楓 (已結業)

楓嘅位置唔顯眼，要入到仁安大廈嘅走廊先見到，我都係見其他Foodie介紹而嚟食，而且見佢以烤蛋糕做堂食正餐menu，睇嚟對蛋糕幾有信心😯 另外見到menu有希臘乳酪雪糕，但當日售罄啦😢•🥢 丸久小山園焙茶醬烤蛋糕 $158烤蛋糕係2人份，圓碌碌嘅烤蛋糕係比較扁嘅，大概1-2cm高，上面鋪滿一層焙茶醬，蛋糕質地偏綿密，同又好鬆軟濕潤，蛋味超香，有啲似綿密版嘅台灣古早味蛋糕，加埋上面嘅焙茶醬一齊食，感覺都係蛋糕嘅蛋味突出啲，但單獨試過焙茶醬，焙茶味都好濃！如果兩者平衡返少少會更加正，但烤蛋糕同焙茶醬，再加埋旁邊燒咗焦糖嘅香蕉、藍莓、士多啤梨、朱古力碎、蕨餅同小丸子，好有日式嘅感覺，食完幾滿足～•🥢 テープ大阪燒（帶子）$98大阪燒份量都唔細，面頭鋪滿京蔥，仲有大阪燒唔可以無嘅醬汁、木魚碎同海苔碎！不過呢到嘅大阪燒唔只得章魚，仲都其他配料可以揀，我哋就揀咗帶子，迷你帶子細細粒夾喺大阪燒入面，幾彈牙，中間仲有啲蟹柳粒同菜，唔會好多麵粉而令到好結實，仲有樣幾特別嘅係中間好似有啲咖哩味🤣係幾有趣～•🥢 可可豆乳 $58 (跟大阪燒-$20)上台嘅時候係好靚嘅漸變啡色，豆乳表面仲灑咗一層厚厚嘅可可粉

✨ テープ大阪燒（帶子）（$98）（7折後 ➡️ $69）扇貝柱份量多，切開大阪燒亦充滿洋蔥粒、章魚粒、椰菜、粟米等材料，面層仲灑咗唔少木魚絲同加咗甜甜哋嘅醬汁，足料飽滿 😙。✨ 意大利可可榛子醬烤蛋糕（$138）（7折後 ➡️ $97）邪惡之選 😈，蛋糕淋上榛子醬再加埋蕨餅、白玉等配料，另外仲有焦糖香蕉、士多啤梨同藍莓，十分豐富，加水果相對哋亦都冇咁Heavy 😝。蛋糕嘅口感有少少似Pancake，鬆軟少少綿。份量適中，二人Share就唔會太膩岩岩好 😙。✨ 焙茶豆乳（$58）（7折後 ➡️ $41）用上小山圓焙茶，濃度適中。✨ 蜂蜜柚子梳打（$38）（7折後 ➡️ $27）甜甜酸酸嘅蜂蜜柚子配上梳打，清新之選 😗。·旺角新開張嘅小店，位於內街相對哋亦比較寧靜（可以留意返係商場入面唔係對大街，我去嘅時候都揾咗一陣先揾到 😂）。店舖主打烤蛋糕同大阪燒，裝修以木為主軸，有少少日系家庭式嘅Feel 🫶🏼。順帶一提依家新張期間餐點仲有7折優惠，有興趣試都可以留意返優惠期 😙。·📋 需加一服務費💰 $365.2 （7折後 ➡️ $257.4）