段純貞牛肉麵XChatime (如心廣場一期)

台灣麵總係令人食過返尋味，今次再食呢一間台灣過江龍牛肉麵段純貞😋無論湯底、麵質、小食、飲品同服務都冇令我失望😋可以再encore🤣🥩三寶麵（腱心、牛肚、牛筋）($92)湯底好濃郁，有一陣淡淡嘅藥材味得來唔算太辣😋三寶有牛筋牛肚同埋牛腱心🥰牛筋都幾大條，軟嫩帶點嚼勁😀牛肚爽口彈牙吸收晒湯底好入味😋牛腱心軟綿綿，花紋狀油脂分布平均，又多汁又入味🤤🤤今次揀咗配手工粗麵，厚薄不一嘅麵體爽滑Q彈好掛湯，食落滑捋捋🥰而且分量十足，好飽肚☺️ 🧄蒜香手撕雞乾伴麵 ($78)好香濃嘅蒜香同蔥油味🧄流心蛋軟滑入味，手撕雞嘅份量都幾多😻近排天氣咁熱最啱食拌麵，涼浸浸好開胃😋🍗鹽酥雞 ($48)鹽酥雞炸得乾身酥脆，一啲都唔油膩，内裏雞肉軟滑Juicy🤤🤤值得一試😌🥟新鮮豚肉鍋貼 ($48)本身好鍾意食鍋貼，今次呢個鍋貼都冇令我失望，外皮炸得脆脆😋外脆內軟，豚肉同其他配料嘅份量分配得平均，一咬入口肉汁即時流出，食到停唔到口😚😚🧋珍珠奶茶 ($32)奶茶唔會太甜，珍珠Q彈，冰涼消暑☺️🍠香芋珍珠奶茶 ($32)香濃嘅芋頭香味，奶茶控絕對不能錯過😍…Read More

每次行經如心, 都見到店外長長嘅人龍, 而且見到好多食評介紹, 所以一直都想試咁啱今日夜晚行過唔使等位就入去試吓!1️⃣$92 三寶麵 (幼麵)腱心-淋滑夠入味牛肚-太淋, 無爽口嘅感覺牛筋-好味, 本身自己好鍾意食湯底偏咸2️⃣$84 原味牛肉麵 (手工麵)有三大嚿牛肉重點係手工麵, 太厚太粗, 一咬開有粉粉地嘅口感, 真係唔好食😅所以比較推介幼麵, 掛湯好味啲3️⃣$48 酥炸排骨👍🏻👍🏻👍🏻好大塊😀分兩層重疊擺盤, 單層已經同成年男人手掌差唔多嘅size, 炸粉咁薄脆, 比牛肉麵更好食!4️⃣珍珠奶茶奶味偏濃, 本身自己偏好茶味濃d嘅另外位置偏窄, 都係要食飽就走個類半背椅亦唔太舒服總括來說, 試一次無妨😅…Read More

🐃🐂🐄三寶麵 $92（5/5）推薦🌟麵底揀左手工面，有少少似刀削麵但更加粗同厚身🍜湯底聞落好香，飲落濃郁有藥材味且唔會太咸。而三款配餸都好出色有驚喜‼️💯腱心牛味重，有咬口唔覺鞋。牛肚用金錢肚大大片。牛筋好有膠質❗️口感軟腍唔會煮到過爛❤️‍🔥🌶麻辣嫩五花牛肉麵 $84（4.8/5）麻辣湯底幾香但略嫌面層太多辣油🔞嫩五花牛肉真係夠嫩口而且好重牛味份量又多🐮😍整體都係高水準！午市自選組合：麻辣蒜味腱心半筋半肉麵+紅油抄手 $118🌶🧄麻辣蒜味腱心半筋半肉麵（3.8/5）第二次食都係覺得配餸好出色🥰但今次既湯底偏辣而且冇乜蒜味，面頭都係有好厚一層既辣油🥵🥟🖐🏻紅油抄手（5/5）有驚喜‼️一上枱就見到份量好多🤩抄手既皮唔算特別薄，但口感紮實，調味適中，食落好滿足😽推薦✨🫶🏼…Read More

荃灣西｜段純貞牛肉麵💀💀💀差評👎🏻IG有好多foodie仲紹，睇相都覺得好吸引，所以先諗住去試下～💀食物：金玉其外，敗絮其中💀服務：個個好似機械人咁，你同佢講唔該，佢會無視你💀用餐經歷唔愉快，食到嬲😂👎🏻💀平均$170一個人，呢個價錢絕對可以食到更有質素嘅嘢！————————————————————————- 手工麵好硬，似未熟透，絕對唔似食緊麵💀💀💀- 個蕃茄湯，淡蕃茄味淡牛肉味，但勁重醋味😵‍💫- 牛筋夠淋，都算入味👍🏻- 個配菜 — 麻油鹹酸菜都幾開胃👍🏻- 招牌三寶麵，個湯有啲淡，跟本冇所謂用咗23種藥材煲成嘅味🤦🏻‍♀️🤦🏻‍♀️🤦🏻‍♀️- 幼麵唔錯，有啲咬口～紅油抄手- 咸到苦，你冇聽錯，係苦㗎😂😂😂- 個餡食到蝦味同豬肉碎，完🤷🏻‍♀️香麻醬涼拌豆腐調味夠濃，夠麻辣，但豆腐易夾碎～冬瓜檸檬薏米飲品唔錯- 微酸～好濃薏仁味，飲落好順喉🤤👍🏻👍🏻-但，太細杯！睇返支飲管嘅比例就知- 如果係正常size，可以比到5分～整體而言▪️味道 2 / 5▪️環境 3 / 5▪️抵食 1.5 / 5📍荃灣楊屋道8號如心廣場1期1樓105-107號鋪…Read More

經常都見有十數人排隊, 見網上食評不錯, 的起心肝來排一次試吓, 平日的晚上七時許, 等左15分鐘左近有位. 第一次食, 點了最多人叫的招牌紅燒腱心牛肉麵和三寶麵, 腱心牛肉非常軟腍, 口感不錯, 三寶麵有少許辣, 腱心、牛肚和牛筋各一件. 但有一樣令我不解的是紅燒腱心牛肉麵有三件腱心牛肉, 但比起三寶麵的那三件牛, 大小和厚度都小了一半有多, 價錢只相差 $8, 感覺很不值. 而粗麵的麵身太厚, 像食粉餅的感覺, 還是幼麵才有食麵 feel. 另外亦點了鹽酥雞、雞湯抄手、豚肉窩貼. 鹽酥雞外皮炸得很鬆化, 口感不錯, 但雞肉同樣鬆化得像粉的感覺, 不太實在.  雞湯抄手的雲吞都算合格, 豚肉窩貼就麻麻地. 飲品叫了胚芽珍珠奶茶, 這個毫無珍奶味. 總的來說腱心牛肉確有驚喜, 其他就不過不失, 有機會會再試埋紅燒牛肉(牛碾)麵 /濃湯雞麵/酥炸排骨麵.…Read More

適逢今日同奶奶行吓街，當然要帶佢食好嘢啦！見到段純貞就忍唔到入去，一於征服台灣牛肉麵😋餐廳坐位相當闊落，燈光夠哂光猛🤩由於奶奶好怕牛羶味，我哋就分別嗌咗兩款唔同嘅麵食！每款麵食都會配一小碟酸菜，酸菜入口爽脆，又唔會太酸，亦唔會嗱喉，越食超開胃，完全上癮！🔸三寶麵分別腱心、牛肚、牛筋，配料十足👍🏻腱心肉燉得好軟腍，完全無牛羶味，我忍唔住叫咗我奶奶淺嘗一口，佢食完都話好好食，完全唔抗拒，而且味道夠濃💯牛筋勁大條，有我三隻手指加埋咁粗😆肉質夠爽口又夠腍，彈牙又唔靭，簡直係一食難忘😍湯頭芳香撲鼻，帶有少少輕微嘅藥材味，飲落夠順口，又唔油膩，正👍🏻但如果湯頭可以再辣多少少，紅燒味道嘅感覺會再突出啲！粗麵口感適中，又唔會過硬或過腍，煮得啱啱好！🔹燉濃湯雞麵奶白色嘅湯頭，配上一隻黃油雞髀同一件厚雞件，未食已經令人垂涎欲滴🤤湯頭夠哂清甜，飲完後覺得喉嚨好滋潤！雞髀夠哂嫩滑，我奶奶讚隻雞髀唔會有雪味，食得出雞嘅鮮味，唔錯😊🔶滷水拼盤（牛肚/牛𦟌/滷蛋/豆干/鮮菌）牛𦟌夠腍，牛肚咬落好爽口，牛味十足！滷蛋係屬於溏心蛋，入口好滑，而且蛋汁流入口中，好香！豆干同杏鮑菇索哂滷水汁，夠哂入味！🔺冬瓜薏仁檸檬特飲入口已經散發淡淡嘅冬瓜茶香味，加上檸檬薏仁呢個組合，清新加清甜，飲完後，簡直可以美白皮膚加消暑🥰🔻荔枝乳酸飲料冰涼嘅乳酸，加上兩大粒荔枝肉，解渴之餘，又可以食吓生果肉，我最鍾意咁嘅配搭😝…Read More

之前看到段純貞開了幾家分店，最近做了半個荃灣人的我終於有機會來品嚐一下慢火牛肉湯底的手工麵！三寶麵 $92麵條可以選擇細麵或手工麵，手工麵比較粗身、厚薄不均，最能吸收湯汁，而細麵則氣孔多，配濃厚醬汁比較配。三寶麵有腱心、牛肚及牛筋，入味又軟腍，好吃！牛肉湯果然濃郁好味，而手工麵口感夠韌性。麻辣蒜味腱心半筋半肉麵 $88喜歡牛筋自然選擇這半筋半肉的。原來一頭牛只有大約五碗份量的牛腱心，油脂分佈平均而口感軟Q，真的太好吃了！湯底更是辣而不嗆呢！紅油抄手 $48抄手上面佈滿了芽菜，抄手味道不俗，餡料是蝦跟豬肉。冬瓜薏仁檸檬特飲 $30特飲佈滿了薏仁，不會太甜。金橘蜂蜜綠茶 $28喜歡熱飲的話金橘蜂蜜綠茶是不錯的選擇，帶點酸甜。員工服務態度非常好，環境不錯，食物味道也不錯呢！…Read More

過左開店熱潮呢間人氣店舖仍然非常熱門😍我地12:30等都等左有25分鐘到！而入面裝修十分有弄堂風味 食野都格外有feel兩碗麵到都會伴隨著一小碟酸菜 我地都覺得偏甜 不過浸落牛肉湯入面就好有滋味！🍜招牌紅燒腱心牛肉麵💰84同三寶麵唔同之處就係呢碗麵只係得腱心！而兩碗麵都有一條好大棵嘅菜🤣腱心有小小牛筋係入面同時肉係可以一條條撕落來 夠曬軟淋😉整體成碗湯偏黑 可能係豉油配方！🍜三寶麵 （腱心、 牛肚、牛筋）💰92有三種牛配料嘅牛肉麵口感會更加豐富！牛肚可以話浸到好淋好入味 牛筋我冇食到但係媽媽話唔錯🧋抹茶珍珠奶茶💰32叫左少冰都係覺得好多冰粒 而且一開始飲一啖覺得超甜 好後悔冇叫到少甜😥但係抹茶味都好出 珍珠同春水堂似似地偏細 好煙韌！冰融左D之後就覺得冇特別偏甜 但係仍然係超出正常範圍🤣推薦大家飲少甜！整體來講個坐位我地好滿意！面對著一塊隔板而且又特別有懷舊風味嘅裝修食飯都特別舒服😙…Read More

在荃灣辦完事搜一下看到這家新餐廳，店員有禮，聞到香味就進去吃了。朋友點的三寶麵（$88）有腱心、牛肚及牛筋，選了手工麵，朋友大讚湯濃郁，全部配料都很入味，說很久沒有在香港吃過這麼好吃的牛肉麵呢！紅燒腱心半筋半肉牛肉麵（$84）相對辣一點，但其實也就是非常的溫和，味道濃郁，腱心軟腍入味卻一點也不鬆散，太好吃了！整碗輕易KO！香麻醬涼拌豆腐（$48）屬濃味小吃，有很多豆芽，口感豐富，不過相對地沒有牛肉麵那麼驚艷。秘制酸梅湯（$28）酸酸甜甜，桂圓蜂蜜薑母茶（$28）感覺養生又足料，都好喝！…Read More

最近荃灣最紅的新餐廳，相信非段純貞莫屬這家台灣過江龍在香港開設的首家分店，每次經過如心廣場，必定看到排隊的人龍，所以又怎能不嘗一嘗呢位置：如心廣場中央位置，正好在Pacific Coffee的對面環境：裝修古式古香，有傳統的感覺服務：店員下單快、上菜收拾同樣很有效率食物：味道偏重，用料十足麻辣蒜味腱心半筋半肉麵 $84這款麵讓人第一感覺的肯定是其辣勁，湯頭香辣且蒜香味濃，喜歡重口味及辣的朋友一定會喜歡牛肉選用了較稀有的腱心部分，非常軟腍，而牛筋亦煮得很軟滑易入口太太選了像刀削麵的手工麵，易吸入湯頭且口感很不錯三寶麵 $88三寶麵同樣有牛腱心及牛筋，再加入同樣軟腍的牛肚，相當豐富最有特色是可以喝充滿藥材味的湯頭，十分養身本人選配了細麵，幼滑順口鹽酥雞 $48加點了台灣傳統的鹽酥雞，炸的酥脆，細細粒很易入口香橙乳酸飲料 $28乳酸飲料一直是太太最愛，這款飲料加入了香橙及橙汁，增添了一點香氣，亦有乳酸的開胃感覺冬瓜薏仁檸檬特飲 $30主要是冬瓜茶的味道，既有冬瓜薏仁的清熱氣，亦有檸檬的清新開胃，是很潤喉養生特飲這次光顧過後明白為什麼餐廳一直都需要排隊，不是因為店員效率低，反之全因食物水準比較高，若非疫情相信此餐廳開分店只是時間問題呢…Read More

雖然無o係台灣食過段純貞，佢黎到香港之後先第一次認識呢個名，所以無對比就無傷害見佢open rice寫住收8點，7:15p.m.果陣已經打定電話去問仲有冇得叫外賣店員好似覺得我呢個問題好ODD咁..停頓o左一陣之後答我仲有點解我會咁問呢...因為而家疫情期間，晚市外賣都好多變數，好多店舖營業時間同open rice講既唔一樣，打定去問無蝕既最後差唔多7:30p.m.先去到，門口都有幾個人等緊外賣，但落單後唔洗10分鐘就有得攞啦，都算快同埋買既時候我有要求分湯，佢就話本身佢o地都係分湯既，男朋友話佢o地用紙碗紙盒，感覺比較環保！我o地叫o左三寶麵配手工麵，經典紅燒牛肉麵配細麵同埋鹽酥雞手工麵因為係粗而扁果隻麵，浸耐o左都唔會話好淋，而且好滑身，比細麵更勝一籌 (細麵浸耐o左就變得太淋啦，無哂口感)而且三寶麵入面既腱心超級淋同滑，有入口即融既感覺，完勝經典紅燒牛肉麵既牛肉切片兩個麵都係用同一款湯底，有藥材味之餘仲有少少辣味，我覺得惹味得黎又夠特別，同其他地方既牛肉麵湯底唔同小食鹽酥雞就算凍o左食都依然夠香脆熱食就唔洗講咁JUICY啦！！如果之後有番晚市堂食，絕對值得返去encore ar！！不過男朋友話而家差唔多度度晚市外賣都有折，佢淨係比張印花卡，相對輸蝕wor..我就話佢咁好味，一定做得住啦…Read More

/段純貞🇭🇰/➖➖➖<台灣過江龍牛肉麵🍜> ➖➖➖不嬲都好鍾意食台灣牛肉麵荃灣如心廣場最近開咗間新店係台灣過江龍喺台灣應該都幾出名 引來唔少人排隊就算大約下晝2:00一樣要排 等咗大概15分鐘店舖主打台灣牛肉麵但係都有其他選擇麵份量十足 都幾飽肚！➖➖➖🔹主食🔹1️⃣三寶麵 (腱心、牛肚、牛筋) $88 (𝟟.𝟜𝟝/𝟙𝟘)呢個係店舖嘅招牌 可以揀幼麵或者手工麵呢款我就揀咗幼麵 都幾掛湯 但較易浸腍牛筋炆得幾軟腍 幾張口😍 有兩至三件牛肚就較為細件 而腱心肉質鮮嫩 肉嘅部份會佔多 邊位嘅筋都夠腍湯底濃郁 屬於麻辣湯底 但都接受到～喜歡更辣➖➖➖2️⃣麻辣蒜味腱心半筋半肉牛肉麵 $84 (𝟟.𝟠/𝟙𝟘) 本身呢個都係辣 叫左少辣 感覺上會比三寶麵辣啲🤭🤭呢款冇咗牛肚 其實同1️⃣差唔多不過餸嘅份量就較多！雖然佢話有蒜味但係唔算好突出轉左手工麵 口感煙煙韌韌 賣相有少少似刀削麵更喜歡呢款口感 感覺上啦啲會更惹味➖➖➖3️⃣滷水拼盤 $78 (𝟟.𝟛𝟝/𝟙𝟘) 有牛肚、牛𦟌、滷蛋、豆干同鮮菌 牛肚同1️⃣麵差唔多 呢款牛展會比較薄切同埋多根 但頗軟腍滷蛋有糖心嘅效果 滷水味唔算好出豆干就係平時嘅豆腐🤭➖➖➖4️⃣冬瓜薏仁檸檬特飲 $30 (𝟞.𝟠/𝟙𝟘)入面都有幾多薏米 煮得幾軟熟 唔會過硬檸檬味同冬瓜味都飲到 唔太甜～不過佢就係用冬瓜糖漿 味道無咁天然價錢有點少貴➖➖➖5️⃣冷泡凍頂烏龍茶 $30 (𝟠/𝟙𝟘)本身都鍾意飲茶 加上無糖無冰 幾健康 而且仲要用玻璃樽仔 視覺效果好d茶底幾香濃 無苦澀味 解渴又幾清新🍵➖➖➖📍段純貞…Read More

台灣排名Top5 的牛肉麵店終於來到香港在荃灣如心一期開幕啦！開張三天趁住有假期便與家人來試試這間過江龍的真味如何我哋一行三人 12點半到已見到人龍便跟著排隊限聚令下入面每枱限兩人大家都心急試食好快食完就走所以排隊都唔洗太耐20mins 就排到同店員說我們三人她也特意安排一張中間有隔板的四人枱給我們坐下看menu 也有簡單介紹店的招牌菜及麵底的分別我哋就試吓佢三款的牛肉麵 同鹽酥雞先上鹽酥雞炸得香口但雞肉未夠入味 食落有台灣夜市雞塊的感覺之後上麻蒜牛肉麵（細麵）先飲湯 有濃厚蒜味帶少少麻辣 湯味醇厚 果然有用心製作細麵與湯很夾 也較手工麵入味些牛肉軟冧好吃 對得起個價錢及網評之後上燉蕃茄半筋半肉牛肉麵湯底略為失色 蕃茄與牛肉味唔夠濃厚手工麵 與湯 各自為政 未能做到相輔相成最後上場三寶牛肉麵（手工麵）牛肉湯醇厚美味 牛肉牛筋牛肚都入味有咬口加埋手工麵及酸菜 出色 做到佢所講既相輔相成， 名副其實！以上麵食價錢當然是貴啦！但都叫物有所值，不妨一試！…Read More