當你食厭咗中、日、韓、西菜，想試啲充滿異國風情嘅美食，【RUE DU LIBAN】一定係你嘅不二之選！呢間位於尖沙咀山林道嘅黎巴嫩餐廳，主打地道嘅中東料理，料理用多種獨特香料炮製而成，帶嚟截然不同嘅味覺享受。

餐廳裝潢充滿異國風情，踏入店內，天花掛滿色彩繽紛嘅乾花，彷彿走進咗黎巴嫩花園。而獨立房間設計更具悠閒氣息。更特別嘅係，全店員工都係外籍人士，連服務都充滿正宗中東風情，食住野都感受到異國氣息。

黎巴嫩菜最出名嘅就係佢獨特嘅香料調味，而RUE DU LIBAN嘅前菜就充分展現呢種風味！鷹嘴豆蓉係必試嘅經典！鷹嘴豆蓉質地綿滑細緻，口感極之Creamy，配埋熱辣辣白麵包、薄脆印度烤餅同栗米片，令人食指大動。而法拉費牛肉庫貝即係用香料醃製嘅牛肉丸，炸至金黃香脆，外脆內嫩，加埋特製醬汁，入口充滿濃厚中東風味。主菜地中海慢燉牛肋骨燉得軟腍入味，肉香濃郁，入口即化。底部配搭特製薯蓉，夾雜住淡淡香草味，清新得嚟又唔會搶走牛肉原本嘅香氣。中東風味燉魚混合各種中東香料，魚肉燉得剛剛好，保持嫩滑口感，每道菜都充滿驚喜！

甜品推介大家試試風味獨特嘅米布甸，佢係以米飯為基底，並唔係一般香港常見嘅軟滑布甸，而布甸混合牛奶及果仁，再加入適量肉桂粉，係非常特別嘅甜品選擇！

餐廳最近推出咗OpenRice獨家2人晚市套餐 ，包括前菜、沙律、湯品、主菜、甜品，份量豐富，價錢合理，絕對值得一試！如果你想感受一場味覺旅程，試試唔同地方嘅風味，咁黎巴嫩菜係一個幾好嘅選擇！快啲約埋朋友，一齊探索呢場中東美食之旅！