麵類選擇千變萬化，唔少人都好鍾意食粉麵～為咗滿足各位粉麵控嘅胃，今期介紹5間有麵食外賣優惠嘅餐廳畀大家，包括魚湯米線、人氣車仔麵及日式拉麵等，間間都好吸引，而且買返屋企食就食得更安心喇！

HONG KONG BURGER(美孚、九龍灣、沙田、葵芳) 全單8折

主打漢堡嘅小店，竟然佢嘅意粉質素都唔錯㗎！好似香蒜辣汁鮮蝦意大利粉，意粉嘅軟硬度適中，無坊間煮得太腍嘅問題，充滿蒜香帶微微辣，好惹味，鮮蝦都大大隻又彈牙。另外黑松野菌忌廉長通粉配巴馬臣芝士都好creamy，黑松露香氣同芝士都好突出，黑松露控必試～

漁師兄(元朗) 指定食品8折 

元朗最近新開一間主打風味烤魚及魚湯米線嘅餐廳，佢哋嘅烤魚有辣有唔辣，實有一款啱你心意！另外只作午巿供應嘅魚湯米線亦非常吸引，湯底每日用多種魚熬製數小時而成，湯呈奶白色，入口係濃濃魚味，好味又健康。推介鮮魚片湯米線，魚片重魚味無腥味；重口味人士亦可選配番茄魚湯、芫茜皮蛋湯及麻辣魚湯。另外亦同時供應自選兩餸魚湯麵或泡飯，啱晒鍾意不同配搭嘅朋友！

永年士多(銅鑼灣、尖沙咀、元朗) 指定食品8折 

於元朗起家嘅車仔麵店，最推介招牌十餸大碗麵，一碗有齊豬腸、魚蛋、蘿蔔、豬紅、豬皮、雞翼、雞翼尖、魷魚、紅腸同菜，好豐富呀，啱晒咩都想試吓嘅朋友，而且尖沙咀同銅鑼灣店外賣價8折後只係$66！另外推介大家加招牌麻辣醬，麻同辣嘅味道恰到好處，好香濃。如果鍾意豬同牛，推介大家揀三隻小豬 (豬皮、豬腸、豬紅、麵底)及犇犇有禮 (牛筋、牛雕、牛腩、肥牛、牛丸、牛柏葉、麵底)呀。

一風堂(全線分店)  指定食品8折 

白丸元味係餐廳經典之作，濃郁溫和嘅豚骨湯底每日新鮮長時間熬製，以獨特手法製作出去除豬腥味，並保留豚骨溫潤口感同香氣嘅豚骨湯。配埋博多傳統風味特幼麵條及帶有脂香嘅叉燒、黑木耳、新鮮芽菜同蔥，味道正宗，好似去咗日本咁！另外，特製雞醬油亦值得一試，以秘製魚介及雞湯加入醬油，配上嫩滑低溫雞叉燒，味道濃郁。

醉藥雞(荃灣) 指定食品8折 

想食得健康啲，呢間主打足料砂鍋雞湯麵嘅餐廳就啱晒！雞湯熬過夜煲成足料雞湯之後，部分會加入糯米酒、紅棗、雲耳、淮山煮成雞酒，另一部分就加入北芪、黨參、淮山、杞子等八種藥材煮嘅藥膳湯底。招牌砂鍋醉藥雞，飲落有好重酒香同雞油香，味道好香濃，雞肉選用三黃雞，皮彈肉嫩唔會肥。另外砂鍋胡椒豬肚雞粉麵同砂鍋雞湯翅粉麵都好受歡迎㗎～

買開外賣嘅可以用埋呢個全新粉麵關注組優惠(推廣日期:2022年7月21日至2022年8月25日)，輸入優惠碼「HALF」或「ND10」， 前者消費滿$60減$30，後者消費滿$50，額外減$10！  

除咗上述優惠外，OpenRice都會推出不定期嘅外賣自取優惠，想知更多詳情可以Keep住留意OpenRice App啊！ 仲等？(按此立即落單)  

粉麵關注組優惠:

ND10: http://www.openrice.com/info/takeaway/tc-ND10.html 

HALF: https://www.openrice.com/info/takeaway/tc-HALF.html