經OpenRice服務買嘢食多優惠大家一向都知，不過今次真係抵上加抵呀！OpenRice餐飲券聯同外賣自取服務推出新用戶半價優惠，首次使用OpenRice外賣自取或餐飲券用戶消費滿$60，輸入優惠碼「VT50」，全單半價。優惠碼最多可於外賣自取及餐飲券分別使用一次，折扣高達$180！外賣自取服務包括連鎖中菜及薄餅專門店，而餐飲券優惠就包括人氣上海菜及老餅家，即刻睇吓有幾抵啦～
外賣自取:
鴻星中菜(全線分店) 全單75折
懶得煮飯，外賣中菜返屋企慢慢嘆都唔錯～呢間連鎖中菜館OpenRice外賣自取做緊全單75折優惠，必試新出嘅蟹饌系列，創意地將蟹肉加入唔同嘅菜式中，如招牌黃金酥炸軟殼蟹，炸得香脆鹹蛋味恰到好處，仲有菠菜蟹肉窩貼、蟹肉花膠燴菜苗、鮮蟹肉生煎包及賽螃蟹肉餃等，賽螃蟹肉餃皮薄餡鮮，蟹肉鮮味好濃郁！
PizzaExpress(全線分店) 指定食品9折
呢間連鎖pizza店相信大家都唔陌生，而家做緊外賣自取指定食品9折優惠，西西里島美食系列包括焗香草沙甸魚、番茄香草沙甸意粉、茄子番茄寛條麵、香辣茄子薄餅同西西里肉腸菠菜薄餅，番茄香草沙甸意粉以番茄香草醬配以沙甸魚、銀魚柳醬、蒜蓉、提子乾等製成，好惹味，款款都充滿意式風情呀。
餐飲券:
餐廳於1999年創立，以自家製嘅麵條聞名，標榜少油少調味，食都食得健康啲～今次可以用8折價錢購買$100現金券，用埋新用戶優惠碼「VT50」仲有得全單半價，真係抵上加抵。必試人氣菜式鮮肉小籠包，皮薄餡靚又juicy，仲有上海擔擔麵、花雕醉雞、松鼠桂魚同黃金蝦等上海名菜同埋一系列蟹粉菜式，味道夠晒正宗。
恆香老餅家 三黃白蓮蓉月餅49折 (9間指定分店適用）
就到中秋節梗係要買月餅食應節啦！雖然而家有好多新口味，但唔少人都係鍾意食返傳統嘢，而家經OpenRice餐飲券購買，就可以用49折價錢買到三黃白蓮蓉月餅，三黃白蓮蓉月選用頂級鹹蛋黃，每粒都金黃油潤，鬆化起沙帶微微鹹香，配埋清香醇厚白蓮蓉，好出色，送禮自用皆相宜。記得用埋新用戶優惠碼呀～
優惠條款及細則: https://www.openrice.com/info/tasxvoucher/tc.html
