而家唔少人都減少咗外出用膳，或者home office，如果唔識煮飯嘅，就得返「嗌外賣」呢一條路啦~只係餐餐都食兩餸飯咁食到好寡，間中想食餐好嘅？不是夢啦！而家各區酒店都有推出外賣服務，喺屋企一樣可以食到好西！

6-20人到會套餐  Bayfare Social

呢間酒店推出6人、10人同20人嘅到會套餐，雖然冇佢哋最受歡迎嘅海鮮拼盤，但食物一樣好豐富，有沙律、三文治、蛋糕等，喺屋企嚟個「酒店級」嘅小聚都ok呀！除咗到會套餐，仲提供午餐同單點小食~

酒店級點心 明閣   

而家喺屋企都一樣可以食到酒店級水準嘅點心啦！呢間酒店推出超過20款精選點心，包括養生三色餃、流沙包、腸粉等。仲有各款粵式小菜添，唔少菜式都要幾複雜嘅做法，好似蝦籽柚皮扒鴨、蝦籽扒原條海參等。媽媽日日煮飯都攰喇，不妨嗌個酒店外賣幫輕下啦！

高級燒味飯 富豪軒 

呢間酒店同樣提供各式粵菜同點心，特別設有午市套餐，星期一至五每日唔同菜式，包埋明火例湯、時菜、飯同糖水。單點有更多選擇，從頭盤、主菜、飯麵，連素食都有！

觀塘多國菜 forte   

太耐冇出過街食飯，咩都想食嘅，呢間酒店推出嘅多國菜就啱晒你！從頭盤、湯、主菜、意粉或意大利飯、小食等等一應俱全，唔想食太飽亦有三文治、沙律等輕食，最貼心嘅係仲有兒童餐啊。

文：Kiko
編：Kar