燒肉其實唔係要一大班人先可以食㗎！香港其實都有唔少一人燒肉店，份量啱啱好而且好多都好抵食㗎～今期介紹幾間可以一人燒肉嘅餐廳畀大家，就算「毒」食燒肉都唔怕尷尬喇！
目錄
►日式一人燒肉：R.U.D. |
日式一人燒肉 R.U.D.
呢間主打日式一人無煙燒肉嘅店舖已經開咗幾間分店喇～餐廳特設無煙烤爐，食完唔怕成身都係燒肉味！想食好啲嘅，可以揀鹿兒島A4黑毛和牛同美國CAB安格斯肉眼扒，前者油花重，後者肉味就濃啲。經濟啲嘅都仲有好多套餐揀，如燒肉拼盤套餐同牛之盛合套餐，牛之盛合包晒牛小排、牛胸腹同Karubi牛肉片，試晒三個部位都係$98，好抵～另外好多套餐都分兩個價錢，咁就可以跟返自己嘅食量叫啦，好貼心呀！
圖: boulo_bao
抵食石燒和牛 頑石燒肉所
想食和牛又唔想用太多錢，去西環呢間石燒和牛專門店就啱啦。餐廳選用日本A4和牛，但全部都係$200有找，好難得。吉列和牛牛小排係招牌菜，廚師先將吉列牛外皮炸至香脆，客人根據自己鍾意嘅熟成程度燒就得，食落軟腍無筋肉香都好突出，配埋柚子胡椒食就無咁膩。和牛肉眼原味+昆布湯+壽喜燒三食都好推介，可以以三種食法食極上薄燒A4⿊⽑和⽜⾁眼上蓋，首先係原味，然後可以燒至半熟後浸落日式昆布湯做第二食，肉質嫩滑又鮮味，最後就係點壽喜燒醬汁同生蛋黃一齊食，香甜惹味。
圖: 超抵食一人套餐 燒肉King
喺旺角區嘅超抵食燒肉，午市最平$58就食到燒肉，係打工仔恩物呀～如牛五花+豬五花+味噌雞肉套餐，平平地可以試晒三款肉。澳洲和牛封門柳+牛舌+牛五花套餐都好抵食，封門柳軟腍得嚟牛味好突出，牛舌都好爽。每款套餐都有埋御飯、和風湯、前菜同雪米糍，食完一定可以捧住個肚走～
圖: 石燒封門柳 52C Medium Rare 
以純白色同木色為主調，唔講以為去咗cafe！店舖分為兩層，下層係石燒牛區而上層係日式網燒區。網燒套餐主要分為400日美國殼飼牛同日本A4和牛，美國殼飼封門柳雪花紋分明夠肥美，牛脂味道夠油香，A5和牛就入口即溶，配埋日本珍珠米食真係無得輸呀。另外會跟埋沙律同羅宋湯，酸酸地好開胃。
圖: food_fatjai
文: Yanica
