榴槤+新派月餅合集！純手工100%貓山皇榴槤月餅、雙層芝士月餅

月餅愈來愈多創新口味，要有真材實料同創意先可以突出重圍呀。今次介紹多款創新口味月餅，同好有人氣嘅榴槤月餅畀大家，食完一定令你驚喜。而且經OpenRice餐飲券買仲有優惠！

榴槤月餅：

帝一榴金裝貓山皇榴槤冰皮月餅禮盒

榴槤控有福啦！呢間月餅係純手工製，月餅餡料由100%純貓山皇榴槤果泥製成，係市場上少有嘅高純度榴槤月餅～外皮好Q彈，呢款月餅亦係馬來西亞國家級指定招呼貴賓嘅品牌呢！

餐飲券：
純手工100%貓山皇榴槤製成金裝貓山皇榴槤冰皮月餅禮盒 (8個裝) 1盒 - 81折
純手工100%貓山皇榴槤製成金裝貓山皇榴槤冰皮月餅禮盒 (8個裝) 3盒 – 74折

海記榴槤鮮生頂級黑刺、貓山皇月餅禮盒

由馬來西亞直送嘅榴槤鮮生頂級黑刺同貓山皇月餅禮盒，一盒包含咗黑刺榴槤冰皮月餅同貓山皇榴槤冰皮月餅各三個，每粒都份量十足，足足有60g，食月餅就好似食緊新鮮榴槤咁～

餐飲券：
馬來西亞直送榴槤鮮生頂級黑刺,貓山皇月餅禮盒 (6個裝) 1盒 - 88折

樂滿高十里榴香。馬來西亞頂級貓山王冰皮榴槤月餅

貓山王果肉選用自馬來西亞自家果園榴槤，人工拆肉，榴槤蓉帶有一絲絲榴槤肉，口感特別豐富。而餅皮用係用雪米糍做法，口感好煙韌，啱晒煙韌控！

創新月餅：

喜如榛子杏仁朱古力月餅+玫瑰開心果月餅

推出多款創新口味嘅果仁月餅，如榛子杏仁朱古力月餅，餡料採用土耳其榛子，再配以炭燒杏仁，散發出濃郁香氣。朱古力餅皮都好香濃，所以一入口香氣濃郁之餘，口感都好豐富。玫瑰開心果月餅選用美國開心果，再加上玫瑰香料，味道爽脆清甜。

餐飲券：
榛子杏仁朱古力月餅 - 9折
玫瑰開心果月餅 (4件裝) - 9折
精選豪華套裝月餅禮盒 (6個) - 9折
楓糖碧根果咖啡月餅 (4件裝) - 9折
黑松露火腿夏威夷果仁月餅 (4件裝) - 9折

Mrs Fields 布朗尼朱古力月餅

人氣曲奇餅專門店，布朗尼朱古力月餅以Mrs. Fields皇牌產品布朗尼為內餡，牛奶朱古力或黑朱古力脆皮包裹軟心朱古力，味道香濃又唔會太甜，啱晒朱古力fans。

餐飲券：
布朗尼朱古力月餅 (2盒共4件)+加送$50 現金券 - 86折

Luna Cake 四式純素奶黃月餅+雙層芝士月餅

素食朋友都有選擇～四式純素奶黃月餅一盒有四款，分別係純素經典奶黃、純素芝士奶黃、低糖純素抹茶奶黃及低糖純素伯爵茶奶黃，唔怕食到悶！另外仲有雙層芝士月餅，包括原味、雪森林朱古力、特濃宇治抹茶及Berry Berry口味～

Lubuds Group 嚐酒‧品月LUBUDS中秋月餅禮盒

如果你係愛酒人士，呢個月餅禮盒就適合你。禮盒包括竹鶴純麥威士忌1支同迷你月餅4個裝，威士忌採用余市蒸餾所同宮城峽蒸餾所長期熟成嘅麥芽威士忌原酒調配而成，入口柔順而平衡。而月餅就有蛋黃白蓮蓉、陳皮豆沙、咖啡奶黃及無花果果仁四個口味。

餐飲券：
品月LUBUDS中秋月餅禮盒—豪華限量版 - 93折