無論你有無得放暑假都好，同姐妹一齊嚟個悠閒嘅下午茶，亦不失為一個避暑好方法。繼之前介紹過嘅美妝聯乘酒店下午茶後，又多一間酒店餐廳有主題下午茶，而且仲係唔少女孩子都覺得非常夢幻嘅愛麗絲夢遊仙境主題！

精緻四層架上面放滿精緻鹹點同甜品，當中最吸引嘅係有朵紫色玫瑰裝飾嘅意大利奶凍，同一見就聯想到愛麗絲嘅鐘擺造型曲奇。

食甜品之前亦可以先試鹹點，例如迷你和牛漢堡、小菇菇酥盒同煙燻三文魚等。

食完個四層架仲覺得意猶未盡？可以再加兩杯愛麗絲Mocktail，分別係黃色嘅青蘋果菠羅梳打，同紅色嘅紅桑子西柚梳打，酸甜清新一新味蕾。

注意返呢個下午茶星期六、日及公眾假期先有供應，唔好做唔到愛麗絲變咗大頭蝦呀。

Tasca Bar【愛麗斯夢遊仙境】主題下午茶
供應日期：即日至2016年9月30日（星期六至日及公眾假期）
查詢或預訂：3965 8789 / 3965 8782
*推廣期內凡惠顧【愛麗絲夢遊仙境】主題下午茶，另加$30可獲贈【K-PALETTE 愛麗絲限定款眼線筆】乙枝及愛麗絲MOCKTAIL 兩杯