嚟到呢間以日本神社為設計靈感嘅日式餐廳，瞬間帶你走入怡人幽靜嘅氛圍。而家至7月底，餐廳更安排來自京都、擁有50年豐富經驗嘅日籍榮譽總廚——細秀勝師傅喺沙田店坐鎮，並推出全新嘅「京都傳統隱世匠心料理晚餐」！呢個日式會席料理分為8個部分，包括漬物、刺身、湯品、燒物等菜餚，師傅親自製作多款手工豆品，將日本飲食文化，以及京都傳統饗宴帶畀大家。

提提你經OpenRice預付訂座京都傳統隱世匠心料理晚餐，輸入限量優惠碼「FDSTORY60」滿$600即減$60（適用日期：即日起至2022年7月31日），而家即睇有咩獨特菜式啦～

京都傳統隱世匠心料理晚餐
價格：每位$1,094【1位用，4位起】
（原價：每位$1,288）

京都盛產豆品，今次嘅晚餐特別融入師傅巧手製作嘅豆品，其中豆腐‧白鰻‧貝柱同豆乳咖喱牛肉烏冬最有特色。

先付（前菜）

晚餐先以數款前菜開啟味蕾，當中必定有蛋黃山藥海老、日本迷你番茄果凍同西京燒銀鱈魚，再配時令款式。

椀物（湯品）

接住以文蛤清湯清一清味蕾，揭開蜆殼會見到一大粒拌入蜆肉同海帶嘅魚蛋，配湯一齊進食好鮮甜。

向付（刺身）

刺身有北海道牡丹蝦、大吞拿魚腩同薄切白身魚刺身‧柚子醋啫喱3款，而精緻嘅擺盤更呈現日本飲食文化嘅美學。

燒物

燒物則有薄燒和牛同燒牛舌，前者採用集團旗下餐廳主打嘅日山和牛，輕燒後逼出油香；後者則經過多個步驟，先輕烤調味再蒸煮，然後放入雪櫃冷凍最少兩小時，製作出獨特嘅爽軟口感。

酢物（醃漬小菜）

然後以3款海鮮漬物中和一下油膩感，包括左口魚‧蛋卷、松葉蟹‧青瓜汁，以及鮑魚‧醋味味噌。

煮物

呢道豆腐‧白鰻‧貝柱好似茶碗蒸咁，但用豆腐而唔係蛋，上菜時碗仍保持溫熱㗎。底層嘅自家製豆腐加入日本海水製作，並以京都傳統方法，倒入杯清除氣泡再入爐蒸，口感非常嫩滑；配埋面層嘅白鰻等食材、鹹度適中嘅特調湯汁一齊食，味道層次好豐富。

御食（主食）

豆乳咖喱牛肉烏冬嘅設計巧妙，用自家製豆乳做湯底，咖喱牛肉則放喺碗邊。你可以先細味豆乳嘅清香，再拌均一齊食又會多一層咖喱香氣，而且咖喱只係微辣，唔會蓋過豆味。

甘味（甜品）

收尾嘅甜品有2款，芋頭糕嘅芋頭壓成蓉再入模，質感幼滑唔太甜；而豆腐芝士蛋糕外層沾上豆渣，入口creamy，豆味濃郁。

OpenRice訂座推介 | OpenRice x The Food Story
於2022年6月1日至7月31日為你獨家呈獻Signature Menus，首200名會員於推廣期內，經OpenRice網上訂座The Food Story旗下餐廳時輸入優惠碼FDSTORY60，購買訂座預付套餐滿$600再減$60。
推廣期內累積最高消費金額的首3名會員，可獲The Food Story高級餐飲體驗及現金券（總值$9,140）。
活動詳情：（按此）

幸匠燒    
地址：沙田沙田正街18號新城市廣場1期6樓632號舖