今年農曆新年諗咗節目未？一於約他去迪士尼啦！今年香港迪士尼樂園有一系列賀年活動，包括首次於大街舉行市集，更推出近70款賀年食品同菜式，傳統小菜、宴席同小食都有。而家仲可以經OpenRice網上訂座，入到去餐廳就唔使等位立即坐低起筷，兼有9折優惠！先睇睇三間迪士尼主題酒店有咩特色賀年菜先！
樂園行政中廚梁樹華師傅稱：「今年三間酒店嘅賀年菜式都加咗唔少新元素，好似用西式烹調方法及於食材上加啲變化，希望更有新鮮感。」部分菜式以養生保健食材炮製，好似燉湯加入近年受歡迎嘅桃膠，有滋潤補身功效。蟲草花平時用來炆煮或煲湯，梁師傅以少許椒鹽炸香，惹味又健康。
桃李滿門（桃膠海螺燉竹絲雞）（套餐內）
五福臨門（五小碟拼盤）$228
另一道東坡肉，選用肉質更香嘅西班牙豬腩肉，以西式低溫慢煮方法處理，65度煮足8個鐘，比傳統做法多3倍時間。慢煮可以保留酒香，煮得入味，肉質亦鬆化不膩。
家肥屋潤（花彫扣西班牙豬腩肉）（套餐內）
老少平安食得多，師傅選用綠洲養殖花尾龍躉代替鯪魚，更高級之餘亦環保，無污染可保育生態。龍躉肉質爽口，魚肉混入豆腐之中，再切粒舖面，魚味鮮甜。
老少平安（龍躉粒蒸金銀豆腐）（套餐內）
發財好市（髮菜蠔豉）（套餐內）
（以上菜式於迪士尼探索家度假酒店雲龍軒供應）
而香港迪士尼樂園酒店晶荷軒，則有好可愛嘅富貴喜洋洋，米奇美妮頭酥餅入面係蓮蓉餡，唔捨得食呀。而包羅萬有傳統用豬脷較多，師傅改用牛舌，口感更好。
富貴喜洋洋（蓮蓉米奇酥）（套餐內）
包羅萬有（發財鮑魚大利卷）$368
花開富貴（珊瑚蒸釀花膠）$368
影廠酒廊供應源自新加坡嘅賀年菜撈起，材料豐富，再配上師傅自家製柚子沙律汁，味道清新開胃。供應日期由2月15至25日。新春富貴全盒入面亦有米奇頭芒果布甸同萌萌豬仔包，大人細路都鍾意！只於2月16至19日供應咋！
風生水起（撈起）$198
新春富貴全盒 $198
賀年套餐由2月10日至2月25日6pm後晚市供應，價錢如下：
金龍到賀新年套餐：$6,088/ 一席十二位；$3,044/ 一席六位
彩雲飛舞新年套餐：$468/位 （四位起）
金玉滿堂晚市套餐：$7,388/一席十二位；$3,788/一席六位
錦繡豐年晚市套餐：$6,988/一席十二位；$3,588/一席六位
萬事勝意晚市套餐：$528/位 （四位起）
而家去迪士尼酒店內嘅餐廳，可以經OpenRice網上訂座喇！包括雲龍軒、芊彩餐廳、晶荷軒、米奇廚師餐廳、翠樂庭餐廳、華特餐廳、影廠酒廊七間餐廳，仲可享9折優惠。預先book定訂枱做足準備團年，就唔怕冇位失望而回啦！
文：Perrins
相：Calvin Kwok