德美壽司 (新都城中心1期)

三色魚生丼（配湯、沙律、甜品）$120魚生飯三色有三文魚、油甘魚、帶子刺身，加上一隻溫泉蛋，面頭仲加咗唔少蟹籽提鮮，魚生食落新鮮嫩口，帶子鮮甜，味道唔錯。-天婦羅烏冬（配湯、沙律、甜品）$88天婦羅有蝦、茄子、冬菇、蕃薯同南瓜，都好大碟，炸得香脆之餘唔會油膩，隻蝦仲要係實肉鮮蝦嘅口感。烏冬方面彈牙有咬口，湯底唔濃，加咗温泉蛋、魚片、粟米、昆布等，清得來又好食。-加州卷 $49好大件好足料嘅壽司，裏邊夾有蟹柳、青瓜、玉子等，表面嘅蟹籽鮮甜爽口，食一件已經好有飽肚感。-湯、沙律、甜品麵豉湯，芝麻醬豆腐沙律，士多啤梨泡芙，全部都正常口味。…查看更多

全香港開左幾間分店，呢間寶琳分店亦都好受歡迎，次次經過都要排隊入座。相信佢受歡迎嘅原因都不外乎佢食物質素好，加上價錢相對親民。我地被安排坐喺Bar枱，望住師傅冇停過手咁一路整，碟碟都好吸引！ 🍴 三色魚生丼 ($118) ⭐️⭐️⭐️⭐️💫 三款刺身望落都好新鮮，入面有三文魚、帶子、吞拿魚、魚籽，全部都好肥美，食落都好fresh，一碗完全唔夠喉。壽司飯暖暖地，配上凍嘅剌身，口感一流！ .............................. 德美壽司 地址📍: 將軍澳貿業路8號新都城中心1期地下99-100號舖 總評分: 7.8/10 .............................. 味道😋: ⭐️⭐️⭐️⭐️💫 環境👀: ⭐️⭐️⭐️💫 服務👨🏻‍🍳: ⭐️⭐️⭐️⭐️ 衛生🧹: ⭐️⭐️⭐️💫 抵食💰: ⭐️⭐️⭐️⭐️ …查看更多

今日去將軍澳送貨俾個朋友，因為傾耐咗，就落樓下買啲外賣。平時都聽過朋友讚德美壽司用平民價錢可以享用優質日本菜，今日就一於試吓。依家外賣仲有九折優惠，真係好抵食！晚餐嘅選擇都好多，有魚生丼同定食，外賣就會配上麵豉湯同埋沙律。由落單至取食物大概等10分鐘。我就揀咗一份三色魚生丼，三色魚生即係有三文魚、油甘魚同帆立貝，上面仲舖上蟹籽，最驚喜係沙律內都加咗一粒小元貝，真心好味另外揀咗天婦羅烏冬定食，天婦羅分別有蝦、南瓜、茄子同埋蘆筍，而烏冬就用上鰹魚湯底，清得嚟又夠味，烏冬同兩片魚蛋都彈牙，呢個價錢我就覺得超值喇我覺得最出色係由買外賣到打開食相隔接近一小時，仍然保持到食物質素，魚生仍然新鮮，烏冬仍然彈牙，足以證明佢哋嘅食材質素相當高，抵讚…查看更多

德美算係我其中一個飯堂，一個月至少食兩次，受到我既熏陶，我屋企人都變得愛食德美，今日父母問我晚餐去食德美壽司，我當然舉腳贊成。魚生丼同定食都會附送湯、沙律同甜品。沙律絕不馬虎，唔係只得蔬菜，仲有一大粒帶子。- 三色魚生丼三色包括橙（三文魚）、白（帶子）同紅（油甘魚），魚生多到覆蓋成個醋飯。油甘魚味道幾甘香，帶子一般，三文魚幾肥美。至於醋飯方面，飯粒黏度適中，酸度亦啱啱好，另外醋飯混入左冬菇片，更添香味。- 野菜牛肉鍋定食湯底係壽喜燒湯底，湯底幾香濃，溫泉蛋可以平衡返醬汁嘅濃度，另外牛肉嫩滑，蔬菜吸收左湯底精華變得好甜。- 什錦天婦羅包括茄子、冬菇、蘆筍、大蝦、魚同南瓜每款天婦羅既麵衣幾薄，不過炸得唔算均勻，例如南瓜，其中一面既麵衣剝落左。我應該大蝦>魚> 蘆筍>茄子>南瓜>冬菇。- 免治雞肉棒外皮有少少焦脆，調味啱啱好唔會太鹹。德美性價比仍然高，食物質素冇參差，上至魚生丼下至天婦羅都幾出色。…查看更多

呢日收工去左將軍澳搵朋友食飯，黎左德美食日本菜第一次試呢間，好期待！餐廳都幾多位，環境舒適坐低左就好快叫野食喇！因為太肚餓喇我地叫左兩個定食加一個鍋物＃前菜：味噌湯、沙律味噌湯冇平時飲個Ｄ咁鹹，好岩我呀個沙律入面仲有帶子添！我地話咁快就食哂＃三色魚生丼我對魚生真係百吃不厭，食親日本野都要食魚生飯刺身非常新鮮，好正！！撈埋一齊食真係超級juicy！＃活鰻魚樸葉飯定食鰻魚有好濃既炭燒香，鰻魚入口軟腍又有肉感Ｄ飯仲粒粒分明添，好想再食多次＃野菜牛肉鍋呢個鍋既食材十足，牛肉夠腍，易入口仲有好多菜，岩哂我地！＃蕨餅仲有甜品添！係煙煙韌韌既蕨餅呀食完真係好滿足！Overall食物非常高質，食得貴少少都抵呀！店員服務態度亦都唔錯…查看更多

個日行開寶琳想食日本嘢🇯🇵但係又唔想食元氣於是就去左德美La大約 7:00 pm 都唔太多人等左五分鐘就入得👌🏻👌🏻今次坐bar枱可以見到師傳係我面前整嘢食都幾過癮其實以日本🇯🇵食物黎講呢到價錢唔算貴食得過 三色魚生丼丼 $118配湯、沙律、甜品三色魚生樣樣厚切肥美得黎有醋飯中和番所以唔使怕食到好滯中間仲有溫泉蛋撈飯一流紫蘇沙追魚海膽天婦羅 🍤$65見佢幾特別咪嗌黎試下其他地方嘅天婦羅款式多都見唔到呢款😵味道同賣相都唔錯豚角煮 $80有五舊豚肉加中間一pat mashed potato肉質鮮嫩多汁一咬流去有油脂香豬肉唔會話淹到好咸蓋過d肉味不過食到最後有少少滯黃豆粉蕨餅跟餐甜品水準唔錯煙韌適中…查看更多

朋友就Happy Friday，我就Busy Friday，今日外出工作完就要趕返公司工作和開會，全日只吃了一個黑麻蓉包和飲了杯鮮奶咖啡，其實肚子不停打鼓，但頂硬上......幸好不是漫長會議，一完便馬上離開公司去醫肚，吃頓Early Dinner。又想醫肚，又想休息，就在家附近覓食，趁時間尚早，馬上走去「德美壽司」，估計不用排隊等位，果然即入座。餐廳環境光猛，樓底高，空間感強。設有兩排泊牆的長櫈配二至四人枱，中間有行長枱，入一點就有張“L”形的大壽司吧枱，座位不算多。有三份餐牌和一本厚餐簿，清晰精美。餐牌分別有飲品、晚巿定食和二人餐，而餐簿就是單點菜式，有薄切、刺身、壽司、軍艦、火炙、花之戀、三色壽司、大盛、五點盛合、卷物、小卷、手卷、丼物、前菜、沙律、漬物珍味、串燒、燒物、天婦羅、炸物、一品料理、碗物、鍋物、麵類、御飯、飲品和甜品，很多選擇。*************************第一時間看中晚巿定食，均配湯、沙律和甜品，貪其又豐富又實惠。在九款晚巿定食中揀了三色魚生丼 Triple Sashimi Rice ($118)。湯和沙律齊上，雜沙律菜清爽，拌入酸咪咪的和風醋汁，開胃醒神，還配上一片柔軟的煙三文魚，帶有煙燻鹹鮮味，味道略鹹，但伴着清新的沙律同吃就剛好。麵豉湯味道剛好，並不會如平時所喝的偏鹹。湯內有香滑的豆腐和爽滑的昆布，還添加了些洋蔥，不錯！三色魚生丼亦隨即上枱，雖要求少飯，但都幾有份量。飯面舖刺身，中間還有一隻溫泉蛋，以蟹籽和花瓣作裝飾，賣相很美！先輕輕把溫泉蛋刺開，鮮黃的蛋汁馬上湧出，隨即滲入米飯中。舀起一羹，有驚喜！原來米飯中加了香菇和紫菜，真係不簡單，再沾上鮮香的蟹籽、蛋汁和滑溜的蛋白，美味得很！三色刺身有三文魚、油甘魚和帶子各三件，厚度適中，同樣色澤亮麗。三文魚油脂分佈平均，肥美油潤，鮮味十足；油甘魚充滿魚油香色，肉質柔軟帶微爽，味道鮮美；帶子就柔軟鮮甜，不錯！*************************鹽燒鯖魚就吃唔少，麵豉醬煮鯖魚 Stewed Mackerel w/Miso Paste ($60)就少吃。嘩！不只兩大件鯖魚咁簡單，還有一隻鮮香的雞蛋、清甜的甘荀、清爽的蘆筍和兩大隻弄得入味的冬菇，好驚喜滿足！鯖魚還霧着熱煙，熱辣辣最吸引。先燒再煮，肉質紮實，但絕不嚡身，以麵豉醬烹調，不會乾身，弄得入味，鹹鮮有至，還甜甜地，挺美味，喜歡！ *************************定食雖配有沙律，但又怎能滿足我這位菜王？要來一客雙果沙律，即是牛油果沙律加芒果 Avocado Salad add Mango ($44+$10)，兩者同時是我們所愛吃。沙律面除了有牛油果粒和芒果粒外，中間又有隻溫泉蛋，灑上花瓣，添些和風色彩。吃前先拌勻，清新爽嫩的雜沙律菜拌入酸咪咪的和風汁和鮮香的蛋汁，味道不錯，最喜歡當然是青香翠綠的牛油果和香甜多汁的芒果，前者有少少生，但後者熟度就剛好，幸好加了它，令這客沙律添美味。*************************最後定食所配的甜品是蕨餅（$0），口感黏滑柔軟，沾滿黃豆粉，好香，味道不錯。------------------------------好彩？點解Busy Friday 都好彩？看看我離開時的門口…好彩會議不長，可早來到餐廳不用等位；好彩餐廳開了在我家附近；好彩今日沒有時間吃東西，晚上在餐廳可吃得豐富....一切都好彩，視乎你怎樣看。…查看更多

平時喺寶琳嘅車路經過都見到呢一間食店 心諗：咦，個樣好似幾好食，覺得佢排面都幾冠冕堂皇！於是前幾日就去一試大約夜晚八點鐘去到餐廳，發現都有幾批人排隊 真係估唔到，咁普通既一個地段都有咁多人去，唔知係咪都係附近住既呢係門口見到裡面係......滿座！我已經抱有好大期望去食佢既嘢食了等咗都唔算好耐，就有位入。入到去，見到隔離枱嗌咗勁多嘢食又勁多款咁，有串燒、壽司、手卷、飯等等，多數都嗌大量串燒；但我當日喉嚨痛，就諗住下次再試！裡面裝修都以金黃色做主題，壽司 魚生部為開放式廚房，一目了然餐牌選擇多不勝數，食物種類繁多。因為相片上載有限，我都不能show到所有類別，用文字讓吃貨們體驗有何等多既選擇！有魚生丼、飯類、定食、天婦羅、串燒、燒物、沙律、前菜、卷物、手捲、小卷、丼物、鍋物、麵類、御飯....真係不得了，餐廳仲有二人餐供給選擇係云云既選擇中，我最後揀咗魚生飯！真係必食！零後悔！我特別欣賞當中既醋飯，酸中帶點甜，十分特別，與店外一般既壽司、魚生飯都不同，處理應該有點特別技巧，十分喜歡；加上魚生數量也多，有三文魚、吞拿魚、帶子、鰹魚，它們圴有鮮味、新鮮，不用醬油也足夠佢附上亦有沙律及味噌湯，前者為薯仔沙律，好夠凍，好正，食晒！後者既料豐富，又唔會好鹹，裡面有香滑豆腐粒、大大隻蜆、海帶等，都好好味朋友就食咗一個安格斯牛定食~presentation幾靚，幫你切埋，加一碗白珍珠飯，包你捧住個肚走。牛肉雖薄，但牛肉汁同牛肉香係口腔中揮之不去，好好食又勁香，此亦是一個好選擇！小食方面，就嗌咗一碟魷魚，大碟夾抵食，切片 份量也大，送飯都正。汁偏甜，燒烤既程度剛好，唔乾，啖啖肉，又唔會「咬唔完」Last but not least食店在安排入座前已為客人斟了水，不時也及時加添，服務不俗桌邊也放置適用調味品及牙籤，預備點到即止餐具亦有主題，美美的同時，店員也後窩心為論盡既我及時提供一個籃子放袋及外套，觀察客人需要入微，好值得欣賞…查看更多

同朋友得知新都城開了德美非常興奮因聽說口碑都唔錯好多朋友都推介去食難得開係將軍澳區咁近我一於一去門面一看就知好有和風的日系裝潢和風木做主題舒適簡潔近門口位置有座位等候區非常關顧客人等候心情晚市有套餐我就覺得比較化算當然也可高質量地散叫享受套餐有沙律🥗呢個沙律絕不馬虎雖然賣相有些似雪糕其實是薯泥味甚濃配上沙律醬混合薯味好出令人想一口接一口地食下去味噌湯出場飲左幾啖以為普通野點知驚天大發現有兩隻蜆人人有份永不落空頓時覺得前菜都整得咁出色整體已經加哂分啦叫左個三色魚生丼全部都係厚切中間仲有個流心蛋仲有飯是有味既飯唔駛淋到成碗都係豉油撈飯德美海膽魚生丼魚生方面就比三色的厚身一些海膽雖側得少少但佢既鮮甜已經夠哂滿足了三文魚籽出奇地鮮甜完全無腥味仲多左個鮮魚油既味道全部都好大粒圓轆轆好飽滿值回票價套餐仲有甜品芒果醬奶凍個醬幾香芒果味略嫌奶凍無咩奶味埋單都係三百多咁既質素去邊搵丫…查看更多

晚上來晚飯感覺侍應不太懂安排座位7點就留著吧枱3人座給8點的留座不多問問客人可否盡快還枱，疏導一下晚市的客人任大家在等😤問了侍應說我們食完8點前就走，才給我們安排晚市的餐牌也沒開天殺價有合理價錢的定食套餐要了三色魚生丼同銀雪魚西京燒定食前菜來了帶子沙律同麵豉湯比午市豐富一點魚生丼不過不失爸說璋紅剌身有根我的銀雪魚西京燒就太美味了！魚肉甘甜美味，燒得剛好尾部焦焦的部置，實在超級好味！回味無窮！平時出去食銀雪魚，或是自己買，動輒就要過百這裏的定食才$110，實在超級抵！絕對會為銀雪魚再回來！快吃完時，侍應已不停執枱，殺風景👎👎…查看更多