就到聖誕又遇上第四波疫情，相信唔少朋友都會將聖誕Party或朋友聚會改於家中舉行，不過就算留在家中都可以食好西㗎！基於疫情，有唔少餐廳今年推出聖誕到會大餐，除咗有傳統西餐外，連中菜、日本菜及港式街頭小食都有，實行家中都可嘆大餐！

人氣食品網店 Feast  

呢間食品網店主打世界各地嘅優質食材及派對到會服務，而今個聖誕亦有推出汽泡酒到會套餐！派對到會套餐有三款主菜畀大家揀，分別係香草烤火雞、香烤三文魚柳或香烤牛肋排，仲有黑松露薯蓉、香草烤小南瓜粒、鮮茄圓管通粉配羅勒及水牛芝士、甜品朱古力山核桃布朗尼伴榛子醬及棉花糖及法國氣泡酒，夠晒8-10人食！細細聲話你哋知，經OpenRice買餐飲券仲有折扣呀～

餐飲券:
【Let's Party!】香草烤火雞汽泡酒套餐 (8-10 人份量)
【Let's Party!】香烤三文魚柳汽泡酒套餐 (8-10 人份量)
【Let's Party!】香烤牛肋排汽泡酒套餐 (8-10 人份量)

訂購方法：https://bit.ly/3euGabW　(需至少3天前預訂)
供應日期：有效換領期為2021年1月3日或之前

法式鹹甜可麗餅 Crêpe Delicious

連呢個法式Crêpe過江龍都有外賣！到會有齊小食、沙律丶反傳統嘅酥皮薄餅丶意粉及飯類丶招牌鹹甜可麗餅及飲品，而且有分四位用、八位用及十二位用嘅套餐～必試有招牌鹹甜可麗餅，餐廳採用新鮮入口原材料，班戟漿更直接由加拿大進口，餅皮微厚帶韌性，蛋味香濃，餡料豐富。

訂購方法：致電預訂2617-7800（旺角新世紀廣場店）/ 2881-1033（灣仔店）。

抵食之選 Relish

有時食到會可能會怕凍晒，呢間公司就好貼心，所有菜餚均已醃製及調味好，並以真空密封包裝，就如懶人包一樣方便快捷，更附上簡單的煮食步驟，等你輕鬆成為大廚，客人都享用到熱辣辣嘅食物！聖誕節慶套餐包括六款傳統節日配菜、自選一款主菜、一款甜品、蔓越莓肉汁果醬、六個派對花筒及兩支酒。咁多食物夠晒六個人食都係$1800咋！

訂購方法：https://www.relish.com.hk/

聖誕特色甜品 如心酒店

唔少酒店因為疫情都有推出外賣到會服務，呢間特別在除咗有火雞同西冷扒呢啲基本款，仲有一系列聖誕特色甜品如聖誕樹頭蛋糕、聖誕紙杯蛋糕及聖誕薑餅人。外賣套餐亦會送上派對禮物如手搖雞尾酒、薑餅人製作包、手工啤酒及有機果汁，就算於家中慶祝都有濃厚氣氛！

訂購方法：致電2280 2790 / https://bit.ly/37TI5UL　

龍蝦套餐 city’super

如果想食海鮮，可以考慮呢間日式超市～因為今次佢哋推出三款套餐，除咗西日美食都有嘅家庭set，今次仲有滿足到一眾海鮮控嘅龍蝦套餐，包括龍蝦沙律、龍蝦濃湯、加拿大熟龍蝦、美國緬因州熟軟殼龍蝦肉、海鮮、刺身、蛋糕及飲品等。

訂購方法：https://partyset.citysuper.com.hk/　

時尚粵菜 鏞鏞•藝嚐館

連粵菜都有到會！香港粵菜嘅金漆招牌「鏞記」團隊開拓全新的年輕品牌 — 「鏞鏞·藝嚐館」今年亦有推出聖誕同慶外賣套餐(六人用)，包括蒿笋雞樅菌鮮鮑魚、手撕煙燻童子雞、乾燒大蝦皇、生炒臘味糯米飯及可以令大家重拾童年回憶嘅童年大白兔糖奶凍等共八道菜，啱晒一家大細過聖誕！

訂購方法：致電餐廳23213800
供應日期：12月7日至1月1日

旋轉烤雞外賣店 La Rotisserie

聖誕節，點都要食火雞嘅～呢間人氣法式烤雞店節日套餐自由度就好高，可以根據口味自己選擇香濃惹味、肉質嫩滑嘅「法國自由放養火雞」、肉嫩多汁嘅「法國騸雞」、慢烤方式烹調又低脂低卡嘅「法國巴巴拉鴨」及「法國自由放養走地雞」其一，另外配埋甜薯栗子炒四季豆、松露巴馬臣芝士薯蓉同朱古力蛋糕，夠晒應節！

訂購方法： https://larotisserie.com.hk/ (節日美食須提前至少三天訂購)

港式街頭小食 李好醒

開Party最開心係咩？就係有得食香港人至愛嘅港式街頭小食呀，而呢間餐廳更將傳統港式小食喺用料上全面升級，而聖誕外賣到會套餐有供應四人、六人及十人份量，無論係小型聚會定一大班人都無問題！必試有加入花膠嘅落足料碗仔翅、XO慢煮蛋撈麵、彈牙豬肉燒賣及酥脆炸臭豆腐等，比起平時街頭食嘅更出色。

訂購方法：致電2896 7688(請於一日前預訂)
供應日期：12月1號起開始供應

高質烤火雞+牛肋排 AMMO

位於金鐘，主打意大利及日本 fusion 菜嘅餐廳，今個聖誕推出一牛一雞嘅到會套餐及單點菜式。香草烤火雞派對套餐，火雞特別用檸檬、百里香、鼠尾草同芫茜等材料將火雞醃製一晚，軟化肉質，令雞肉帶有淡淡香草餘韻， 同時去油解膩。火雞內釀滿煙肉、大蔥、意大利肉腸等餡料，外脆內軟！而香烤牛肋排派對套餐用上香草及芥末塗滿肉身， 再以鐵板將牛肋排表面煎烤至焦香，利用高溫鎖住肉汁，然後加入迷送香及大蒜，將牛肉烤焗至半熟，肉味勁濃！另外兩個餐都會配四款佳節經典配菜添～

訂購方法：www.ammo.com.hk/shop　
供應日期：2020 年 12 月 1 至 2021 年 1 月 1 日

日本風味 Tokio Joe

由總廚李師傅所創作的聖誕套餐，餐廳搜羅來自世界各地的食材，配合日本傳統烹煮方法，令客人猶如置身當地。節日派對四人套餐包括香辣吞拿魚他他、刺身及壽司盛合、北海道粟米天婦羅及海鮮炒烏冬等共七道菜，聖誕節食日本菜都係唔錯嘅選擇！

訂購方法：https://delivery.lkfe.com/
供應日期：即日起至 12月 31日

文: Yanica