1. 泰興隆
喺連seven都無間嘅坪洲夜晚九點，踏踏單車。無乜餐廳開之下，連搵資料呢個動作都慳返，見到間泰國菜立即__衝入去。呢種生活，係徹底嘅放鬆。我懷疑，好多香港人都無法懂得於日常中徹底放鬆，包括我自己在內。就好似去完旅行總要返到嚟現實生活，when reality hits, it hurts.
我特別喜歡喺呢啲離島地區食泰國菜，硬係特別有風味咁。餐廳英文名叫chok dee，應該係指老闆本人，本爺就更加識英雄重英雄啦！又真係估唔到呢條chok到爆嘅香草炸魚，同椰汁雞湯，又幾好飲喎。豬頸肉青芒果沙律嘅豬頸肉都又爽又香，係唯獨是青芒果太重調味，otherwise會係完美嘅風味餐。
🉐RamenGorRating -- 🍜🍜🍜SHOULD try
2. 勝興茶室
一朝早起身落嚟呢個茶室，就係貪佢夠懷舊同old school。I mean唔單止你見到嘅豬肚燒賣同豬潤腸粉夠vintage，點都要有啲西曬面兼十問九唔應嘅阿姐先夠風味㗎嘛！我最欣賞嘅係，一架點心車出爐，有燒賣蝦丸腸粉，講到明要腸粉，都夾硬要sell你蝦丸仲要枱枱都係咁sell。呢種重點推薦最唔賣得嘅product嘅宣傳手法，唔係風味係咩？我淨係過嚟觀賞呢啲，已經覺得值回票價。
🉐RamenGorRating -- 🍜Optional
3. 快車茶餐廳
叫做茶餐廳，但其實下晝同夜晚都有海鮮食，呢啲都真係風味㗎！只要打個電話去預訂，就可以食到心儀嘅菜式，例如係佢哋馳名嘅花雕蟹，即係花雕蒸蛋加蟹。終於俾我搵到今趟離島行嘅神之食，就係呢個酒味濃郁又滑身嘅水蛋，so amazing！就算唔用嚟添飯，都已經有欲罷不能之效。美中不足係我以為隻蟹都會有好重花雕味，點知其實係極薄弱。但隻蟹非常新鮮，已令我很滿足。細細聲wow一下先，wow.
🉐RamenGorRating -- 🍜🍜🍜🍜MUST try
4. Maverick
嚟到離島篇最後一站，座落於貝澳沙灘旁，淨係開星期五六日，都已經賺到笑嘅Mavericks。無計啦獨市，環境又chill，嘢食唔平，啲鬼佬落去開幾枝啤酒已經幾百蚊仲要無位坐，所以好彩我同個friend早到先有得舒舒服服食burger。佢哋嘅double decker burger都係classic嘅cheddar cheese + double patties combination，其實好食過出面好多漢堡店，放佢喺burger series都應該入到五強。另外tuna salad強在spicy lemon vinegar，令沙律菜好味多了，只係沙律熱熱地搞到似warm salad有點奇怪。
🉐RamenGorRating -- 🍜🍜CAN try
重溫：離島搵食攻略（上）
※上述內容純屬作者個人意見，不代表本網立場。※