1974年由William、David、Alexander、Michael、Terry幾兄弟開設嘅樂意扒房，負責人今早接受電台訪問時透露沙士難關都捱得過，但最近租金唔合理地加，佢哋終於捱唔住，下年就要結業。
樂意曾經係好多高官、議員、律師、醫生、銀行大班嘅飯堂，一聽就知同金雀唔同，價錢唔係走平民路線，呢度有幾樣賣點，第一好浪漫嘅舊式扒房環境；第二就係優質服務態度，侍應咩都會問過客人；第三當然係食物，有幾款招牌菜如花膠配牛柳、燒斧頭扒、火焰雪山等，有啲仲會喺你面前煮同加工，可以話係港式豉油西餐嘅頭幾位。
不過睇返OpenRice上嘅食評，都有唔少人話侍應Hard Sell，味道無以前咁好，而且偏貴，晚餐要成五、六百一個人，值唔值就見仁見智，想去懷舊之前就諗清楚，但可以肯定嘅係，港式扒房執一間少一間。
文:龍
圖片及資料來源： 樂意扒房/Yan~*/ tamelel/asheyashley
讚好OpenRice專頁！
