8大好味雞翼推介超多口味雞翼專門店、日式餐廳招牌夢幻雞翼

「燒雞翼我至鍾意食～」相信唔少人由細細個開始都好鍾意食雞翼，今次介紹8間有好味雞翼嘅餐廳畀大家，有雞翼放題、雞翼專門店同供應雞翼菜式嘅餐廳，雞翼控快啲記低啦！

超多口味雞翼放題/套餐 Wingman

佢哋嘅雞翼先放入八種醃料醃過夜，然後放入暖水中慢煮一個鐘，等到狀態半生半熟嘅情況下拎去炸，咁樣先做到皮脆多汁！供應約19種口味雞翼，包括黑椒檸檬、蒙古燒烤味、黑芝麻海鮮蜂蜜醬同巴馬臣芝士蒜蓉味等，單點同套餐都有，仲有放題，鍾意雞翼嘅朋友去到一定心心眼。

另一間雞翼專門店，呢間就有好多創意fusion口味，仲加入咗唔少本土特色。如港式避風塘蒜香雞翼同港呢D友情萬歲檸茶口味，前者香脆惹味；後者甜甜地帶檸檬香。當然唔少得甜蜜蜜嘅招牌文青玫瑰雞翼喇！

來自名古屋嘅夢幻雞翼，究竟佢有幾夢幻呢～唔係咩特別華麗嘅雞翼，但調味調得好好，食落鹹鹹香香，而且外層好香脆，叫嚟送日本酒真係一流呀！仲有雞翼說明書教大家點食，好貼心～

觀塘人氣咖啡店，除咗梳乎厘班戟仲供應好多鹹食㗎，好似鹹蛋黃雞翼就好受歡迎。雞翼嘅外皮炸得好香脆，雞肉滑嫩有肉汁，每一啖都散發住濃郁嘅鹹蛋黃香氣，濃郁程度適中唔會太膩，出色！

一間超出名嘅美式漢堡店，原來佢哋連小食都幾唔錯㗎～供應3款美式經典口味嘅雞翼，分別係蒜香、水牛同Cajun，蒜香味香濃之餘帶少少蜜汁甜甜地；Cajun香料就好突出，雞翼都好大隻同飽滿，juicy～

圖: L_CY

來自美國主打炸雞嘅快餐店，推介佢嘅奇趣辣雞翼雞鎚，香脆又唔油膩充滿肉汁，一份出色炸雞嘅基本嘢佢都做得好好！味道方面辣辣地幾惹味，而且佢包裝會打埋氣孔，就算外賣返屋企都一樣脆。

呢間日式餐廳內好受歡迎嘅燒明太子雞翼，一上菜已經聞到好香嘅炸雞翼味，入面釀咗大量明太子，一入口充滿明太子嘅鹹香，大滿足呀～

回到港式嘅味道，又點少得家庭菜式常見嘅豉油王雞翼呢～呢間茶餐廳嘅豉油王雞翼係人氣小食，隻隻雞翼都肥大肉厚及充滿油光，入面肉質嫩滑，又夠入味，色香味齊全。

文: Yanica