從小學起就愛上車仔麵，站在麵檔前左點右點，拼湊出最適合自己的味道，最重要是價錢相宜，負擔得起。車仔麵之所以叫車仔麵，源於五十年代小販推著設有一格格的木頭車販賣麵食，現在車仔麵入舖後魅力不減，大家也愛不時回味這種香港味道。
港島區
 (Photo by glucose) | 榮記粉麵 繁忙時間，榮記門外總是有長長的人龍，此店由30多年前的巷仔檔開始，做到約於10年轉入地舖，受歡迎程度有增無減，原因是有鎮店的家傳鹵水汁及雞翼尖，車仔麵配料有20多款，當中的豬大腸、豬紅和蘿蔔都是熱門之選。 為食大面：最難忘是那兒一年四季都可以食到腩汁西洋菜，菜爽口加上腩汁濃味，正！雞翼尖亦是必食之選，因為入味及剛剛好夠腍。 |
 (Photo by 小臣) | 車仔麵之家 店舖太細不設座位，但就算要「立食」，亦無損客人品嚐的興致。以大量雞肉及豬肉熬成的湯底、洗水洗足兩小時的豬大腸、酸齋、蘿白、魷魚鬚都是主打配料，還有馳名的及沙嗲醬，食家形容為車仔麵的精華所在，食過返尋味！ elmotoro：魚旦實肉唔會腥，豬紅煙煙靱靱，酸齋入味，油麵有種講不出既好味，再加上濃濃既湯底，超級好味…我覺得全港九新界無乜邊間係好味過佢喇。 |
 (Photo by YoungCouple) | 新記車仔麵 嗜辣的，對新記車仔麵應該不會陌生，因為這裡的號召力就來自秘製辣汁，麻辣的醬汁呈棕黑色，令人回味無窮的味道實在只此一家，因為是老闆娘的獨門秘方。除了辣汁，還有入味的辣豬紅、辣豬皮，不嗜辣的可選清甜無渣的蘿蔔及炆至軟腍的雞翼尖等。 SMASHING PUMPKINS：全碗麵的靈魂，就是在面頭的辣汁身上，小小份量真有點石成金之效，入口香濃，其頭辣度一步一步轟炸閣下之味覺。其後的濃厚餘韻，仍然留在口腔內。 |
九龍區
 (Photo by DragonFire) | 車品品 車品品的「車」不是指車仔麵，只代表街邊木頭車售賣的小食，其出品的車仔麵亦不夠碗仔翅、魯肉餃及真油渣出名，但亦不乏捧場客，客人尤其喜愛清甜無渣的蘿白，貢丸選用純豬肉製造的正宗台灣新竹出品，真材實料又無味精，亦可一試。 DragonFire：再來的是女友要的車仔麵，牛腩炆煮得入味而且非常的腍，牛筋亦已入味至變成深啡色，至於蘿蔔，女友吃完一口便不斷地說：好甜、真係好清甜。 |
 (Photo by 凱~) | 文記傳統車仔麵 牛頭角有多年歷史的車仔麵店，陪伴不少居民成長，魷魚、魚蛋、豬腸都質素不俗，還有車仔麵少見的柚皮及酸齋，馳名的還有煎釀三寶。不過因舊區清拆，此店將於今年底結業，不過附近已開了新店，舊店有風味，而新店則較寬敞。 r_a_g_e：叫得做傳統車仔麵，味道的確好傳統，d腩汁，真係煲幾十年種，好有風味好難得。$4-7一樣，唔算平，最特別係─柚皮！整柚皮一d都唔簡單，呢度竟然有！仲係好香好入味又好淋wo！ |
 (Photo by SMASHING PUMPKINS) | 靚靚車仔麵 尖東出名的車仔麵店，老闆為柬埔寨華僑，其出名原因是配料特別多，除了一般的牛腩、豬皮、雞翼尖，還有老闆的家鄉菜潮州菜脯蛋和韭菜蛋，亦有泰式魚餅，車仔麵配料加上小食有近百種選擇。 猿渡久美子：蘿白甜無渣，肯定無落冰糖煮，牛腩就一般啦，柚皮煮得夠腍，正~呢o的整得咁麻煩o既車仔麵係好少有o架。 |
新界區
 (Photo by Fabulous Jay) | 永年士多 永年的車仔麵，湯底、麵以至配料都屬一般的質素，其辣汁才是車仔麵的精華，分大、中、小辣，就算很多食得辣的人也只敢叫中辣，其辣度可想而知，很多非元朗人都為此慕名而來。 chizu：這間雖然食物普通，但勝在夠辣，店內每一個人都是一邊吃一邊拿紙巾抺汗，除非他不是吃辣。 |
 (Photo by 豬娜) | 萬利小食店 大埔區的街坊小食店，雖然環境衛生麻麻，但由於位置方便且價錢便宜，成為不少人的速食之選。車仔麵配料的牛腩、雞翼尖、辣魚蛋、蘿蔔、豆卜、墨魚丸、鳳爪都是熱門選擇，加上帶點辣的沙嗲醬最正。 嘴刁小妹：推介車仔麵~11元2個餸咋！其後都係加3.5元一個餸左右~真係食過咁多間覺得最好食呀！不但湯底濃郁夠味~而且配料亦不賴！ |
 (Photo by meow+wow) | 西貢松記車仔麵 是名人效應或者甚麼原因不得而知，只知這間車仔麵頗聞名，很多食家都慕名而至，但不少食評都說有點言過其實，或者是希望越大，失望越大之故。此店最大特色是管理好，環境衛生，但好評數量明顯是從前比現在多，老闆是時間探究原因了。 meow+wow：豬手和牛筋腩是招牌菜總能不試。牛筋腩味道不錯，而筋位很腍很入味。豬手真的沒有毛，很乾淨，食得安心，哈哈。 |