一家

餐廳：一家，米芝蓮必比登推介 (2023-2024)地點：筲箕灣形薈菜式：新派上海菜餐牌：前菜，湯，點心，主菜，素菜，餃子，蟹粉，麵，飯，甜品等等。飲品有果茶，芝士雲，清新系列，果龍味，酒類，汽水等等。另外都有套餐，期間限定等。午市有經濟實惠午市客飯，包一個餸，前菜，例湯同白飯。前菜係蒜蓉辣筍，辣辣地帶好香蒜蓉味，餸飯一流。例湯有雪耳，南北杏同紅蘿蔔，帶好香豬肉味，好清甜。白飯一大碗，較乾身，必飽。糖醋魚塊 $70 另加一糖醋魚塊7塊大大塊，味道甜甜酸酸帶鹹，好開胃，口感外脆內嫩，伴有好多菠蘿，燈籠椒同炒。份量好大碟。另外係主餐牌多叫幾個餸。櫻花蝦麻醬秋葵 $68 另加一新鮮秋葵段排得好好，頂頂加有櫻花蝦仔，再加有大量胡麻醬。味道係爽脆清甜秋葵配香濃胡麻醬，健康得黎又夠味。滬江油爆蝦 $108 另加一滬江油爆蝦有超多蝦，連殼炸，炸得好脆，連殼都可以吞，味道少少甜甜地，幾好味。一家三絲伴冷麵 $108 另加一一家三絲伴冷麵有一大底黃色幼麵面頭鋪上火腿絲，雞絲同青瓜絲，再灑上黑芝麻粒。附上胡麻醬，醋，辣油同豉油比你自己調味，賣相震撼。麵條夠咬口，蛋香十足，加埋唔同絲條仲可以加添口感，夏天食呢道菜正。呢度居然有多款特飲，係以一家人命名，而且價錢唔貴。嬌滴滴姪女 $40 另加一芒果芝士雲，香片呢杯嬌滴滴姪女賣相好正！芒果芝士雲多到瀉，但係又唔會瀉到落枱。芝士雲又滑溜又重芒果味，配啖啖香片茶味道好夾，而飲到下底仲有好多新鮮芒果肉。熱情嬸嬸 $34 另加一熱情果，菠蘿，汽水熱情嬸嬸超大杯，味道清甜解渴，仲有好多熱情果籽同菠蘿肉。炸芝麻團 $49 另加一炸芝麻團一客五粒，用木籃上枱，好美觀。熱辣辣炸芝麻團炸得外脆內鬆，中間有黑芝麻流心，好香芝麻味。四寶茶每位$8。總括而言，呢度食物飲品都好有特色，質素都唔錯。餐廳裝修好有中國特色，卡位特別靚同有私隱度。…查看更多

受米芝蓮加持的上海菜餐廳終於被我發現了。環境乾淨，充滿舊上海的色彩，食物美味且性價比高，絕對值得一試，尤其在中國節慶期間更是不二之選。小籠包 $88一客四件，皮薄煙韌，不易穿破，湯汁滿滿，餡肉鮮美，味道相當不錯。七里莊酒糟醉雞 $88雞肉軟嫩入味，花雕酒香而不苦澀，這道冷盤水準高且價格親民，絕對推薦。一家三絲伴冷麵 $108冷麵彈牙嚼口，先撈胡麻醬汁，再加點醋、豉油和辣油，濕潤的口感更為滋味。配料包括雞絲、青瓜絲和火腿絲，簡單卻美味。外婆墨魚烤紅燒肉流心蛋 $168五花腩肉肥而不膩，炆得入味，紅燒醬汁甜美，連墨魚也吸收了醬汁的鮮味，口感彈牙。流心蛋都有水準，正。醬炒空心菜 ($82)空心菜爽脆，搭配蝦醬炒，鹹鮮美味，十分可口。香茅檸檬薏米水 $34淡淡酸甜的薏米水，有助於清熱解濕，奇妙地加了糖冬瓜，甜甜地幾好。香水表舅父 $38香水檸檬特飲清香怡人，還有蜜糖爆珠，帶來甜蜜的驚喜。缸鴨狗玫瑰桂花湯圓 $48湯丸外皮軟糯，內餡芝麻口感細膩，湯底清甜且帶有桂花甘香。…查看更多

frd子話有神秘活動約我出筲箕灣，原來想上龍脊行山，呢排成日黃紅黑雨交替，所以我即時狠狠拒絕 變成筲箕灣搵食，揀左位於小商場形薈的「一家」，由2023開始連續3年係米芝蓮必比登推介餐廳座位闊落 環境舒服(乾淨企理很重要) 可以慢慢嘆茶，裝潢走懷舊路線豉椒炒蟶子 $198蟶子隻隻有肉 爽口彈牙 新鮮~ 師傅炒得幾有鑊氣 一上枱已經好香紅油抄手(5粒) $68紅油香辣偏甜而不膩，薄皮抄手再加蒜泥 包滿醬汁入口，惹味的 口水雞 $88辣油是少辣口味 主要是充滿麻椒香 再加上少少麻醬 汁底一流，雞件嫩滑嫩滑的一家三絲伴冷麵 $108大大份，附上一碗芝麻醬 (唔夠的話可以再添)，清爽不油膩 夏天食呢個唔錯，個人太喜歡口水雞個汁底 用個汁再拌一拌 正！缸鴨狗玫瑰桂花湯丸 $48即時上網check先知缸鴨狗=寧波湯丸，是夜黑芝麻口味的喔，除左經典桂花酒釀的配搭外，再加上少少乾玫瑰花，添了絲絲少女氣息溫文爺爺 $40椰子芝士雲+伯爵茶+海底椰芝士奶蓋有少少yogurt味，淡淡的伯爵茶中加入了椰果同少少椰絲，有D甜品feel紅卜卜堂妹 $34士多啤梨+荔枝+蔓越莓+汽水雖然係紅色 不過唔係藥水味🤣，喜歡它自然的酸酸甜甜+bubble，refresh又令成餐飯有個變調*茶介 @$8*收+1服務費*菜式選擇都幾多 除左經典上海菜式，仲有新派果茶*店員姐姐們感覺好有人情味 見佢地會同熟客仔傾計*位置好近巴士總站同MTR(OpenRice建議提供單據)…查看更多