【2022聖誕】又食又玩聖誕市集巡禮

嚟到11月尾，街上已經開始有聖誕氣氛，想提早慶祝可以考慮到聖誕市集呀！今年唔少市集都有多款手工美食，畀大家打卡醫肚兼Shopping！

港島區

糖廠街市集今年以浪漫嘅白色聖誕花園為主題，市集當中包括互動打卡點、DIY工作坊、現場表演，當然唔少得各款美食，包括Wingman聖誕特選口味自家製紅莓肉汁雞翼配香酥洋蔥！其他參加餐廳包括JOMO、Hypebeans、Pici。

日期: 12月1日至4日
地點: 太古坊糖廠街及多盛大廈及電訊盈科中心一樓辦公樓大堂

呢三個月打算去睇沉浸式數碼藝術展覽Arte M嘅朋友，去行埋地下逢星期四至日舉辦嘅市集啊，每兩個星期更會轉換一次攤檔，更有新鮮感！當中包括人氣貝果網店Monsoon、香港製作發酵食品店Alive Food、台灣YouTuber創辦嘅轉圈圈曲奇WA!COOKIES等。

日期: 即日起至2月5日逢星期四至日
地點: 鰂魚涌英皇道728號K11 ATELIER地下大堂及K11 HACC

赤柱美利樓今年亦再度舉辦聖誕市集，雲集多個特色攤檔，包括本地手工釀造梅酒品牌初見。梅酒、主打包裝小食同養生花茶嘅AP Concept等。另外亦有聖誕飾品、特色精品、花藝陶瓷等本地品牌。

日期: 即日起至12月25日逢星期六至日、12月26日
地點: 赤柱美利樓地下

想聽住Live Music行市集？無問題！啟德呢個聖誕市集請嚟多位本地新生代創作歌手輪流演出，包括許廷鏗、馮允謙、衛詩、黃妍、per se等。市集亦集合超過50個品牌，飲食相關就有Cupping Room、uen、Lobster Boss、素啡工場等。

日期: 12月9-11日、12 月16-18日、12月23日至1月1日
地點: 啟德協調道 2 號AIRSIDE地下

放假想遠離煩囂，可以入嚟愉景灣嚟個一日遊同行下聖誕市集，有多個攤檔同愛爾蘭音樂及舞蹈表演！精選攤檔包括烘焙及咖啡店Small good、本地茶葉同茶酒續茶、手工烘焙品牌Bake the Sparkle、自家製作酸種麵包Dough Concept、紐西蘭麥盧卡蜂蜜專門店Kore等。

日期: 12月11日
地點: 愉景灣廣場徑2號愉景廣場地下

呢間商場今年就請嚟西班牙森林系插畫師Mia Charro，以聖誕「森」動旅程為題合作帶嚟一系列夢幻花森林場景，商場3樓同空中花園共有七個唔同主題可以瘋狂打卡！指定日期更有聖誕市集，集合本土職人嘅手工食品、花藝創作、天然產品，方便買聖誕禮物呀。

日期: 12月9-11、16-18及23-26日
地點: 葵涌葵昌路72-76號life@KCC 3樓

更多聖誕節慶餐飲、活動及折扣詳情：(按此)

文：Cathy.H