放假唔想再去商場咁悶，不如做一日香港遊客上山頂玩！去多個山頂打卡位影相，仲可以浪漫鋸扒再睇夜景。正所謂機會留畀有準備嘅人，出發前喺OpenRice 訂座兼購買套餐，就可以用優惠價$688 (原價$1,088) 喺山頂扒房37 Steakhouse 食「盛夏狂歡餐(1位用)」，午餐或晚餐都有得食，限售100份咋～Book 定位去山頂玩一日啦！

*訂座購買套餐時輸入優惠碼【37STEAK】，滿$800再減$50，同樣限量100份，送完即止。

【限量100份】盛夏狂歡餐！
37 Steakhouse 主打頂級牛扒料理，有落地玻璃欣賞山頂美景。今次限量套餐就由行政總廚張錦祥Ricky 親自設計，最吸引係將日本六本木扒房招牌菜—「比利時藍牛西冷」帶嚟呢度，六百幾蚊就食到真係好高CP值！

 37 Steakhouse 盛夏狂歡餐

用咗OpenRice 訂座兼購買套餐，入座後唔使慢慢睇餐牌，就有專人端上Welcome Drink「香橙柚子梳打」清爽吓輕鬆等食。前菜率先有「焗黑松露大啡菇釀和牛伴溫泉蛋」，一放上枱就聞到好香黑松露味，一次過將大啡菇同溫泉蛋切開，令蛋汁流滿大啡菇同和牛，入口軟綿又有多重口感。

 焗黑松露大啡菇釀和牛伴溫泉蛋

隨後上枱嘅「招牌舞茸清湯」好特別，日本舞茸會先放入杯中，再喺你面前倒人熱湯。員工提議我哋等杯中熱湯焗一陣，再打開杯蓋就會聞到好濃菌香，因為熱湯用6種菇熬煮，只加入少許鹽同調味，所以味道咁香濃。

 招牌舞茸清湯

意式燴飯「鮑魚薏米飯配煙燻魚子醬」，鮑魚好彈牙煙韌，配埋魚子醬超有滿足感。

 鮑魚薏米飯配煙燻魚子醬

之後仲有主菜3選1—「乾熟成比利時藍牛西冷」、「烤法國春雞」、「烤美國豬肋骨伴燒烤汁」。個人推介今次套餐主角「藍牛西冷」，因為牛隻肌肉發達，肉味口感特別濃郁，加上乾熟成處理，牛扒外皮輕脆、中間好有肉汁，牛控絕對值得一試。

 乾熟成比利時藍牛西冷

用上30至45日嘅「烤法國春雞」，因為春雞細細隻可以做到皮脆肉嫩效果，煎煮時灑上香草已經好吸引！大廚特別去掉胸骨，用餐時輕輕切開就食得，好方便。

 烤法國春雞

「烤美國豬肋骨」先以秘製醃料慢煮，再用BBQ汁輕烤，相比坊間嘅豬肋骨更Juicy、肉質特嫩，輕輕一切就食到，唔使拎住肋骨用力咬啲肉出嚟咁麻煩。特調BBQ汁輕甜開胃，女仔一定鍾意。

 烤美國豬肋骨

最估唔到係套餐嘅甜品好有驚喜，一定要拎定手機影相打卡！因為好似雲朵嘅棉花糖會慢慢融化，配埋內裡嘅豆腐雪糕一齊食，係一種簡約低調嘅甜，飯後解膩一流。

 精選甜品

37 Steakhouse & Bar HK
網址: https://s.openrice.com/QrbS0iga900~dYKKSilyW
地址: 山頂山頂道118號山頂廣場1樓102-103號舖
電話: 28853320

OpenRice獨家限量優惠: 盛夏狂歡餐$688(1位用/原價$1,088) 低至63折限量發售；訂座購買套餐時輸入優惠碼【37STEAK】買2份再減$50，各優惠限量100份，送完即止。

(文中價格未包括加一服務費並以原價計算，需於餐廳直接付款)