\r\n"店" 如其名，一推開門就見到一排排滿書的書架，感覺好似去了圖書館。當然，借書就無咁方便啦！要交低按金。全店的圖書都係二手書，如果合心水的話，可以向店員詢問購買。\r\n
\r\n
\r\n
\r\n
\r\n
\r\n
\r\n有書睇，但係好似爭杯飲品喎！不如叫一杯特色飲品Smoothy（$20 ）啦！有多種味道選擇，黃色那杯係芒果味，紅色的係西瓜味，還有好特別白色的那杯香蕉味！Smoothy 類似刨冰，但比刨冰更幼細、更幼滑。\r\n\r\n這店主張健康有機素食，食物多以蔬菜為主。這個"炸雜菜團沙律"（$65），睇個樣似肉餅，但實際係用蘿蔔絲、青瓜絲、西班牙青瓜絲，莞茜搓成一團，再沾上混有花生的麵包糠，所以食落好有花生香味。但因為主張天然，所以冇乜點調味，味道略寡。沙律以蔬菜蕃茄做成，可伴以橄欖油進食。因為要保證蔬菜新鮮先可以俾客人享用，所以唔係成日有的呀！\r\n
\r\n
下午茶又點會少得蛋糕的份兒呢？因為蛋糕供應的款式日日不同，記住order 時要問清楚呀！好似這店出名的"紅蘿蔔蛋糕" 當日就無供應喇！取而代之就係呢款"香橙乳酪蛋糕"（$20），食落好有香橙味，但質地比較硬。另外一個係"麥果餅"（$20），咬落煙韌，充滿麥皮味，味道較甜，適合嗜甜人仕。\r\n
\r\n
\r\n如果想享受一下陽光氣息，可要求坐在外邊露天坐位，又有另一番風味。\r\n
\r\n
\r\n\r\n店內經常播著悠揚的音樂並放置了一檯電腦，可供客人一邊聽音樂，一邊進食、看書或上網。\r\n
\r\n
\r\n各位食家來到這間店，記住仔細讀一下牌，因為上面有好多關於健康生活及環境保護的資料，寓食飯於學習。\r\n
\r\n
\r\n
\r\n
\r\n 另外一點大家要留意的就係呢位運動型靚女待應生，叫Mina ！姐姐真係好好人，經小記多番「不恥下問」仍然和顏悅色，彬彬有禮！在此向Mina 姐姐說聲：「唔該晒你呀！」\r\n
\r\n食完、玩完、嘆完，都係時候要同南丫島說再見喇！希望小記下次能夠帶大家去其他離島搵食啦！再會！\r\n
\r\n各位想重溫上集的朋友，可以去呢度 「南丫島一日遊（上集﹞」 睇番噢！\r\n