當你見到電視開始賣月餅廣告，餅鋪陸續陳列月餅款式時，就知道中秋就嚟到啦！月餅甘醇香滑，好食係好食，但係脂肪含量高，搞到好多女仔都唔敢試。今日開飯仔就教你啲食月餅貼士，只要食嘅方法啱，咁咪唔使假期之後狂減肥fing走啲肥肉囉~~
Photo by vanessa_catcat
睇埋上面個圖都未明係咩概念？或者咁樣解釋： 一般成年人每日需要攝取大約1800-2200卡路里，而一個雙黃蓮蓉月餅重190克，含有超過800卡路里。只你食咗一個雙黃蓮蓉月餅，就等於你每日三分一嘅熱量攝取量。聽落好恐怖，打算以後見到月餅調頭走？咁又唔係，都有瘦住食月餅嘅方法嘅，只要你睇埋下面嘅貼士：
Photo by archerwjc始終月餅都係高脂肪食品，所以唔想肥嘅話，最好堅守少食多滋味嘅原則。以一個傳統月餅嚟計，每日唔好食超過四分一舊；如果係迷你月餅嘅話，就唔好食超過一舊。
2. 揀款揀餡
一般而言，冰皮較傳統月餅低卡路里。餡料嚟講，豆沙同水果味嘅月餅較低卡，含蛋黃、五仁嘅月餅卡路里就較高。
3. 配普洱茶享用
普洱茶可以有效咁將油分隔開，減少身體吸收。所以貪靚又貪食嘅你，記得食月餅嗰陣配埋普洱茶飲，咁就可以去油去滯，感覺so fresh～
4. 勿誤信無糖
市面上有好多標榜低糖或無糖嘅月餅，但實質熱量同普通月餅冇分別。所謂嘅無糖，只係將蔗糖轉為糖漿，唔係真正無糖，千萬唔好因為呢啲Gimmick就放下戒心猛食。
參考資料：消費者委員會、ESDLife
