Mokumoku Yakiton (永光商業大廈)

今日去完銅鑼灣購物之後就去咗銅鑼灣市中心附近啲一間專食豚肉嘅餐廳。一入到去𥚃面嘅陳設好舒服。打開餐牌原來豚肉都可以有咁多配搭嗰喎，一於樣樣都叫來試吓先！前菜店員首先送上每一位鮮蕃茄做前菜，比大家開下個胃先。豬肝暮斯首先注文了啲一樣前菜，豬肝食落非常之濃厚，另一樣開胃之選。燒鮮活魚佢哋每日喺日本輸入了新鮮嘅食材，呢一條活魚就係其中一樣了，燒得剛剛好，出面非常之香口，入面一啲都唔會好乾，正！原隻粒貝刺身另外一樣今日嘅重頭戲就係，原隻粒貝刺身，佢用完隻嘅粒貝，配上特製嘅調味，非常之有口感同埋Juisy。燒帆立貝海鮮方面仲叫咗原隻嘅燒帆立貝，食得出非常之鮮味美味，讚好。味噌煮牛筋 豬軟骨除咗燒物之外，原來係呢一度嘅煮物都唔差㗎，食落非常之香濃熱辣辣，很不錯的。西班牙黑豚肩肉串嘗試西班牙黑豚嘅朋友有福了，食落非常之香口有口感，Cool!豬大腸串 豬小腸串話明係專食豬嘅餐廳當然有內臟嘅串燒啦，燒得非常之易咬易入口。一藏豚骨湯拉麵佢哋嘅拉麵用上特製嘅豬骨湯，估唔到啲一度連拉麵都一樣好好食，食到連湯底都飲埋添。椰子雪糕 柚子雪葩最後叫店員送上了啲兩樣特色甜品，為完美的一餐畫上完美的句號。…查看更多

美藉老朋友來港遊玩數天，飲食節目全交托小肥安排，其中一晚細佬就帶咗佢去自覺為全年最值得返撻o既新店「Mokumoku Yakiton」。XO仔於一個月內重返，就連店員都認得出，估唔到店內咁快又增添咗唔少新o既豬仔擺設，咁當然係要影多幾幅相啦！適逢週四「Mokumoku 日」，女伴可免費享用指定酒品一杯，嘻嘻，經理哥哥為答謝小弟咁捧場，仲好客氣咁請哂頭輪兩杯啤酒添！見第一次幫襯時冇影到圍繞著開放式廚房排吧位，今次就補影返兩張，務求要與各大讀者分享。蒜子蕃茄沙律（$28）：第一道令細佬要再食o既就係已去皮o既蕃茄前菜。第二次再食，蕃茄都依然鮮紅爽潤，連友人都話個生蒜調味夾得好有驚喜，冇介紹錯！網油豬腦卷（$38）：另外一味要安哥o既就係初次食後仍念念不忘o既網油豬腦卷！起初女伴都超級抗拒，但聽過小肥形容得如何美味，結果就親身食埋；靚女話冇諗過豬腦可以咁滑溜油潤，最重要係個質感同個豬腦樣差異太大，完全食唔到腦部入面o既線條，頂面以香脆o既炸蒜片點綴先精彩，仲興奮到要即場po上網同全世界分享添！白金豚林檎紅薑卷（$34）：如果唔係經理哥哥推介，相信小肥都未必會試，因為未聽過「林檎」，又唔係太薑得。。。原來「林檎」係蘋果，師傅以白金豚肉包住一片蘋果，燒煮後再喺面加上白色o既薑汁。意外地，卷物o既豚肉外層薄而不溜，個薑汁蘋果組合更加係清爽醒胃，越食越想食。白金豚肉露筍卷（$32）：四款白金豚肉卷物全部都係以白金豚肉所包製，只有中間o既餡料不同。第二串露筍卷最為脆卜卜，既芬芳又清新。白金豚肉韮菜泡菜卷（$32）：第三串白金豚肉卷o既韮菜味比泡菜味濃厚，極之芳香，蘋果卷屬清爽開胃，韮菜泡菜卷則屬香脆惹味之列。（其實食時都冇諗住上載，所以啲相就影得求祈咗少少，還望大家見諒。。。）白金豚肉紫蘇卷（$32）：靚靚媽咪成日都話XO仔身體太多毒素，食紫蘇葉有助化解，心中想起媽媽了，所以就叫咗黎食。紫蘇卷o既紫蘇香可謂清麗脫俗，質感雖未唔算太過脆口，但其香氣慢慢滲進鼻腔，極為醒神。豬腩骨肉（$32）：人家為燒豚肉之王喎，咁就梗係要試多幾款上次冇試到o既款式啦！豬腩骨肉鬆軟潤甜且肉汁豐厚，塗面o既芥辣汁香得黎只屬微辣，非常協調。豬顎骨肉串（$38）：豬顎骨肉咬落比豬腩骨肉有嚼口，腍身中帶點韌度，而且肉味更濃，勁啱細佬口味！免治豬肉釀冬菇（$28）：記得細細個o既時候，媽咪最愛煮免治豬肉釀冬菇俾小肥帶返學校食晏，故對此味菜式情意結極深厚。「Mokumoku」出品o既免治豬肉釀冬菇並無一絲令人失望，反而令小弟尋回不少兒時味蕾o既記憶。外層燒冬菇鬆爽多汁，釀入o既免治豬肉更加係嫩脆甜美，真頭好味到要搵味吉陽一彈跳一番呀！一藏豚骨湯拉麵（$68）：燒肉店每日賣得最多就係豬，相信所剩下o既豬骨都唔會少得去邊，眼見餐牌上有豚骨湯拉麵喎，心諗個豚骨湯一定好足料。豬骨湯底濃而不俗，拉麵麵條煙韌有彈性，簡單混有筍條、蔥絲、碎蔥、紫菜及木耳絲足以令口感香脆豐潤。每逢有外國朋友訪港，佢地例必話要試新店，豬年未到，XO仔就遇上燒豬專門店「Mokumoku Yakiton」，月內先重複光顧，新舊菜式都試咗成二十幾款。因深覺環境可愛，服務周到，又夠氣氛，燒豚肉及內臟確真高質美味又抵食，絕對值得支持，下週即約同幾位美女再玩週四晚「Mokumoku 日」添；嘩卡卡，因為女仕們大多都唔飲，佢地免費嗰round咪益哂小肥囉！…查看更多

環境4分：日式居酒屋格局，成層咁大，又有吧位，夠casual，四周圍放滿豬仔公仔， 有毛公仔有cushion有玻璃擺設， 男女老少都睇得開心，可以畀四分。衛生5分：雖然個燒爐同廚房响吧位後面，但間舖都一Ｄ都冇好煙，抽氣好。枱面有個鐵桶放竹籤。又可以用個豬耙嚟將D串燒上面嘅食物分開，唔使整到成個嘴都係，絕對係有心思，衛生可以畀五分。服務4分：服務員都好後生下，識得主動介紹招牌菜，又會成日替換Ｄ污漕碟，可以畀四分。味道5分：1)      個蒜子蕃茄沙律好鮮甜，果Ｄ生蒜香得完全唔辣，真真好好食。2)      雞翼燒得好香，雞皮燒到脆卜卜，完全唔油。3)      牛舌都算厚身，完全唔會覺得韌，好爽下。4)      串網油豬腦卷又圓又油，灑响面Ｄ炸蒜片超嘢味，係正到嚇死人果隻！5)      白鱔串一上枱即刻聞到魚香味，絕對稱得上外脆內軟，D魚皮燒到脆卜卜，絕對忍唔住要encore。6)      白金豚肉露筍卷，露筍出面包住薄薄嘅豬肉片，燒得好香，食落唔過油膩。7)      燒秋刀魚原條上枱，仲長過隻手掌，呢個係屬於是日推介，因為係季節性，所以條秋刀魚好肥美，慢慢燒得好香。8)      燒羊架有成個拳頭咁大，唔似出面食到薄薄咁一片，唔算好騷但有羊味，都算係juicy果種。9)      豬小腸串有五粒粉腸，軟軟地淋淋地同粉粉地，同食開果Ｄ唔係好一樣。10)  豬大腸串有六個豬腸圈，燒得好爽，唔押。11)  白金豚肉秋葵卷，秋葵外面包住薄薄嘅豬肉，同露筍豬肉卷差唔多，一樣又香又好味。12)  白金豚肉茗荷卷好香豬肉味，中間個茗荷脆脆地，又唔油。白金豚肉韮菜泡菜卷呢就一Ｄ都唔辣，個韮菜味好出好濃烈。13)  一藏豚骨湯拉麵Ｄ麵好爽，個湯底非常濃郁，好有豬骨味，唔覺唔覺可以飲曬成碗湯。14)  明太子燒飯團，外邊有層紫菜包住，燒到外面好脆 ，入面都算幾多明太子，呢個飯團食完都幾飽肚下。抵食4分：輕鬆日式居酒屋環境，同周圍好多豬仔公仔，得意可愛無比，D串燒用心機制做，慢工出細貨，可以畀四分。…查看更多

在香港有好多專門吃牛吃雞吃魚的食店，反而最主要最經常吃的豬很少有專門店。MokuMoku 沙律用自己店名命名的出品，絕對不能失禮。鮮嫩味爽甜沙律蔬菜，加上即席切下來的油潤鹹香火腿，再淋上黑醋汁調味，健康得來味道口感豐富。豬肝暮斯 一向不太好豬肝，竟然一吃就十分欣賞這道菜。豬肝粒加芝士粒，蕃茄碎，放在梳打餅乾上。一口放入，豬肝和芝士入口溶化，再混入餅乾及蕃茄碎，口感腍軟中又帶清新爽脆。燒豬腸豬腸都算是我喜歡的食物，平時都吃不少，想不到這個燒豬腸很有驚喜。外皮燒得十分香脆，而入裡腍軟溶化，口感增次突出。鹿兒島產豬肉林檎紅薑卷 豚肉包著蘋果肉粒，豚肉沾上了清新酸甜的蘋果汁，蘋果亦盡吸收豚肉香，十分配合之餘更將味道提升，口感亦很特別。一藏豚骨湯拉麵最後店員推介了拉麵，質素比拉麵店出品更出色。豚骨湯底十分濃郁稠厚，可以感覺到是熬出來的精華，配上入味的煙韌麵條，好味到連湯清到底，不能錯過！最後店員送上柚子雪葩，消消飽滯油膩，十分圓滿！…查看更多

朋友愛吃串燒, 剛看到最近有家新的豚肉串燒專門店開張, 便第一時間跟朋友來光顧. Bar枱看到一目了然而整潔的串燒爐. 環境跟一般的居酒屋近似, 但沒有預期中的一陣味道, 看來抽風設備不錯. 牆上是豬的部份的日文名稱. 第一道的小吃是帶酸甜味的蕃茄, 醒胃惹味. 這晚的主食是串燒, 開始前想先多吃清爽開胃的沙律作頭盤. 以豚肉火腿為主角的沙律正合我意, 沙律的汁醬帶酸甜, 又是一道醒胃頭盤. 以豬肝慕絲為主角的一道餐前小吃, 一口吃起來, 與蕃茄, 芝士, 漬物融為一體, 很好吃. 現切的Iberico 36個月火腿, 除了切的厚薄恰到好處外, 選用36個月是非常不錯的選擇, 帶適量而不會膩口的油脂. 最讚的是盤子是帶暖的, 火腿帶著微溫更香口, 口感更柔軟. 豬肝口感鬆化, 醬汁令肝更惹味. 其實是黑豚腸的切薄片, 肉質彈牙充滿肉汁, 很好. 全晚最喜愛是這個豬喉軟骨串, 集煙韌及爽脆的口感於一身, 比雞軟骨更令人欲罷不能. 有彈性而肉味十足的一個部份, 稍稍用鹽吊起的肉味, 調味剛好.這道串燒其實就是豬油渣, 把肥肉放上去燒至乾脆, 口感比豬油渣要充實許多. 豚肉包蘋果的串燒是第一次試, 蘋果的爽脆及甜味竟與豚肉十分配合!紫蘇與豚肉的配合度極高, 紫蘇的香味提升了豚肉. 大腸腍滑, 近乎入口即化的口感, 比港式炸大腸要好味許多. 茗荷即是日本的生薑苗, 入口有清爽的辣味, 是配豚肉意想不到的好配搭. 最後的一道串燒朋友點了他的至愛蕃薯仔, 本來對這類澱粉質食物興趣不大, 但竟想不到地, 微焦的外皮看起來很吸引. 入口則是帶點甜香, 入裡鬆化非常. 下次也會必點這個蕃薯仔. 吃過蕃薯仔, 還是欠一點滿足. 店員這時的推介竟是拉麵. 對拉麵要求頗高的我, 這碗麵質雖普通, 但用上豚骨熬制的拉麵, 湯頭實在十分好味. 吃過拉麵滿足非常, 最後來上一個柚子雪芭作甜品, 清爽的酸甜味, 令人食欲大增, 又解油膩. …查看更多

「Mokumoku Yakiton」是新開的和食居酒屋，主打豚肉串燒美食。店內擺設呼應餐廳的招牌美食，四處也能找到小豬的芳蹤。在店中的當眼位置，掛了一塊「豬牌」，介紹豬肉不同的部位，只可惜小編不懂日文，未能領略箇中意思。 來到居酒屋當然要「飲番兩杯」！「作 惠乃智 純米吟釀」是店員的推介。雖然清酒未達大吟釀級別 (精米步合 60%)，但無礙濃甜酒意的發揮，十分容易入口。在品酒的末段，甜意稍減，酸味介入，予人一種類近氣酒的體驗。一連兩道沙律作前菜，「蒜子蕃茄沙律」以清甜多汁的嫩茄入饌，本已吸引。面上多加惹味的蒜蓉，更是錦上添花。 「MokuMoku 沙律」以店名定名，予人一份期待。沙律主要以不同的雜蔬為本，再引入多款爽口的瓜菜片，最後追加少量鹹香火腿作點綴。如覺得單是火腿未足夠豐富雜蔬沙律的味道，不妨添加數滴意大利黑醋調味，既富效果又健康。「豬肝慕絲」的鋪排有點像法式的鵝肝凍糕。這個做法的好處是能保持豬肝的原汁原味，好待大家集中品評其濃滑的滋味。吃時把整件豬肝慕絲一次過送於口中，能最有效體驗菜式的層次感。 「巴爾馬火腿」在西班牙餐廳十分常見，在和食店則比較少有。熟成了三年的火腿呈穏健的酒紅色，味道香而不膩。廚師特以以燒熱了的餐具盛載，能持續誘發火腿釋放更多油脂，令成品更甘香。「刺身盛合五款」內含赤蝦、油甘魚、海膽、三文魚及帆立貝五款刺身。整體而言，各刺身的品質賣相皆只屬一般，當中以帆立貝最為對辦。倘若同時兼顧刺身串燒有困難，建議集中資源做好串燒部份，這才是居酒屋的重點項目呀！ 吃畢冷盤刺身，總要吃點熱食暖暖胃，滾熱的關東煮是不錯的選擇。這份「沖繩豬手及牛筋味噌煮」，豬手做得十分軟腍入味，與牛筋同吃膠原質感雙重享受，很美味。「豬大腸、蒟蒻及日本蘿蔔味噌煮」也討人喜歡，尤其是日本蘿蔔，本質清甜，吸滿味濃及泛似柱喉腩汁的味噌汁後，風味十足。豬內臟串燒屬餐廳的「拿手」美食，雖然小編不嗜內臟，但入到寶山總要拿走一些寶物。「豬肝串」擁有獨突濃香的味道；「豬心串」則擁有軟彈的口感。與「上等豬脷串」比較，豬脷口感更為爽實。 「網油豬腦卷」以網油薄膜包裹豬腦炙燒，軟滑漏油。小試一件尚可，多吃還是覺得重口味。其餘不同的部位也可製成串燒：- 蘋果與豚肉一向是好朋友，同場出現往往能收事半功倍之效。「鹿兒島產豬肉林檎紅薑卷」就是應用了這段關係，味道甜爽甘香，並洋溢微微的薑汁辛辣，層次豐富。 「鹿兒島產豬肉蘆筍卷」是常見的豚肉卷物。「牛油果伴芝士」同樣經過炙燒處理，去皮後留下甜軟的果肉及半溶的芝士慢慢品嚐。牛油果面上放滿木魚絲，為菜式增添動感及一份和風味道。 「雞較軟骨」一向屬小編喜愛的串燒款式，脆卜卜送酒一流！「一藏豚骨湯拉麵」是喜出望外的作品，豚骨湯底濃滑稠厚，味道相當好，配搭煙韌的麵條，讚！以「椰子雪葩」作甜品，椰子味道清香，質感比一般雪葩「蓬鬆」，都幾好味！ 居酒屋為數不少，但以豚肉作主打食材的居酒屋則比較少有。在「Mokumoku Yakiton」享用飯餐，能一次過品評不同地方及不同部位的豚肉，再加上那碗富驚喜的拉麵，值得試試！ …查看更多

店舖位於地鐵站出口相距五間店舖，地點方便快捷。店舖門面以木條鋪設整幅牆身，燈飾店牌日式帶點調皮感。企條木門前擺放一排座椅供休息輪候。最後我們選擇了吧台座位，希望觀賞師傅燒烤同時了解一下日本燒烤文化及店舖特色。只有坐在吧台前ORDER飲品才會看到豬豬木杯墊，店家在日本各地找尋可愛豬豬飾物擺設，細心觀察可發現豬豬無處不在。店舖雖小但五臟俱全，環境舒服，食物高質，因座位確實不多，客人們想到店嚐吃請先預約。前菜：蕃茄蕃茄已去皮，入口清新鮮甜，肉質爽口多汁，清爽的開胃前菜。日式居酒屋基本上清酒只能一支支ORDER，除了不能一嚐多種款式外，酒力不勝的人還只能望梅止渴。店家貼心以杯裝形式銷售，令客人可一一嚐鮮。東洋美人 地帆紅 大吟釀hkd95入口輕巧利落，甜度較高飄出完熟果物香的交錯感，慢慢飄散，中後段清新果香交織，喝下帶點香甜餘韻，易入口無負擔。柚子x梅酒hkd65 入口柚香飄逸，柚香果味清爽，混住梅香，梅香味道濃郁芬芳，果味出而酒味濃，兩者配搭特別，入口柔順輕盈。豬肝慕思 hkd68入口豬肝軟滑甘香，芝士香醇濃厚，爽脆漬物及鮮甜茄粒，配上脆蘇打餅，清爽與濃厚混合而配搭。iberico ham 巴爾馬火腿 新張期間 hkd98 （原價hkd128）店家採用陶瓷碟，燒熱瓷器再擺上火腿，火腿遇熱後滲出油脂香，建議先吃貼碟的。店家選擇豬脾位置，肉味濃郁，肉質煙韌，油潤感十足，越咬口感越香醇濃郁。刺身盛合五款hkd298 赤蝦：肉質綿絮軟滑富膠質，香濃鮮甜三文魚：肉質柔軟，咬下重重魚香，鮮甜不腥油甘魚：肉質爽口，口感柔軟嫩滑，味道甘甜海膽：入口軟滑細緻，味道香濃富天然海水味，化在嘴間帆立貝：肉質柔順細嫩，咬下軟糯，入口鮮甜甘香推薦朋友門吃完刺身及冷盤可以選擇幾道味噌煮，暖胃一下。味噌煮 牛筋hkd28：牛筋柔軟富彈性，入口軟滑富韌性，味噌融入筋肉內蒟蒻hkd18：彈牙爽口，入口滑溜豬手hkd38：師傅把豬手炆至軟腍，豬皮軟熟，筋骨易解蘿蔔hkd18：質感軟腍無根，味噌完全吸附在蘿蔔內，咬下鮮甜燒物：店內有別於普通燒烤店，除了肉類大受好評外，內臟亦相當受歡迎。因內臟要花很大精力才能保持高品質，無論在食材來源、保鮮處理、清洗、烹調都需要嚴密把關，基本上沒有店舖願意花昂貴成本及心思於此，即使內臟有各種豐富營養價值，我們也難以在其他店內尋得踪影。MOKUMOKU老闆為了讓客人們嚐得此美食，依舊引入這美食。店內所有內臟燒物均是用即日新鮮豬製造，食材嚴謹把關，保持食材新鮮高質，以達到最完美的水準。豬腰hkd28 水潤脆嫩，能保肝護腎，增強免疫豬心hkd28 有別於平常店 肉質硬實，店家師傅以獨家秘訣特制，使肉質爽口柔順豬顎骨肉hkd38 （新）彈牙爽口而香嫩，口感與一般豬肉口感不一樣，味道香口牛油果伴芝士hkd48 牛油果更creamy綿絮，芝士濃厚，淡淡奶香草香上等豬脷hkd76/2 肉質堅實，熟後無纖維質感，爽口鬆軟豬肉蘆筍卷hkd64/2 蘆筍幼嫩，豬油滲透入蘆筍，更香口惹味鹿兒島產豬肉林檎紅薑卷hkd68/2（新）師傅用薑汁淋在蘋果再用豬肉卷住，咬下豚肉香口，內里質感軟滑水潤，微辣豬肝hkd28 豬肝補血，亦含豐富蛋白質、肝糖、肝素、維生素等營養素，口感軟嫩帶點嚼勁西班牙黑豚肩肉hkd38 豬肩肉肥瘦適中，亦無粗糙纖維，咬下肉汁香濃，油脂滲出豬耳芝士hkd32（新）豬耳爽口彈牙，濃厚芝士配上咸牛肉蓋面，咬下多重口感厚切牛舌hkd58 口感富有彈性，肉汁豐富香氣撲鼻，有種融化在口中之感燒白鱔hkd48 生燒白鱔魚皮香脆，內里肉嫩滑而柔軟，鮮甜而不腥豬生腸hkd34 爽口彈牙，內里沒有任何脂肪膏狀等，外皮微脆，咬下香嫩食事：一藏豚骨湯拉麵hkd68店家誠聘經驗豐富的拉麵師傅，以新鮮豬骨熬製湯底，入口鮮甜香濃而不油不膩。拉麵質地柔韌有彈性，咬下爽滑，配上鮮製香濃豬骨湯底，相映生輝。聽聞開業至今，每位顧客也把麵湯吃清光，確是有它魅力所在。甜品：椰子雪葩hkd96/2雪葩顏色奶白，冰凍奶滑質感，入口椰香味濃烈，味道濃厚而細膩。整體而言，店家態度熱情親切，細心介紹食物特色，店內食物新穎高質，盡顯心思，環境簡潔舒適，價錢實惠划算，性價比極高。六月新開業期間一律八折優惠、V.I.P.九折或十點後所有酒水買一送一優惠，店舖零辰一點才關門，必讓你盡興而歸。 …查看更多