離中秋佳節仲有一個多月，但有唔少為食嘅朋友已經搵定今年有咩月餅好食喇！知道唔少朋友都想送禮，先介紹10間酒店月餅畀大家，款款都好有特色，包裝得體，送畀朋友或長輩都好合適。而且成日話早買早享受，早啲買有埋早鳥優惠！
木製抽屜櫃月餅禮盒 Eaton
舊年就出復古手提箱月餅禮盒，今年延續環保概念，加入獨特創意，推出全新木製抽屜櫃月餅禮盒。月餅有兩種口味選擇，分別係迷你奶黃迎月禮盒（蛋黃奶黃月餅）及迷你金黃明月禮盒（雙黃白蓮蓉月餅），用料上乘，味道經典。
早鳥優惠:
於7月期間訂購，可享正價低至七折優惠:
迷你「奶黃迎月」禮盒—每盒HK$298；迷你「金黃明月」禮盒— 每盒HK$328
於8月期間訂購，可享正價八五折優惠:
迷你「奶皇迎月」禮盒—每盒HK$358；迷你「金黃明月」禮盒— 每盒HK$388
訂購滿50盒或以上，可享正價六折優惠。
氈酒月餅禮盒 金葉庭 
中西合璧嘅氈酒奶黃月餅，聯乘本地Gin酒品牌Two Moons，以四季柑氈酒入饌。入口時清新香甜嘅四季桔香氣好突出，柔滑奶黃餡滲出淡淡酒香，好有層次感。禮盒仲會附埋Two Moons出品嘅迷你頂級乾氈酒及四季柑氈酒添～
早鳥優惠:
由即日起 至8月14日期間，可享低至85折早鳥優惠。
迷你錦繡月餅拼盒 明閣 
想一次過食幾款傳統口味，呢間酒店今年新增迷你錦繡月餅拼盒，包括迷你奶黃月餅、迷你蛋黃白蓮蓉月餅及迷你陳皮豆沙月餅。禮盒設計以湖水藍色為主調，印上嘅大理石紋理作點綴，高貴優雅。
早鳥優惠:
即日起至2022年7月24日: $318元
2022年7月25日至8月14日: $328元
2022年8月15日至9月9日: $438元
訂購20盒或以上會有更多優惠，詳情請到官網查詢。
貓山王榴槤慕絲糯米糍雜錦月餅 Hotel icon
鍾意食榴槤嘅朋友有福啦！呢間酒店嘅榴槤產品出晒名有保證，今年仲出埋貓山王榴槤慕絲糯米糍雜錦月餅。主廚喺香濃嘅榴槤慕絲中加入咗4款煙韌甜香嘅日式糯米糍，分別係椰子榴槤、斑蘭榴槤、綠茶榴槤同大樹菠蘿糯米糍，榴槤控實鍾意。
早鳥優惠:
2022年8月14日或之前:
雜錦榴槤慕絲糯米糍月餅 (四件) $498
嚐悅茶香月餅禮盒 香港維港凱悅尚萃酒店
禮盒上印上由麥東記描繪嘅中秋團圓北角街景～盒內有兩款獨特茶香口味，迷你伯爵茶奶黃月餅月餅口感軟滑，茶味清新；迷你濃香鐵觀音軟心茶餡月餅香脆鬆化，每一啖都散發濃郁香氣。
早鳥優惠:
月餅禮盒零售價為港幣$280，即日起可享早鳥8折優惠。
全新雙色月餅禮盒 帝港酒店集團
今年推出嘅全新創意口味，分別為士多啤梨乳酪奶皇月餅同迷你朱古力奶皇月餅，前者用上特級蛋黃同優質牛乳製成奶黃餡料，加入士多啤梨乳酪，味道清新。後者同樣選用優質可可粉，幼滑香甜。
早鳥優惠:
於即日 至8月22或之前訂購: $275
於2022年9月4日或之前訂購: $300
流心芝麻月餅 W Hotel 
好時尚嘅「炫音型月」月餅禮盒，以至潮唱片機為造型，玩味十足。今年除咗傳統口味，仲有新推嘅流心芝麻月餅，一入口係滿滿嘅濃郁芝麻香，愛黑芝麻人士必試！
早鳥優惠:
由即日起至2022年7月31日期間可尊享7折(流心芝麻月餅港幣$348.6)早鳥優惠；
於2022年8月1至31日期間則享8折優惠(流心芝麻月餅港幣$398.4)。
餐飲券： 全新流心芝麻月餅 (六個) - 7折
餐飲券： 經典雙黃白蓮蓉月餅 (四個) - 7折
餐飲券： 人氣流心奶黃月餅 (六個) - 7折
迷你奶黃月餅禮盒 香港麗思卡爾頓酒店
迷你奶黃月餅禮盒採用雙層精緻首飾盒為創作藍本，靈感來自中秋月圓上嘅玉兔及鄰近西九文化區各展區嘅獨特元素，將節慶禮品同文化藝術融為一體，以淺藍同橙色為主調，自用送禮兩相宜。
早鳥優惠:
即日 至31日内購買即售港幣$348元；
8月1日至8月15日即售港幣$368元。
八吋八黃薑汁白蓮蓉團圓月餅 萬豪金殿
每盒一件(港幣$888)嘅八吋八黃薑汁白蓮蓉團圓月餅，真係足足有八吋咁大個，仲要有8個黃，多幾個人一齊分都可以人人有黃食。月餅以香滑白蓮蓉配上微辣薑汁，清香可口，滿足追求傳統口味嘅食客。
早鳥優惠:
即日 至8月15日可享85折優惠，2022年8月16日至9月8日可享9折優惠。
花好月圓月餅特別限定版 富豪酒店
中秋節寓意團團圓圓，呢個花好月圓月餅就夠晒應節。內有三個傳統口味月餅及四包經典茗茶，一啖月餅配一啖茶，食完月餅都冇太膩嘅感覺，而且好適合送畀長輩。另外仲有「迷你奶黃三色賞」，除咗奶黃同流心流黃款外，仲有迷你伯爵茶奶黃款，帶有回甘茶香。
早鳥優惠:
於8月9日或之前預購: $968
文: Yanica
編：Kar
