Outback全新品牌Aussie Grill by Outback正式登陸葵芳！今次呢個新品牌同Outback最唔同嘅係主打快速慢食概念，餐廳講求速度同效率，估算平均出餐速度為五分鐘，客人可以選擇堂食或外賣。雖然講快，但食物質素一啲都唔馬虎，每款野食都即叫即整，熱辣辣夠新鮮。
點餐過程都好方便，係櫃台叫完野食後，就會比一個儀器你，只要將儀器放喺指定位置，就會有員工自動送餐嚟，完全唔駛自己郁手！
煙肉大爆炸芝牛肉漢堡、醬燒牛肉層層疊漢堡
食肉獸食呢兩個個漢堡就啱，漢堡扒選用美國USDA牛肉，煙肉大爆炸芝牛肉漢堡除咗本身有塊煙肉外，連漢堡扒內都加咗煙肉碎，每一啖都係濃濃煙肉味！
是拉差脆辣雞肉包
唔想啖啖肉咁Heavy 可以試下是拉差脆辣雞肉包，炸雞充滿肉汁，另外仲有生菜絲、蕃茄同醬汁，醬汁酸酸甜甜有少少辣，咁食落就清爽啲啦～
更多【新店直擊】： |
美國和牛切片西冷
為咗方便大家食，呢度嘅西冷扒就會切片上，而且仲可以自行選擇熟成程度，Medium就最啱啱好！而跟配嘅醬汁都係餐廳自己homemade～
烤三文魚配青蘋果火箭菜沙律
三文魚用咗特製機器焗熟，每一塊都有特定嘅大細同厚度，所以食落特別鮮嫩多汁，而且仲有魚油香。
香辣火山脆蝦、脆炸洋蔥條
小食方面就推介呢兩款。香辣火山脆蝦皮夠簿又脆，醬汁甜甜辣辣好開胃。脆炸洋蔥條都炸到卜卜脆。
另外所有菜式配菜除咗薯條之外，可以揀手工薯片或雞味飯。
朱古力曲奇果仁新地、焦糖花生醬脆脆新地
仲有Aussie Grill by Outback先有嘅新地甜品，新地雪糕牛奶成份高，所以食落無想像中咁甜。
地址: 葵芳興芳路223號新都會廣場1樓109號舖
文: Yanica
相、片: Tom Li