一年一度中秋節就快到，又係時候睇吓今年有咩創新搞作嘅月餅，帶啲新鮮感畀自己同親朋好友啦。如果要送禮，亦有各式得體嘅月餅禮盒畀大家揀～
目錄
► 新款月餅 |
新款月餅
雪糕月餅 Häagen-Dazs
中秋佳節將至，Häagen-Dazs以「Wish Upon The Moon」為主題，新出多款雪糕月餅禮盒。必試新登場的開心果味雪糕月餅「堅果．脆月」、以開心果製成夾心的「星河．璨月」。想試勻多款經典口味雪糕月餅，可入手「品．華麗」，有齊雲呢拿、焦糖脆餅、比利時朱古力、芒果、士多啤梨，送禮自用都適合～
早鳥優惠：即日起至10月6日低至65折起，最平HK$99
My Melody中秋禮盒 / 麻糬菠蘿皮曲奇 Twinkle Baker Décor
Twinkle Baker Décor以創新玩味見稱，今個中秋為大家呈獻月餅以外的中秋禮盒選擇，卡通包裝特別適合家中的小朋友～推介「My Melody中秋月下禮盒」，內有紅豆奶油鹹蛋夾心餅，禮盒可搖身一變為燈籠擺設，更附送夢粉粉色系的刺繡網紗袋，Fans必收藏！今年同樣有人氣爆燈的「月光寶盒中秋禮盒」，港式菠蘿包QQ麻糬曲奇，啱晒煙韌控～
售價：My Melody中秋月下禮盒 $298｜月光寶盒- 港式菠蘿包QQ麻糬曲奇中秋禮盒 $168
流心開心果麻糬月餅 森林麵包
嚴選日本開心果醬加低糖白蓮蓉慢慢煮，入口香滑唔太甜，仲包住自家製麻糬同鹹蛋黃，一咬落仲有杜拜朱古力開心果脆脆，煙靭又脆，鹹甜夾埋一齊，好有層次感～
早鳥優惠：即日起至至9月1日HK$158(原價：HK$188)
蛋糕與中秋禮盒 Pandan Man
今次中秋禮盒有兩款月餅，一款係白蓮蓉加斑蘭蓉同麻糬，香滑又有口感；另一款就係斑蘭奶黃流心，切開即流好有驚喜。入面仲有原個斑蘭戚風蛋糕，送禮一流！
售價：HK$580
和牛威靈頓月餅禮盒 Steak King
將英式名菜威靈頓牛柳變成中秋月餅！用上等和牛牛柳，加上香濃蘑菇醬，再包上酥香牛油酥皮，外型仲有傳統月餅壓紋，夠晒特別，中西合璧，送禮有新意又夠面子！
售價：HK$888
奇華x國窖1573月餅禮盒 奇華餅家
全新白酒月餅禮盒將國寶級老窖酒香融入月餅入面，入面有兩款口味，白酒玫瑰豆沙月豆沙綿滑，加埋淡淡玫瑰香同白酒韻味，花香酒香好夾；白酒奶皇月奶香幼滑，混合國窖1573嘅醇厚酒味，香氣滿載。
售價：即日起至10月6日期間，在奇華餅家指定分店限定發售，售價HK$318
開心果麻糬酥皮月餅 恆香老餅家
酥小月系列一直好受歡迎，用酥脆老婆餅皮包住足料餡，香口又有層次。今年加推開心果麻糬口味，香濃開心果餡配煙煙靭靭嘅麻糬，食落好滿足。
售價：HK$195
巴斯克冰皮月餅系列 Soulgood Bakery
用咗巴斯克芝士蛋糕做靈感，只用中間嗰層軟滑芝士餡，味道清爽唔膩。外層係煙韌冰皮，會因應唔同餡料調整口感，食落去更有層次。四式巴斯克冰皮月餅禮盒有原味、士多啤梨乳酪、奶黃及流心鹹蛋黃；仲有一款杜拜開心果口味，果仁香超突出～
早鳥優惠: 由即日起至9月6日期間
- 四式巴斯克冰皮月餅禮盒：四件裝早鳥價HK$288；六件裝早鳥價HK$368
- 杜拜開心果巴斯克冰皮月餅禮盒：四件裝早鳥價HK$318；六件裝早鳥價HK$398
全新素食及清真月餅 香宮
素食月餅用松子、棗蓉、無花果等材料製作，健康又有果仁香，每盒有兩款口味：松子棗蓉同無花果果仁，各四件，啱晒素食或注重健康嘅朋友。仲有清真月餅系列，用符合清真標準嘅材料整成，包括流心白蓮蓉、陳皮紅豆同流心奶皇，每款三件，味道香甜，人人都可以安心過中秋。
香宮雙臻素月售價：HK$438
清真映月月餅禮盒售價：HK$438
海鹽焦糖夏威夷果仁月餅 COVA
由大師級團隊精心調配，香脆夏威夷果仁經過烘焙，配上香甜焦糖同細膩冬瓜蓉，仲有少少海鹽鹹香，鹹甜交錯，食落層次豐富，中秋嚟個新驚喜！
金秋饗宴月餅禮盒售價：HK$1,598
巧月月餅曲奇禮盒售價：HK$488
佛跳牆月餅 茗悅
全新佛跳牆月餅用上海參、金華火腿、瑤柱、鮑魚同蝦乾，材料足料又矜貴，鹹香味濃、層次豐富，中秋送畀摯愛夠晒特別又有心思。
售價：四件裝$488
三款迷你桃山月餅 國金軒
五福臨門月餅禮盒入面包括三款新口味迷你桃山月餅，餅皮綿滑，用白雲豆沙加蛋黃同牛奶整成，食落似和菓子咁。開心果口味有果仁粒，香口有咬感；咖啡味香濃啱晒啡迷；海鹽檸檬酸甜清新，幾特別。
五福臨門月餅
早鳥優惠價即日至8月31日：HK$338
優惠價9月1日至9月30日：HK$368
原價：HK$558
武夷奇蘭桂花單黃白蓮蓉月餅 龍景軒
中菜行政總廚陳恩德師傅今年特別為周年推出新口味武夷奇蘭桂花單黃白蓮蓉月餅，用上蘭花同桂花淡雅香氣，配上傳統白蓮蓉同鹹蛋黃，味道鹹甜平衡，層次細緻，展現粵式糕點嘅匠心手藝。
售價：六件裝HK$628
養生品牌中秋月餅系列 Ms Soup
主打高級養生茶同湯包嘅養生品牌，今年都推出中秋月餅系列，其中黑松露流心奶黃月餅同黑松露火腿月餅最獨特；而Chill 嘆月餅禮盒同甜蜜仙滿月餅禮盒就分別有3款口味，例如生椰拿鐵月餅、豆乳黑芝麻流心月餅、金沙南瓜月餅等。
黑松露醇香月餅禮盒：HK$398
經典茶味月餅禮盒(低糖) / Chill 嘆月餅禮盒 / 甜蜜仙滿月餅禮盒：HK$368
流沙奶黃月餅禮盒：HK$338
送禮首選．特色月餅禮盒
月影燈籠月餅禮盒 Lady M
設計雅緻小巧嘅花燈內藏兩件裝「月影燈籠月餅禮盒」，佳節過後亦可作為家中擺設裝飾。月餅則以法國大餐為靈感，包括由品牌伯爵茶千層蛋糕演變嘅「伯爵茶朱古力法式月餅」，以及散發堅果香氣嘅「五仁果仁糖朱古力法式月餅」。
售價：兩件裝HK$288
兩間本地人氣品牌再度合作，推出改良版全新流心月餅口味，有流心開心果月餅同黑芝麻流心腰果月餅兩款；另外傳統口味蛋黃白蓮蓉月餅都有供應。
流心開心果及黑芝麻流心腰果味：HK$248
流心黑芝麻月餅 / 金裝蛋黃白蓮蓉月餅：HK$238
全港首創低糖流心月餅 皇玥
皇玥月餅組合選擇多元化，包括經典流心、健康低糖、創新風味及傳統之選。注重健康的朋友可試試低糖流心月餅系列，以天然麥芽糖醇替代傳統砂糖，其中單件低糖流心月餅含糖量最低僅1.1克，同時保留室溫流心的效果！皇玥今年更新研發了柑桔流心雙輝月餅、以伊朗開心果製成的迷你開心果月餅，為大家帶來新鮮感。
早鳥優惠：門店及網店月餅產品買四送一優惠
聯乘本地藝術家設計 維港凱悅尚萃酒店
為歡慶中秋佳節，香港維港凱悅尚萃酒店與本地藝術家皮忠(Peichung)攜手合作，推出獨家中限定的精緻中秋禮盒。包裝上的插畫活靈活現展出了從東岸板道眺望的璀璨維港風景，加上滿月與的玉兔，夢幻唯美～中秋禮盒內有四個經典蛋黃奶黃月餅，由本地品牌「望月」香港製作，有信心保證。
早鳥優惠價：$198 (原價：HK$398)
和風特⾊結合的中秋禮盒 Mon cher
結合⽉餅同曲奇嘅中秋禮盒系列，特別推出兩款⽇本食材製作嘅特⾊茶香⽉餅⼝味：焙茶榛⼦⽉餅同抹茶紅豆松⼦⽉餅，再搭配曲奇同蝴蝶酥，風味更多元化。
⽉餅曲奇禮盒：HK$438
迷你手工月餅 滿福樓
迷你手工月餅最啱想有節日氣氛又想keep fit嘅朋友，而且由貓山王榴槤、蛋黃白蓮蓉、斑蘭蛋黃到招牌迷你月餅口味都再，要新潮或經典口味都幫到你。
迷你貓山王榴槤月餅：HK$528
迷你斑蘭蛋黃月餅 / 迷你蛋黃白蓮蓉月餅 / 滿福樓招牌迷你月餅：HK$438
迷你奶黃月餅禮盒 萬豪金殿
由米芝蓮中菜廳製作嘅迷你奶黃月餅採用傳統方法焗製，出品有保證，加上高貴優雅嘅禮盒盛載，送禮大方得體。
早鳥優惠價即日至10月5日9折：HK$448.2(原價：HK$498）
「花映香江」月餅禮盒 / 錦繡四喜月餅 金葉庭
以金色高貴典雅嘅「花映香江」月餅禮盒作包裝，貴氣感覺滿滿～今年首度推出迷你馥香開心果月餅，果仁的獨特香氣；另外傳統風味嘅雙黃白蓮蓉月餅、經典之選迷你奶黃月餅、多元化口味嘅錦繡四喜月餅(迷你焙茶月餅/迷你流心朱古力月餅/迷你流心咖啡月餅/迷你流心芝士月餅)，以及迷你貓山王榴槤月餅禮盒都一應俱全。
迷你馥香開心果月餅 / 迷你貓山王榴槤月餅 / 錦繡四喜月餅：HK$518
迷你奶黃月餅 / 雙黃白蓮蓉月餅：HK$508
月滿中秋月餅 8度海逸酒店
尊貴四色月餅禮盒齊集鮮芒果奶黃月餅、低糖黑芝麻麻糬月餅、海藻糖白蓮蓉蛋黃月餅以及任全新馬來西亞D24榴槤奶黃月餅，啱晒同親友開心share。
早鳥優惠價即日至10月5日74折起
尊貴四色月餅禮盒：HK$538(原價)
鮮芒果奶黃月餅 / 低糖黑芝麻麻糬月餅 / 海藻糖白蓮蓉蛋黃月餅 / D24榴槤奶黃月餅：HK$138(原價)
來發記 x 健康農場 黑刺&貓山王榴槤冰皮月餅禮盒
食品批發商由馬來西亞引入直送到港嘅「黑刺&貓山王榴槤冰皮月餅禮盒」，嚴選馬來西亞新鮮樹上熟踲榴槤果肉製作冰皮月餅。
早鳥優惠：原價HK$268/盒，即日起至8月31日 - HK$218/月餅禮劵1張；2025年8月15日中午12時起，荃灣新村街38號地下健康農場分店快閃HK$138/盒(限量120盒)
文：Cathy、Yanica、Kylie
