龍點心 (Eastcore)

經過附近同屋企人過嚟食下點心四人歡樂套餐($488)好抵食我哋五個人再叫小小嘢都已經好飽份量都算多且足料大粒 環境舒服有裝修比傳統酒樓間中嚟試吓新派點心都唔錯選擇亦都好多 燉湯都有幾款 值得再訪🤤//四人歡樂套餐一龍大滿足($68)🌟懷舊燒賣4隻🌟厚切叉燒腸粉鳳爪拼金錢肚🌟蟹粉菠菜香蝦餃肉鬆馬拉糕黑金流沙包一口鹹水角🌟大澳蝦醬鮮魷卷🌟濃湯浸小棠菜苗鰻魚飯($80)🌟驢打滾.一龍大滿足有六粒不同的點心( 蟹粉菠菜香蝦餃 | 酸菜魚鳳眼餃 | 松露野菌晶瑩餃 | 筍尖蝦餃皇 | 碗豆桃子 | 鹹蛋黃墨魚燒賣 ) 好特別好創新 特別喜歡蝦餃及燒賣其他點心都出色 喜歡燒賣的一定要試吓.鰻魚飯價錢略貴 賣相精緻 仲有金箔片 鰻魚沒有骨 米飯好入味 又幾好食 .驢打滾第一次見第一次聽 原來係甜品嚟似麻糬捲住紅豆 煙靭幾好味…查看更多

這家新潮的點心店菜式精美味美，不僅點心好吃，其他菜式也很令人滿意。店內環境光鮮，裝潢新潮且懷舊，令人食得起勁，點菜以 QRcode下單方便快捷，閒來食下都唔錯。茶位收費 $10/位一龍大滿足 $68點心多款花多眼亂，每款各一的確滿足。松露野菌晶瑩餃：餃皮呈紫色，露香氣濃郁，配合野菌餡料，口感豐富；龍蝦汁墨魚燒賣：口感彈牙，咬落爆汁；酸菜魚鳳眼餃：微辣花椒味醒胃刺激，餡料蝦肉酸菜，加上魚塊，神還原酸菜魚的味道，好有特色；筍尖蝦餃皇：蝦餡飽滿，鮮甜彈牙；豌豆桃子：豌豆味道清淡；蟹粉菠菜香蝦餃：青綠色的菠菜餃皮，包住三文魚籽和蝦肉餡料，加入上微量蟹粉，用心之作。一口豆腐 $52外皮炸粉超薄呈金黃色，豆腐軟滑入口即化，外脆內軟口感強烈，少許椒鹽調味，非常推薦。黑金流沙包 $38賣相精美，奶黃內餡豐富，流沙口感十足，非常美味。鰻魚荷葉飯 $80飯係粒粒分明，味道清香，配料豐富有雞粒、香菇、蝦仁和蛋料，主角鰻魚肥美厚實，無令人失望，金箔點綴增添貴氣，值得一試。…查看更多

觀塘｜不一樣的點心 食出不一般的味道⸜(*´꒳`*)⸝.吃點心一定要去茶樓嗎？ 不是啦有可愛裝修、創意食材和特別菜式非得｛龍點心｝莫屬吧～✧*｡加上高質的食物，應該可以不停Encore吧～𝘿𝙞𝙨𝙘𝙤𝙫𝙚𝙧 𝙢𝙤𝙧𝙚 𓄼 𝘐𝘯𝘴𝘵𝘢𝘨𝘳𝘢𝘮:  @raven.diary 𓄹—｜ 𝙍𝙚𝙘𝙤𝙢𝙢𝙚𝙣𝙙 ｜✎  一龍大滿足  $62一次嘗試到6款不一樣的點心～酸菜魚鳳眼餃、 蟹粉菠菜香蝦餃、 筍尖蝦餃皇、 松露野菌晶瑩餃、 鹹蛋黃墨魚燒賣、豌豆桃子每款吃起來都有驚喜ᐕ)ﾉ🎉最喜歡藍色的松露野菌餃 和 綠色的蟹粉蝦餃！小心燒賣會爆汁喔～✽好味指數：★★★★☆/5.✎  脆脆富貴紅米腸粉  $48 紅紅的外皮超吸晴！腸粉皮好滑嫩⸜(*ˊᗜˋ*)⸝包著炸得脆脆的炸両皮，中間夾著大大粒蝦～一口咬下去，口感豐富得滿足！ ✽好味指數：★★★★☆/5.✎  黑金流沙包 (3個) $38包包喜歡者都喜愛的！♡ʾʾ綿綿的包～裹著剛好的流沙內涵 既香而不甜膩 我可以食多3個哈哈✽好味指數：★★★★☆/5.𝙒𝙝𝙖𝙩 𝙬𝙚 𝙖𝙡𝙨𝙤 𝙤𝙧𝙙𝙚𝙧𝙚𝙙…✎  黃椒醬排骨  $38✎  濃湯浸小棠菜苗  $48—｜ 𝘼𝘽𝙊𝙐𝙏 ｜⚐ 龍點心  @lungdimsum地址：    觀塘觀塘道398-402號Eastcore1樓4號舖人均消費：HK$140 (ppl)回訪指數：🤤🤤🤤🤤/5環境舒適：🪑🪑🪑🪑🪑/5…查看更多

觀塘高質精緻點心，有別於平時酒樓既味道平時食點心都係去酒樓多，今次就轉下地方，試下呢間係觀塘eastcore商場既點心專門店🫖。入到去覺得個裝修都唔錯，又有自己設計既公仔。另外你可以睇住師傅係廚房整點心，同傳統既點心店個感覺唔同。🤩--- 一龍大滿足❤️---總共有6款🥟，呢個拼盤係主打。粒粒既口味都唔同，又鹹又酸又辣。我個人就最中意個燒賣😍，個鹹蛋黃味幾夾。絕對值得推介呢個！👍🏻- 蟹粉菠菜香蝦餃- 鹹蛋黃墨魚燒賣- 松露野菌晶瑩餃- 酸菜魚鳳眼餃- 蝦旬尖蝦餃皇- 豌豆桃子---大澳蝦醬鮮魷卷🦑---份量相當足，炸得好脆又有口感，蝦醬味好濃郁，食落去好有滿足感😊😋---蘿蔔絲酥---個酥皮唔錯，入面既蘿蔔蓉內餡調味好好😋。---脆脆富貴紅米腸粉---又一主打點心！賣相十分好，配上沙律醬呢個食法平時食腸粉好少會可會咁配搭。平時都係就咁點豉油。不過食落個味都幾夾。另外送上三款醬料，豉油，泰式辣醬，花生醬。點哂所有醬一齊食唔錯。😋…查看更多

呢晚去左飲夜茶之前去開觀塘eastcore友和買野見到樓下有間點心專門店今次就黎試下原來仲有間灣仔店同好多點心專門店真係幾唔同呢度裝修用左好多燈光成間舖頭都好光猛仲有個開放式廚房寫字樓區應該都係日頭比較多人而且個商場係牛頭角站同觀塘站中間都真係比較偏所以都好多空位淨坐得幾舒服二人檯都大張舒服茶錢要十蚊位手機落單檯面就無點心紙既係門口有張餐牌睇番官網介紹話點心係經多個月研發再精挑其中四十幾款出黎餃類點心算係比較多款同埋餐廳希望創新都加左好多唔同特色既餡料即係以酒店級以外既點心舖都算係幾有創意不過價錢真係偏貴有唔少都係四十蚊以上見檯面仲有入會優惠壽桃系列都幾特意咁點心太過花多眼亂緊係要揀番個拼盤一龍大滿足有齊六種點心算係餐廳比較抵食既選擇其中有墨魚燒賣口感比較實淨而且入面仲有爆汁蛋黃職員上檯都有特別講明同傳統豬肉燒賣真係好唔同亦都有傳統蝦餃壽包入面綠色豌豆蓉賣相最特別都係藍色呢酸菜魚鳳眼餃不過堅係辣咁我地都有叫到傳統燒賣呢度全部點心都係即蒸上檯熱辣辣菠蘿包全名叫做拉絲菠蘿包造型同普通菠蘿包無咩分別但入面係芝士餡所以可以造出拉絲效果除左有唔同既餡料呢度亦都有特別造型既點心我地都有叫心呢個炸饅頭豬柳漢堡佢有饅頭夾住豬柳仲有塊芝士就成為左漢堡包最後呢個魚蛋造型既一口鹹水角一共有兩串魚蛋每串都有兩款顏色洗手間係商場入面要借卡先入到今日淨係食左五樣點心就無點到主菜價錢都真係唔平連茶錢加一都要二百七不過造型吸引餡料亦都比較特別同傳統幾唔同都可以一試既…查看更多

有留意開Vienn都知我好中意食懷舊傳統點心！今日就要介紹一間港式「點心專門店」既創新又懷舊，仲好好食！今次嚟到觀塘分店，裝潢都以橘色為主調外，入到門口有龍點心卡通公仔擺設，懷舊裝修，開放式廚房。今次雨神就話要🌻#菊花普洱茶 🫖🫖 #一龍大滿足 hkd$68🥟酸菜魚鳳眼餃 🥟蟹粉菠菜香蝦餃🥟筍尖蝦餃皇🥟松露野菌晶瑩餃 🥟鹹蛋黃墨魚燒賣 🥟豌豆桃子一次過滿足晒6種味蕾享受！其中有4款好食又創新；#菠菜餃🥟上面係三文魚籽，好香菠菜味，入面有蝦仁 ；另一款就係 #酸菜魚餃🥟 麻辣版酸菜魚，嗜辣+酸菜魚朋友仔要試 ； #黑松露素蝦🥟超靚紫色外表，一咬超香濃松露味；#鹹蛋燒賣🥟 呢個要小心食一咬就爆鹹蛋黃！ 🥮 #鰻魚荷葉飯 hkd$80厚切鰻上面有金箔點綴，飯裡面有蝦仁、雞粒、香菇、蛋絲，份量十足🫖 #羊肚菌燉水鴨 hkd$56估唔到咁既價錢，材料都咁足，而且仲好甜，冇揸流攤之餘仲交足功課有突🥮黑金流沙包 hkd$38中意食流沙包又點能錯過🫖脆脆富貴紅米腸粉 hk$48　老少咸宜既腸粉，粉紅色腸粉皮真係好吸引小朋友食，腸粉裡係將肉碎+蝦滑炸咗再包，內脆外軟，仲可以點麻醬、甜醬、酸甜醬！十分推薦🌟🌟🥮一口鹹水角 hkd$36可愛版一粒粒桔仔🍊造型既鹹水角，一口一啖，除咗靚仲好味🫖豆腐布丁 hk$28上面有芒果、士多啤梨粒；好濃豆香味既滑豆腐，中意食豆腐花一定要試🌟🌟Overall 嚟講真係每一款點心都「精緻」！創新嚟講冇「伏」仲要「好食」仲保留到「傳統特色」真係無可挑剔！人均消費$20X 完全收貨！所以真係好啱帶小朋友 + 中意飲茶既你嚟試吓😌如果大家中意俾個like支持下🤟🏽 𝗖𝗶𝗮𝗼~🥮龍點心 (Eastcore) (觀塘)🫖觀塘觀塘道398-402號Eastcore1樓4號舖…查看更多

龍點心觀塘觀塘道398-402號Eastcore1樓4號舖要加一，做新會員有得減50!味道評分:☄️(highest_surprise)/☀️/🌤(pass)/⛅️/💨(lowest)茶位 $10/位，另收加一服務費🫶🏻☀️一龍大滿足 $68(蟹粉菠菜香蝦餃 酸菜魚鳳眼餃 松露野菌晶瑩餃筍尖蝦餃皇 碗豆桃子 鹹蛋黃墨魚燒賣 各1隻）警世❗️有辣既item係好辣的~有後勁嗰隻🌝色彩繽紛🌈比較出色的是松露野菌嗰隻，松露味好出👉🏻名符其實🥰(碗豆桃子大家就唔洗試啦haha~)☀️龍燒賣 $46(懷舊燒賣 麻辣牛肉燒賣 滷水鵪鶉蛋燒賣 龍蝦汁墨魚燒賣 各1粒)有得一次過試4隻味心情都好啲🫶🏻麻辣牛肉燒賣👉🏻食落似辣版牛肉球滷水鵪鶉蛋燒賣👉🏻是辣的❗️龍蝦汁墨魚燒賣👉🏻少少爆汁😀食落似墨魚丸多過燒賣☀️鰻魚荷葉飯 $80應該係單品價錢最高之一😂鰻魚有3舊，偏厚身👉🏻味道都唔錯~雖然冇乜驚喜，但有時正常發揮已經好夠🥂🤣☄️脆脆富貴紅米腸粉 $48中中有6條食指咁長既腸粉！腸粉皮厚薄適中，勝在個皮好滑，而且入面有包住仲係脆的炸蝦🫶🏻外軟內脆加埋上面既沙律醬，好夾另外配有3個醬(甜辣醬,花生醬,豉油)反而好似都同個腸粉唔多夾喎🤯😂☀️紅油抄手 $42非常扎實的肉餡🫶🏻好飽滿🤓醬油唔太辣~⛅️驢打滾(2件) $38第一樣上枱既係尼個甜品🤯好彈牙糯米磁皮配非常之少既紅豆餡🥲我見個名得意就叫左👉🏻但你地尼個唔洗叫🤓晒quota😌❤️‍🔥(用手機落單)餐單有寫[致敏原信息]好貼心🫶🏻🌈整體黎講，食得過！有得睇又有得食🐒…查看更多

一直以來，對中式點心都是敬而遠之。原因與大多注重飲食健康的人士一樣，減少進食中式點心是減少吸收油脂和鹽分的方法之一。上星期在OpenRice搜尋觀塘區美食時，見到「龍點心」的品牌理念 —— 希望藉著新派創意的點心，在保留舊時滋味的同時，能透過食材創新，味道創新，工藝創新，重新「連繫」那股新舊情懷。並有7百多張精美食物相片，再加上2百多個「讚好」食評，決定與家人一齊品嘗一下。我們選擇最多食評推介的幾款點心，當中脆脆富貴紅米腸粉、肉鬆馬拉糕、一口鹹水角三款印象深刻。脆脆富貴紅米腸粉是原創點心。雖然紅米的味道很淡，卻包著有蝦肉味的脆芯，口感和味道即時提升，好味道👍🏻肉鬆馬拉糕的馬拉糕是一般的好味，洒上帶少少鹹味且脆脆的肉鬆，想再吃多一點😋。一口鹹水角是「創新研發」的成功例子。顏色作出突破，加上形狀改為球形，令我眼前一亮。放入口中又不覺油膩，有驚喜👍🏻…查看更多

勁鐘意食點心，今次收工之後就同朋友食呢間聚吓舊餐廳裝修幾靚，有特色，配色都幾醒神鳳爪排骨飯($58)味道正正常常，好味道，排骨同鳳爪份量足夠，食落入味唔會乾👍🏻經典不敗～脆脆富貴紅米腸粉($48)特色點心，第一次食用紅米做嘅腸粉，有少少似炸両，入面係香脆嘅炸蝦餡，食落好香口，配上3款醬食好滋味👍🏻👍🏻酸菜魚鳳眼餃($42)好鐘意😍佢係味道同酸菜魚一樣，好驚喜🤩啱晒鐘意食濃味嘢嘅我黑金流沙包($38)平時飲茶必食，賣相高貴，餡料做到流心濃郁效果，推介～～一龍大滿足($68)包含幾款特色龍點心新派點心，好味又睇得👍🏻👍🏻包括有荀尖蝦餃皇、松露野菌晶瑩餃、蟹粉菠菜香蝦餃、鹹蛋黃墨魚燒賣、豌豆桃子、酸菜魚鳳眼餃，推薦～可以試晒咁多款肉鬆馬拉糕($38)馬拉糕就食得多，加咁肉鬆喺面嘅馬拉糕就第一次食，肉鬆鋪到成個包面都係😍包體鬆軟👍🏻拉絲菠蘿包($38)擺喺甜品menu嗰邊，包餡充滿芝士，確實係做到拉絲嘅效果👍🏻咸甜適中，唔會好膩，菠蘿包面好脆，唔會一咬就散晒👍🏻好味道～…查看更多

我們兩個想簡簡單單食個點心午餐，但又不想去酒樓，之前在OpenRice 見到這間好像不錯，所以便去試試。除了觀塘，在灣仔也開了分店，所以為了慶祝分店開張，每枱客人都送贈一客甜品，我們叫了幾款點心，可以看以下照片，點心賣相精緻，味道也可以，其中一款點心叫一龍大滿足，就有幾款不同的蒸餃，有基本的蝦餃和燒賣，也有麻辣餃和斑斕餡的壽桃。地方就不大，像茶餐廳格局，服務員就可以啦！總括來說，是可以的，有機會我也會再去，試下其他點心。…查看更多

餐廳裝潢以港式懷舊風為主題，加上五光十色的霓虹燈，更顯點心店的熱鬧。點心的款式及種類新穎有創意，亦以QR code落單，十分方便。🔸一龍大滿足 🔹筍尖蝦餃皇 🦐餃皮有黏彈的筋性，餃餡蝦肉爽口帶香，混入爽脆清新的筍尖，爽滑彈牙🔹酸菜魚鳯眼餃 🐟入面有嫩滑既酸菜魚肉及惹味酸菜，仲有少許花椒調味，微辣又開胃🔹松露野菌晶瑩餃 🍄黑松露味香濃突岀，內有粒粒野菌，豐富得嚟亦好有咬口🔹蟹粉菠菜香蝦餃 🦀綠色菠菜餃皮包著鮮蝦及蟹粉，上面放滿三文魚籽，賣相吸睛亦很有口感 🔹鹹蛋黃墨魚燒賣 🦑一咬落口，香濃鹹蛋黃汁在口裏大爆發，配上鮮香彈牙的墨魚，很有特色🔹豌豆桃子 😋内裏的豌豆餡料亦十足，外形像一個迷你壽桃包，賣相吸引🔸厚切叉燒腸粉 皮薄的腸粉，透出每件內裡放有大大塊厚切叉燒，叉燒肉質軟嫩多汁，點上醬油，鹹香味十足🔸鳳尾蝦多士 蝦多士外表金黃，由原隻大蝦🍤配搭上薄脆多士一齊炸，炸得幾鬆脆可口，亦唔會太油膩。加上千島醬分外美味🤤🔸懷舊燒賣 燒賣一籠四粒，餡料飽滿😍豬肉醉加入香菇及脆卜卜蟹籽，味道口感控制得宜🔸黑金流沙包 熱辣辣的奶黃餡頗流心，咬下去微甜的奶黃，加上香濃的鹹蛋黃，食到停唔到口😚🔸紅豆沙奶蓋 超濃郁扎實的紅豆沙，甜度適中，加上香滑的牛奶，🥛為這頓飯畫上一個完美的句號…查看更多

🌈- 一龍大滿足 (9/10) $62- 蟹粉菠菜香蝦餃- 鹹蛋黃墨魚燒賣- 松露野晶瑩餃- 酸菜魚鳳眼餃- 蝦旬尖蝦餃黃- 豌豆桃子依個拼盤好驚喜😍每一款點心都好好食😋最特別係酸菜魚餃 雖然係偏辣🌶但勝在好夠酸菜魚味 超級特別嘅一款點心😛仲有個蟹粉餃都好出色🤩蟹粉香濃 蝦餃鮮味十足配埋上面嘅魚子 食完好似係個海度游緊水咁🥹個燒賣又係無得彈🫶🏻咬落去會爆汁⚠️然後有陣陣嘅鹹蛋黃味🍳豌豆桃子就同平時啲壽包冇太大分別整體依個拼盤好值得推介 未食過嘅可以每樣try一件😋真係驚喜唔係講笑😆🌈- 馬拉小籠包(9/10) $36啡啡地 細細粒 望落以為冇乜汁 (rhyme 咗😂)咬落竟然爆汁😛好juicy！好足肉味！兩個字 推介！🤩🌈- 鳳爪排骨飯(7.5/10) $56正常鳳爪排骨飯好大兜 飯粒都分明鳳爪同排骨都正常發揮😆🌈- 一口鹹水角(8/10) $32有別如一般鹹水角 佢上碟好似串燒咁串起左😆外皮夠脆 都好煙韌入面嘅涵相對少啲 但就唔會亞個胃咁多位😛可以試多幾款嘢食😆🌈- 大澳蝦醬鮮魷卷(8/10) $32另一道俾到驚喜嘅點心首先唔expect佢一份有咁多件🤣炸得好脆好有口感🍤入口陣蝦醬味真係好出 我唔識得食出係唔係嚟自大澳🤣但個味道真係好濃郁 好滿足😋而且唔會過鹹 個魷魚鮮味🦑係作為後勁咁上大份夾抵食 多幾個人分嘅就啱啱好😆Overall餐廳裝修好靚嘅，係行懷舊風，但中間又夾雜左新潮嘅設計元素係入面✨最重要係佢啲野食真係有驚喜。通常好多賣弄花巧嘅點心未必好食🧐但佢依間係兩者之間嘅平衡做得好出色，而且有一啲好有新意同大膽嘗試嘅味道。例如混合酸菜魚、麻辣等元素入去點心，出嚟嘅效果非常驚喜😍價錢亦到可接受，唔會好進激，依家觀塘分店新開張，每人仲送小甜品！😋絕對係一間食完會記得，會有興趣encore嘅特色新派點心店。🌈-一龍大滿足 (9/10) $62-蟹粉菠菜香蝦餃-鹹蛋黃墨魚燒賣-松露野晶瑩餃-酸菜魚鳳眼餃-蝦旬尖蝦餃黃-豌豆桃子依個拼盤好驚喜😍每一款點心都好好食😋最特別係酸菜魚餃 雖然係偏辣🌶但勝在好夠酸菜魚味 超級特別嘅一款點心😛仲有個蟹粉餃都好出色🤩蟹粉香濃 蝦餃鮮味十足配埋上面嘅魚子 食完好似係個海度游緊水咁🥹個燒賣又係無得彈🫶🏻咬落去會爆汁⚠️然後有陣陣嘅鹹蛋黃味🍳豌豆桃子就同平時啲壽包冇太大分別整體依個拼盤好值得推介 未食過嘅可以每樣try一件😋真係驚喜唔係講笑😆…查看更多

今次同埋媽媽去飲茶～室內裝潢好有特色～呢間龍點心好有特色～當日同朋友黎到都有唔少西裝友入黎用餐～一龍大滿足 $58一龍有6款唔同嘅招牌餃，色彩繽紛好靚！碗豆桃子裡面有綠色餡料都幾好味～筍尖蝦餃皇皮薄蝦餡料滿～蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、臘味糯米燒賣龍燒賣 $38有4款唔同既燒賣，當中麻辣牛肉燒賣都幾出色，因為都幾辣下～龍蝦汁墨魚燒賣咬入口幾彈牙～懷舊燒賣、麻辣牛肉燒賣、滷水鵪鶉蛋燒賣、龍蝦汁墨魚燒賣脆脆富貴紅米腸粉 $426條紅米腸粉，裡面好似炸兩皮咁脆脆再包住蝦肉，附有3個醬汁，分別為沙律醬、泰式辣醬同埋豉油，我同朋友一致應為紅米腸粉沾沾豉油最好食櫻花果凍天鵝酥 $48天鵝酥勁靚！岩哂女仔打卡用！外層超脆裡面包坐紅豆餡～都幾好味，中間既係櫻花果凍配焦糖醬。焦糖醬味道偏甜，如果配黑糖醬會更加好吧～羊肚菌瑤柱雞湯 $52健康既湯品～飲一飲湯清一清口腔都幾舒服～茶位 $8@1…查看更多

平時返工比較少飲茶，到放工有時想飲茶，現可以選擇飲夜茶，之前在觀塘道等巴士時見到龍點心，一於來個飲茶作晚餐，熱辣辣點心加飲杯茶，特別暖胃。晚巿有八折優惠，每個蒸籠都有個龍字配埋金色茶壺，好吸精。 一龍大滿足，價錢$58，外觀很精緻，一口一啖，籠內有六款不同的點心，有蝦餃、牛肉、仲有不同顏色外觀的餃款和桃形包。黑金流沙包、價錢$32，黑色包皮內含熱辣辣香滑流沙，流沙包香甜，正!鰻魚荷葉飯，價錢$78，荷葉飯味香噴噴，鰻魚放在飯面，鰻魚味香濃且口感彈牙，份量亦剛剛好。 鳳尾蝦多士，價錢$48，蝦多士熱滕滕炸得金黃，一碟三件，配上醬點多士，停不了的好吃，推介!紅油抄手，價錢$42，特別喜歡其醬汁，不太辣但又野味。…查看更多

行開創紀之城，工業區附近，見到有間新餐廳有得食點心，就嚟試吓：-食咗：▪️一龍大滿足 $58 ｜想一次過試多幾款點心，人唔多當然無理由各款叫一籠🫢所以多數都會食點心拼盤。呢個拼盤一籠有6款點心，包括筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、碗豆桃子。每款點心味道創新，睇完個名同賣相都唔太知佢係咩嚟，直接放入口食啦🤣▪️一口鹹水角 $32✨有別於一般鹹水角嘅形狀，以一串兩粒嘅形式串起綠色、橙色外皮嘅鹹水角，好似魚蛋咁🤣賣相夠吸睛，好有趣。個餡食落好似同平時食開嘅差唔多，睇返英文名先知係茄子同豬肉。▪️口水汁龍利魚腸粉 $42 ✨｜腸粉多數都係包蝦米、叉燒，從未食過腸粉入面有魚，仲要加辣？本住試伏心態去揀🤣🤣食咗先知係有驚喜嘅腸粉！口水汁唔算好麻辣，類似譚仔麻辣豬耳嘅汁咁，唔太食得辣嘅人都食得好滋味。軟腍腍無骨龍利魚被滑溜腸粉包住，加埋辣汁，好惹味。上面三款味道都比較創新，另外傳統嘢就試咗：▪️懷舊燒賣 $36▪️鳳爪拼金錢肚 $36▪️黑金流沙包 $32▫️茶位$8/位 …查看更多