隔夜都好食的飯糰
講到日本，點可以唔提飯糰？雖然香港便利店都有飯糰，但係飯質生硬，餡料既少又唔新鮮，試完開飯仔都好失望。反而日本飯糰就俾咗好多驚喜我，好記得上一次去日本，夜晚買咗個雞肉肉鬆飯糰，第二日朝早先食，但飯質仍然軟糯，紫菜香脆，薄薄嘅一層飯包著用料豐富嘅雞肉同肉鬆，飽和感十足。重點係我只係隨手揀咗個飯糰，如果做足功課咁揀咁仲得了？
Photos by saytioco & cwiana地道關東煮
日本係關東煮嘅發源地，點可以唔試？你可以在熟食區，隨意挑選自己鍾意嘅關東煮再去俾錢。各類丸子、蘿蔔、芋絲等應有盡有，開飯仔就最鍾意揀完嘢食之後再裝少少湯飲，湯底由大量蔬菜熬成，清甜可口，冬天時飲一啖，成個人都暖晒。
Photos by nari_kaeru最具人氣炸物
除咗清淡嘅關東煮，日本便利店仲有香口嘅炸物！首推呢款係Lawson熟食最熱賣嘅炸免治肉餅，外皮炸至金黃色，睇落已經好吸引。咬落去香脆可口，絲毫冇平時食炸嘢滿口都係炸粉嘅感覺。入面包著嘅係豬肉，咬第一啖已經有肉汁滲出嚟，相當Juicy。珍寶熱狗都值得一試，同香港唔同，香腸已經包喺麵包入邊，所以咬落去熱狗名副其實係「熱」嘅。
Photos by Pepper & hahahanik港女最愛芝士撻
近排大熱嘅芝士撻，港女去專門店排隊排到癲，點知日本便利店就有得賣，仲要淨係賣$10一個！雖然價錢便宜，但聽講味道亦都唔輸蝕，號稱三日就賣咗成100萬個，bloggers亦大讚好味，下次去日本真係一定要試吓。
Photos by Patc 遊走泡菜國千奇百趣Häagen-Dazs雪糕
食完咁多咸食喉嚨係咪有啲乾呢？咁就一定要試吓日本嘅Häagen-Dazs，佢絕對係便利店放題嘅highlight！ Häagen-Dazs入鄉隨俗，學足日本經常推出期間限定，mix埋千奇百趣嘅口味，就好似之前就推出過嘅「蕃茄」、「白色水蜜桃覆盆子」、甚至係號稱史上最豪華的金箔特別版嘅「歐培拉歌劇院蛋糕」味，真係你諗得出嘅佢都可以mix埋！下次去日本便利店記著望下個雪櫃，話唔定又會推出啲期間限定，等你唔使再食cookies n cream、士多啤梨嗰啲傳統口味。
Photos by 日本零食! お菓子! Japanese Snacks & Janpanese Food Style文:段
隨時接收最新資訊
讚好OpenRice專頁！
關鍵字
日本
便利店
飯團
關東煮
芝士撻
複製到剪貼簿