麥當勞嘅北海道系列似乎好受歡迎，所以由12月7日，除咗再加推新口味漢堡包之外，仲會有限時優惠價畀番各位客人添！另外麥當勞亦為聖誕節推出小遊戲，自娛又可以送畀朋友仔，夠好玩！

新推出嘅北海道三文魚‧菠蘿堡，入面有北海道三文魚餅、菠蘿片、明太子醬、清爽生菜片等配料，味道酸甜開胃，同炸得香脆嘅三文魚餅好夾。

而且，三文魚餅亦好厚肉，食落充滿油香。新漢堡用嘅麵包皮亦有所不同，面層會帶點脆感。連埋薯條、汽水，一個套餐價錢都只係$28咋，好抵食！至於鍾意北海道三文魚堡嘅粉絲們，亦做限時優惠，$24就食到整個套餐！

另外，麥當勞亦加推牛油果蓉莎莎醬薯條，喺香脆薯條上面加入分量多多嘅牛油果蓉，以及酸甜莎莎醬。

牛油果味好濃，而且分量好足料，加埋酸甜莎莎醬，好惹味。套餐加$4就可以食到！

聖誕限「玩」！自彈自錄聖誕卡

為咗今個聖誕節，麥當勞亦整咗個小遊戲。只要嘟一嘟QR code，將電話變得彈出音樂嘅琴鍵，你就可以錄低自己彈出嘅聖誕音樂，然後再送畀朋友仔。既可以自娛一番，又可以向朋友送上聖誕祝福，幾得意喎！操作起嚟亦好簡單，好易玩，彈番首演奏級嘅聖誕歌曲無難度！

然後再揀番心水聖誕卡圖案，加埋自己寫嘅祝福句語就可以send畀朋友喇，whatsapp或者facebook傳送都得架！

麥當勞
地址：北角英皇道460-470號樂嘉中心地庫5A號店

文：Joy