愈熱愈要打！火鍋優惠心水推介

人多食飯揀餐廳，打邊爐可以話係首選，天氣熱一熱都唔理照食！以下精選咗一系列嘅OpenRice餐飲券，有新店又有平食刺身，用埋更加抵食。即睇睇有冇心水，約埋朋友去食啦！

$200有找麻辣火鍋連配料滾得囍宮廷火鍋

食火鍋要食辣是常識吧？呢間新開的火鍋走華麗宮廷風，環境同個爐都古色古香。套餐優惠$194已包原價$262嘅道光四川麻辣湯底火鍋拼盤，連十粒手打丸拼盤、即炸響鈴同鬼馬油炸鬼，索晒紅油辣湯，爽呀！

呢間老字號火鍋店，除咗牛肉出名，刺身都相當唔錯！未開波梗係要食吓刺身開開胃，用OpenRice餐飲券，原條活鱆紅魚刺身由$698減到$265，計落有38折，足3至3.5斤重，魚肉鮮甜，多人食就最啱。

$188四格火鍋送炸魚皮胡爐

有人要食辣、有人想要清湯，心大心細揀唔到食邊款湯底？呢個四格鍋就fit晒大家嘅要求！一個鍋有齊沙嗲、皮蛋芫茜、鮮茄茸牛腩同四川麻辣，原價$238，而家用餐飲券$188仲送多一客即叫即炸嘅炸魚皮，係抵嘅！

$298瑤柱花膠冬瓜鍋+安格斯牛肉火鍋煮場

嫌打邊爐熱氣？有冬瓜湯底夠下火喇啩，加埋花膠滋補養顏。呢間開業冇耐嘅火鍋店，憑餐飲券$298就食到鍋底加一份安格斯牛小排，牛肉原價都要過二百，而家7折就食到。脂肪分佈均勻而且富肉味，好食過普通肥牛好多。