尖沙咀中心點最近有間新泰國菜開業，裝潢以香港特色霓虹燈同泰國夜市做主題。同其他泰國餐廳唔同嘅係，佢主打泰北農村口味，有唔少菜式都係以泰北烏汶府農村手法烹調，亦都會用新手法煮泰國傳統菜。

泰北牛船河($68)

用泰國新鮮香草加埋大量牛骨熬製而成，沿用泰北烏汶獨有煮法，用鮮牛血撞出牛骨湯底，濃郁鮮甜。配料就有鮮牛肉、泰國牛丸、豬肉丸同炸豬皮等。鮮牛肉啱啱好熟，夠哂滑；牛丸同豬肉丸都有泰式風味。

冬陰功海鮮粉絲($98)

冬陰功都係泰北口味，同出面比味道就無咁酸同辣，味道溫和。除咗加入香茅、辣椒、檸檬葉同紅蔥等材料外，仲加入咗一啲獨有配方。配料有青口、魷魚圈、鮮蝦同大隻海蝦，配埋掛湯嘅粉絲食就最正！

泰嫩泰燒雞($118半隻/$168一隻)、甲拋牛飯($68)

呢隻泰式燒雞就比想像中滑，亦都係用泰北燒雞方法，用特製醃料醃過夜，食前燒23分鐘，咁就皮脆雞滑，肉質都juicy，點埋雞醬食就更惹味啦～甲拋牛嘅牛肉就用咗三角牛，肉味突出而且軟腍。

泰式辣撈沙甸魚、老虎蝦

泰式辣撈沙甸魚喺香港就少見啲啦，呢款可以話係泰式家常菜，味道集酸、鹹、辣於一身。而燒老虎蝦大隻得嚟肉質都新鮮。不過呢兩款就係新菜式，要過年後先會有供應啦。

甜品拼盤

食泰國野又點少得泰式甜品，有芒果糯米飯、千層糕同椰汁糕。三款都唔會過甜。

冬蔭NOODLE

地址: 尖沙咀加連威老道12-16號加連威大廈地下12號舖

文、相、片：Yanica