農曆新年梗係要一家人齊齊整整食餐飯喇！最應節呢一定係食中菜，OpenRice Pay今期同多間粵菜餐廳合作推出新春優惠，以OpenRice Pay結賬無論喺堂食或拎走食都可以使用以下優惠：單一淨消費滿$388，輸入優惠碼「CNY28」即減$28；單一淨消費滿 $888輸入優惠碼「CNY68」即減$68！真係夠晒好意頭！前者名額共2150個，後者800個，名額有限，先到先得，優惠日期由2022年1月4日至2022年2月15日。

另外，只需於推廣期內以OpenRice Pay完成指定交易數量，額外再賞你開飯賞利是，交易愈多，獎賞愈豐富。最高可享$280優惠，名額有限，先到先得！詳情請到網站查詢。

沙田18 (沙田)

一間裝修摩登又富有中國特色嘅粵菜餐廳，餐廳採用落地大玻璃可以觀賞戶外綠悠悠嘅山景用餐，令人心曠神怡。主打多款廣東名菜，如招牌明爐烤蜜汁叉燒，半肥瘦三層肉，一入口肥肉微微溶化，瘦肉都好軟腍，而且蜜汁嘅甜度啱唔好唔會太搶，加上微微燶邊，必食之選！甜品五糧液朱古力雪糕都幾有特色，中西合璧，酒味都幾突出，愛酒之人可以一試。

【堂食】 星期一至五: 11:30-16:00 / 星期六日&公眾假期: 10:30-16:00
【外賣】 星期一至五: 11:30-16:00 & 17:30-22:00

皇御園 (九龍灣)

高級中菜館，設有半開放式嘅廂座及VIP套房。主打揉合西式烹調手法處理嘅中菜，啱晒平時鍾意創意料理嘅朋友。最受歡迎有呢道法式慢煮蜂蜜安格斯牛肉，牛肉超嫩滑軟腍，輕輕一夾就散開，亦都好惹味，送紅酒好夾。另外仲有一系列嘅招牌菜如極品蜜汁叉燒、冰鎮鮮果咕嚕肉及酥皮牛酒焗鮑魚等，款款都令人驚喜。

【堂食】 星期一至五: 午市 11:30-15:30 / 星期六日: 午市 11:00-15:30
【外賣】 星期一至日: 午市 11:00-15:00 / 晚市 17:00-21:00

616客香邨 (大圍)

本土港式餐廳，晚市時段主要供應小炒及點心，價錢經濟實惠，性價比好高。天氣凍想飲碗熱辣辣靚湯，可以試下呢個魚頭豆腐煲湯，湯呈奶白色，飲得出好鮮味，配埋豆腐真係無得輸呀。至於想飲夜茶都無問題，呢度仲供應好多而家坊間已經好少見嘅點心，如白玉灌湯餃、鵪鶉蛋燒賣等，每一款都好足料。

【堂食】05:00-18:00
【外賣】18:00-04:59

名煌金閣 (長沙灣)

幾有人氣嘅平民中菜館，裝修典雅舒適。菜式方面由平民小菜都豪華啲嘅鮑參翅肚都有，如魚米之鄉沙巴龍躉仔，龍躉肉質好嫩滑，味道好新鮮。招牌濃湯雞煲翅都係必叫，湯底用老雞熬製而成，好濃郁，而且翅嘅份量都唔少，好抵食～最後當然要試返個中式甜品生磨蛋白杏仁茶先叫做圓滿嘅一餐喇。

【堂食】12:00-18:00
【外賣】18:00-20:00

圖: 為食La Faye

殷悅 (荃灣)

曾獲米芝蓮推介嘅粵菜餐廳，位於酒店嘅三十樓，居高臨下，景色開揚。主打點心及廣東名菜，招牌片皮鴨，鴨皮香脆而不油膩，餅皮厚薄程度亦適中，一啖入口真係好滿足，香甜惹味。另外仲供應唔少創意有誠意嘅點心，如蟹粉鳳眼餃、杞子玉帶燒賣、芝士三文魚撻及藍莓叉燒酥等，帶特色之餘味道仲令人喜出望外。

【堂食】星期一至六 11:00-15:00 / 星期日及公眾假期 10:00-15:30

金滿庭京川滬菜館 (全線分店)

經驗老到嘅新派上海菜館，主要提供京、川、滬三地菜式，除咗供應傳統菜亦周不時自創新菜式，質素都好有保證。必試有餐廳招牌一口小籠包，曾創下日賣過千隻小籠包嘅紀錄，小籠包充滿肉汁，一口一啖啱啱好！另外招牌擔擔麵都好有人氣，香濃惹味，真係食到停唔到口啊。

【堂食】11:45-16:30 / 17:30-18:00
【外賣】18:00-22:00