩個價錢選擇，$288和$368兩款，貴d嗰款主要係食物多d選擇，但我今次選左食$288嗰隻Round1~餐前小食炸瘋薯條、甜蕃薯條、唐揚脆炸雞、蟹籽沙律、酸甜炸大腸和鮑汁雞腳鮑汁雞腳：好入味，好淋炸瘋薯條、甜蕃薯條、唐揚脆炸雞、酸甜炸大腸：即叫即炸，每樣都熱辣辣，入囗脆咯咯Round2~前菜三點刺身盛合（一次性）北寄貝：入囗彈牙三文魚：甘香肥美牡丹蝦：大大隻，味道鮮甜可囗Round3~頭盤為食酸菜魚（一次性）或任食寵寵雞煲為食酸菜魚：湯底酸酸辣辣， 魚肉入口嫩滑，酸菜味道鹹鹹酸酸好惹味，薯粉入囗好淋好滑Round4~火鍋盛宴我選左櫻桃鮮茄薯仔湯底，待應就送上一個海鮮拼盤和一個牛肉拼盤，唔夠食還可以任食其他火鍋配料，而且飲品任飲櫻桃鮮茄薯仔湯底非常之足料，味道幾好，蕃茄非常 juicy海鮮拼盤鮮蝦、蠔、蜆、元貝和脆肉鯇，樣樣都好新鮮，脆肉鯇好爽脆，鮮蝦和蜆入囗彈牙，蠔和元貝鮮

勁耐冇打邊爐喇，而家涼涼地，就心癮起想去打個邊爐😂最正就緊係任食啦~今次嚟到觀塘一間有好多毛孩油畫嘅餐廳，原來佢仲同毛守有合作，like & share IG / FB post就第於捐到乾糧同罐罐俾毛守，都幾有意思~同埋個食法都幾得意，要順住佢個step食，第一round要食左小食先，有唔同嘅炸物/前菜揀，我地諗住留肚食主菜，所以剩係叫左炸雞同薯條過下口癮😂第二round係三點刺身盛合，有三文魚，生蝦同北寄貝，三文魚幾肥美，生蝦都幾大隻，幾爽口👍第三round就係揀為食酸菜魚或任食寵寵雞煲，我地諗住清清地叫左酸菜魚，好彩份量適中，魚片幾新鮮，薯粉都幾彈牙🥰第四round終於嚟到揀湯底打邊爐，叫左個黃金皮蛋芫茜湯，第一次見黃金色皮蛋，仲有少少流心，好正！！個餐仲包左個為食海鮮拼盤同為食牛肉拼盤。個海鮮拼盤嘅生蠔幾肥美鮮甜，蝦肉口感幾彈~ 牛肉拼盤好吸睛，d肉好香牛味，同埋佢係薄切，入口都feel到佢幾嫩😜之後就自己出去拎蔬菜同落單叫配料，而家仲做緊免費upgrade任食M8和牛，薄切好易入口😋仲有個鹿兒島茶美豚，佢寫話係用綠茶粉同甘薯葉飼養，所以營養更豐富，食落都好多汁🤤 整體真係超抵

好耐無打邊爐喇😆～突然間好掛住打邊爐（可能喺因為天氣開始凍啦哈哈），今日約咗朋友去到觀塘食火鍋放題， $300都唔使仲可以無限時任食✨唔使趕時間，坐喺度慢慢食真係好開心🥳<為食套餐|冇限時火鍋盛宴> $278落座後店員都會解釋進食流程，火鍋盛宴共分為4 Round，其中包括有餐前小食、前菜、頭盤、火鍋盛宴，食完一Round可以追加野食，又或者食下一Round，但就唔可以食返上一Round🙌🏻餐前小食我地叫咗炸瘋薯條、唐揚脆炸雞&蟹籽沙律，其中唐揚脆炸雞同埋蟹籽沙律，質素唔錯✨前菜三點刺身盛合（一次性）呢個刺身盛合只可以叫一次，有三文魚﹑象拔蚌同蝦，刺身喺放題黎講都算新鮮🤩頭盤為食酸菜魚（一次性）/任食寵寵雞煲我地揀咗只可以叫一次既為食酸菜魚，魚肉都算嫩滑，不過要小心偶而有些少碎骨🤣而湯底就係酸菜＋花椒嘅味道，令人胃口大開🥰用呢個湯底打邊爐應該都唔錯☺️火鍋盛宴火鍋湯底可以四揀一，我地揀咗櫻桃鮮茄薯仔，而鴛鴦鍋要加$30。另外，餐廳會上埋海鮮拼盤同牛肉拼盤（一次性），海鮮拼盤有蠔、蝦同埋鱔片，而牛肉拼盤就有潮汕吊龍伴、黃喉、手切牛頸脊、熊本雪花一口牛同埋美國SRF和牛板腱肉