美食當前，相機食先。作為foodie，先影為敬再放上IG直情係反射動作！優秀開飯熱店2018以「美食大晒 盡情Show Quali」主題，無論你係食家定係大廚，有好嘢自然要晒一晒！即刻睇睇各區同各類型必試熱店如何大晒功架！
出街同朋友食完飯，點都要食個 #甜品 先算圓滿😊。甜品店一向開到成行成市，但邊間先係好食嘅呢🤤？不如參考以下呢6間#首度入圍 OpenRice #優秀開飯熱店大賞嘅 #甜品店，睇下邊間啱你心水，立即投票大力支持！😉😉😉
日本過江龍班戟 FLIPPER'S
從日本旋風襲港嘅人氣班戟店，好多客人喺舖頭開業初期都只能睇得唔食得，開舖15分鐘就已經排晒籌，氣勢非常強勁。必試原味班戟及士多啤梨藍莓香蕉班戟，除咗甜班戟，仲有兩款鹹班戟添！
圖：超像真噴煙甜品 ZUC.CCH.ERO
舖頭老闆經常主意多多，不時推出盞鬼甜品，好似呢個以糖霜造嘅藍色水滴、會噴煙嘅富士山甜品等。造型夠eye-catching之餘，味道亦好出色，配搭得宜，自然得到好多甜品迷嘅熱捧。
圖：京都百年抹茶老店 京林屋
從1753年創立至今嘅日本京都抹茶老店京林屋，大賣傳統手打抹茶口味。以濃郁又帶少許甘香嘅抹茶，製作出等各款抹茶甜品。小至糖漿，大至抹茶芭菲、抹茶蕨餅、抹茶雪糕，均由店員一手包辦，難怪深得一班抹茶迷熱愛。
圖：Foodiessssss、penguineateateat
高質蜜瓜芭菲 i CREMERiA Café
舖頭由原來嘅日本高級水果店，其後供應超鮮甜嘅原個蜜瓜芭菲、金箔雪糕、薰衣草雪糕等甜品，之後仲開埋cafe供應埋鹹食添，實力非凡！食物、甜品所用嘅水果、食材、配料大部分都來自日本，用料夠quality！
圖：土炮文青甜品小店 一糖
位於天水圍嘅一糖甜品雖然偏僻，但依然無阻甜品迷朝聖嘅心！舖頭有齊中、西式甜品，有糖水、心太軟、芭菲、窩夫等等，仲不時推出創新甜品添！當中最多食客推介嘅有芒果腸粉，香甜芒果汁加埋爽滑腸粉，好味！
圖：招牌手工雪糕泡芙 Owl's Choux.Gelato.Coffee
首創法式雪糕泡芙嘅尖東甜品店，加入咗曲奇、粟米脆片，再經烤焗兩次而成嘅法式泡芙，口感比起一般泡芙light啲，再配埋一球冰凍雪糕，冷熱嘅反差感好強烈，好正！推介天鵝絨泡芙，紅色絨面脆皮，配以呍呢嗱杏仁雪糕，再淋上士多啤梨玫瑰醬及幾粒莓子，食落微甜而不太heavy。
圖：留意埋其他入圍嘅甜品店，好似主打班戟嘅PAN de PAIN Pancakes & Sweets、即興甜品畫嘅ATUM Desserant、HeSheEat以及小甜谷。立即去優秀開飯熱店大賞2018網站，投下心水一票啦！
立即投票：https://www.openrice.com/info/awards2018/index.html
文：Joy