百變小櫻係唔少女生嘅集體回憶，而家想見返小櫻、小狼、基路仔等角色，去尖沙咀呢間新派點心店就得，因為佢地即日起推出期間限定嘅《百變小櫻Clear咭》聯乘點心！部分仲加入食用櫻花，打卡一流之餘仲有春天嘅氣息呀。
点心代表即日起至7月15日推出《百變小櫻Clear咭》聯乘點心，共14款點心、五款甜品，同五款飲品。
基路仔流沙包（$35）
當然唔少得店家招牌嘅流沙包，基路仔大頭裡面係用鹹蛋黃、好立克粉、煉奶同植物牛油製作嘅流沙餡，一樣標榜「唔流包換」！
小櫻紫薯流沙包（$45）
主角小櫻就同櫻花一齊出場，餡料係紫薯混合好立克粉、煉奶同植物牛油，紫薯味道香甜。
小狼雷沙流沙包（$49）
一籠三個包三個都係唔同味道，最啱心大心細咩都想試嘅朋友，黃色、黑色、綠色分別係奶黃、黑炭、綠茶口味。
基路仔西多士（$59）
同樣係流沙，不過今次就變成西多！上面係基路仔糖霜曲奇，下面係心形西多士，一切開中式奶黃流沙餡就緩緩流出。甜魔們可以再自己點蜂蜜。
櫻花鮮蝦餃（$49）
蝦餃用上越南原隻大蝦、手切本地鮮豬肉，再混入秘製豬油渣增添香味。特別在蝦餃皮上以食用櫻花碎點綴！
小狼玉子燒（$49）
小狼係香港人，所以佢嘅點心都加入唔少中式元素，好似呢份玉子燒上面就有道符圖案，打卡夠晒搶鏡。
櫻花水信玄餅（$39）
用日本玄餅粉加上糖漬櫻花製作，可以咩都唔加先試本身嘅淡淡甜味，再按自己喜好加入黃豆粉。
小櫻生煎包（$49）
粉紅色生煎包上面加上日本櫻花蝦增加香味，裡面係用美國黑豚肉、本地新鮮豬腩肉同椰菜餡。
更多【飲食潮流】： |
好友蒸腸粉（$49）
鴛鴦水晶包（$49）
小櫻一口漢堡（$49）
三色雪山叉燒包（$49）
黑松露蝦多士（$59）
鮮蝦炸春卷（$59）
櫻花草莓果凍（$49）
太極芒果糯米飯（$69）
原味椰皇（$49）
小丸子椰皇（$59）
芒果特飲（$39）
唔單止餐廳四周都貼上小櫻海報，餐枱紙、筷子套等都換上小櫻主題！枱上亦有唔少得意道具，而且餐廳會不定期免費派發主題扇，Fans唔好錯過機會啦！
点心代表
地址：尖沙咀彌敦道100號The ONE 3樓L308號舖
文、相、片：Cathy